.
.
بعد مرور اسبوع ع ابطالنا واخيرا اليوم المنتظر عقد قران ساره ومشاري كان الجو يجنن غيم بسيط مع هواء بارد الحديقه تنسقت كل شي صار جاهز اسم مشاري وساره صار ب واجهة البوابة الكوشة اللي كانت مليانه ورد ب اللون الابيض . .
شادن: واوو مراا ححللوو والله
ساره: عدلي الجوال لا اجلدك
شادن: طيب ع الطبيعه احلا ، المهم للحين مصره بتروحين لوحدك
ساره: اي بروح مع ماما واجيكم ان شاء الله
شادن: تمام ي احلى عروس ، يلا باي بشوف وين البنات
بيت ريم ومهند . . .
ريم: مهند اخر مرا اصحيك قوم يلا
مهند: شفيك انتي كم الساعه
ريم: بتصير ثلاثه
مهند: حلو لما تصير علميني
ريم: مهنددد
مهند: عيون مهند
ريم: يلا حبيبي والله بتاخر ع البنات
مهند وهو يجلس: الناس تصحي بشويش تسوي غداء بعدين نمشي
ريم ببراءه: انت قلت لي نتغداء برا ولانسيت
مهند بضحكه: لا مانسيت
ريم: طيب يلا قوم جهزت اغراضنا
بعد صلاة العشاء تقريبا وصل المملك واخيرا انربط اسم ساره ب زوجة مشاري كانت ترجف وهي تشوف توقيعه
ام فهد: الف مبروك يمه ساره
ساره: الله يبارك فيك خالتي
كيان وهي تضمها: صحبتي واختي الف مبروك ياعيوني
ساره بضحكه: وراك وراك
ريم: الف مبروكك ياروح صحبتك انتي
شادن: يالله احس اني اسعد وحده صحباتي زوجات اخواني
كيان ببرود : كنت
شادن : بلا سخافة تدرين انه منتظر منك كلمه ويملك ع طول !
كيان : مايهـمني ، وراه ثنتين يجرون وراه مو وحده
شادن : مافهـمت !
كيان ب استفزاز : دكتوره جديده تحوم تحوم وراه مدري شعندهـا
شادن بضحكه : اهـا غيرانه
كيان : نعم حبيبي ! ليه اغار مايهـمني بس يحترم نفسه مو سواليف شغل
شادن بضحكه : طيب طيب
ام كيان: ربي يخليكم ل بعض يمه
قربت نوف بغرور وهي تبارك ل ساره: مبروك
ساره ببرود: الله يباركك فيك
ام ساره: يلا عريسنا جاي تصورو وانزلو
ساره بهمس: شادن خليك معي
شادن: ياويلي تبغينه يجلدني محذرني مليون مره فكيني منه
خرجت وهي ترد على سلطان
سلطان: اخرجي ابيك
شادن بضحكه: ترا عارفه حركاتك
سلطان : يلا انتظرك ب الجهه الخلفيه
شادن: كيانو حبي روحي المطبخ امي قالت تبيك
كيان: تمام
نزلت كيان للمطبخ وقفت عند المرايه وهي تتامل شكلها بهـدوء وسرحان قطع سراحانهـا صوت فهـد
فهـد : ما مليتي ! صار لنا اسبوع
كيان ببرود : ولا راح أمل لاني مابي اسمع شي يافهـد ، ايش ماكان سببك الله يسامحك بس انتهـاء فاهـم!
فهـد : لا ما انتهـاء ياكيان ! وبتكلم وبتسمعين وبعدهـا قرري وانا اقبل قررك ايش ماكان
لفت كيان بتمشي بس سحبهـا للجهة الخلفيه
كيان ب عصبيه : مجنون !
فهـد ب اعصاب : اي مجنون اسبوع ابيك تسمعين مو راضيه اسمعي بس كثير علي
كيان ببرود : اسبوع وطفشت أجل انا سنة وش أقول!
فهـد : ماطفشت ماطفشت بس ابيك تسمعيني !
كيان : اسمع ايش قول لي اسمع ! قربت منه وهـي تضرب صدره انا اللي كنت اسمع كلام واهانات وساكته ماكان عندي رد ابدا تدري كان يقولون فيك وفيك تركك اكيد عرف شي حطيتني ب ابيخ موقف وخليت ناس تافهه مالها قيمه تهرج عني
فهـد : انجبرت ماتفهـمين ! هـدودني في اهلي ف سلطان ف مهـند ف ابوي ومشاري خفت يوصلون للحريم ياكيان
كيان : انت ايش قاعد تقول من اللي هـددك!
فهـد بدا يسرد لهـا كل شي من بداية التهديدات ل خروجه من السعوديه
كيان بدموع : ليه ماقلت !
فهـد : ماقدر كان لازم اوهـم ذوليك اني مت
كيان : ليه ماقلت انه في احد يهـددك من البدايه
فهـد : ماكنت بقلقكم
كيان بدموع : تدري هالتفصيل البسيط ! كان ممكن يغير كل شي كان ممكن اتحمل او اخليه عذر فهـمت مازعل مانكسر منك لهدرجه يافهـد
فهـد : اسف ولو بقول اسف من اليوم ل بكرا ادري مارح تشيل حزنك لكن اسف على كل شي كل لحظه زعلتي وماكنت جنبك على كل وجع سببته لك هالسنه على كل ثانيه بعدت عنك مسامحتني؟
مشت كيان وهـي تمسح دموعهـا وتدخل المطبخ تشرب مويه
عند سلطان وشادن . . .
سلطان: تبين تحرميني من هالجمال؟
شادن بدلع: اتغلى عليك شوي
سلطان: بنت اعقبي
شادن مكمله دلع وهي ترفع نفسها ل خده وتبوسه:رضيت ولا باقي
سلطان ب ابتسامه: ارضى ليه مارضى
شادن: برد طيب بدخل
قرب سلطان وهو يضمها: هاك حضني يدفيك
عند عرسننا الحلوين
مشاري وهو يبوس راس ساره: اخيرا صرتي ملكي
ساره بحياء: اخيرا صرت زوجي
مشاري: احبك
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
