.
.
بعد مرور اسبوعين ع أبطالنا كانت بين الدوامات والبيت بدون اي شي جديد واخيرا اليوم الاول ف التطبيق ل ريم وكيان وماحكي لكم عن توترهم ب الجامعة . . .
كيان: ياويلي بنات احس قلبي بيوقف وبنسى كل شي درسته هالسنين
ريم: اقول والله تتصفقين خلاص
بيان: انا جيت وجبت لكم احلا قهوه بارده من يدي تروقكم
ساره: دوخوني دوخوني توتر كلها يومين شفيكم اهدو
بيان: يلا البسو الروب الابيض وتعالو ناخذ صوره جماعيه لو سمحتو
كيان بحماس: يلا
شادن من وراهم: خاينات بدوني يعني ؟ زعلت عليكم
كيان وهي تضمها: اهلينن لا والله تعاليي لحقتي
شادن بهمس: كيف نفسيتهم
بيان: توتر مليون نحاول ننسيهم
شادن: الساعه كم بتمشون واي مستشفى
ريم: تخيلي وين
شادن: وين
ريم: مستشفى ال فيصل
شادن: مره ححلو هالمستشفى والكل يمدحه
كيان: ايي يارب دكتور طيب يمسكني وينصحني بشويش لان لو يعصب ببكي
شادن وهي تدعي بقلبها: الله لايحطك بيد فهد لان صدق بيصيحك
كيان: برسل ل فيصل بقوله بروح معك المستشفى ويجيني هناك
ريم: باي بشتاق لكم ، دعواتكم
شادن : بالتوفيق حبايبي
مستشفى ال فيصل ، مكتب مشاري . . .
مشاري: لو سمحتو لاتضغطون ع الطلاب اليوم ب الذات لان اكيد بيكونون متوترين ف بشويش بشويش خصوصي انت يافهد
فهد: الحين سؤال مين الكبير؟
مشاري: انت
فهد: مو عشان تدير المستشفى تفلها هي اهجد
مهند بضحكه: انا من الحين بكون دكتور شاطر معهم وبروقهم
مشاري: ماينخاف عليك ينخاف من خويك
فهد: المهم عطني الاسماء اللي معي
مشاري: ٣ عندك يافهد ٣ عندك يامهند وهذا الاسماء يلا الطلاب ع وشك الوصول نروح نستقبلهـم بالتوفيق
ريم بشهقه : كيان الحقي ! شووفي !
كيان بصدمه : دكتور ذا ؟ ريم تكفين لاتقولينهـا
ريم : والله قلتهـا يمه يمه كيف وجهه
كيان : يوم الجمعة قابلته تخيلي
ريم : وين ياكلبه ليه ماعلمتيني
كيان : ماعرفني بس عرفته انا
ريم : وش صار ؟
كيان : بعدين الحين ادعي انه بس يستقبلنا ماله دخل
مشاري : اهلين فيكم كلكم اكيد الكل متحمس ومتوتر لاتخافون ولاتتوترون انتو ف ايدي امينه اتمنى لكم التوفيق واتمنى انكم تستفيدون من دكاترنا الموجودين هنا واللي راح يساعدوكم دكتور فهـد ودكتور مهـند
فهد: كلنا هنا مسؤؤلين عن شي واحد وهو ارواح الناس، حط احتمال ل كل شي اترك مشاكلك وحياتك وتعال هنا عقلك صافي من كل شي لان شي بسيط يشغلك ممكن يؤدي ل وفاة شخص
مهند: نتمنى لكم التوفيق كلكم
كيان: يارب مو معه يارب هالمره لا يارب
مهـند : فهـد انت شايف اللي هـناك مين ؟
فهـد : مين ؟
مهـند : تستهـبل ! البنت اللي سالتني كيف عرفت انه مريضتك بتطيح !
فهـد : دكتوره ؟
مهـند : ع وشك تصير دكتوره
فهـد : مهـند امس عصبت بالمطعم ورميت الجوال ع وحده !
مهـند : اي قلت لي ؟
فهـد : هذي هي
مهـند بصدمه : ايش !
فهـد : بزر ومدلعه وشايفه نفسهـا ماعرف ع ايش ،
مشاري : الاسماء راح تتوزع الان
ريم : يارب استر
كيان : صدعت يارب ماعرفني للحين
ريم : ماعليك واضح ناسي
فهد بسخريه وكنه فهم نظراتها: كيان ال سالم
ريم بضحكه: طحتي ومحد سمى عليك
كيان ب ثقة: انا دكتور فهد
فهد : المجموعة اللي معي تقدرون تتفضلون معي
مهند وهو ياشر له: ب التوفيق
كيان: اذا خلصتي دقي تمام
ريم: تمام
ف المكتب عند فهد وزع المهام ع الكل وهو يسرق نظارته ل كيان ويشوف توترها وشلون تشابك يدها ببعض وتعمد تكون هي اللي معه ب كل شغله
فهد ببرود: دكتوره كيان انتي راح تكونين معي ب كل شي راح اخليك تقابلين المرضى وتكشفين عليهم وتشخصين الحاله واذا طلع تشخيصك صح ب كل مره اقدر اعطيك درجاتك وشهادتك
كيان بهدوء: ان شاء الله
فهد: راح نبدا بعد نص ساعة عندي مريض اول مره يجيني وبشوف طريقتك معه وكيف راح تشخصينه
كيان: طيب دكتور فهد
فهد: تقدرين تتفضلين لما اخرج تلحقيني
كيان بهـمس: لما اخرج تلحقيني ! حتى اسلوب مافي
فهـد : قلتي شي
كيان : لا
فهـد : تقدرين تتفضلين
كيان : اوك
أنت تقرأ
جيتني مثّل الشروق اللي محى عتم الليّالي
Genel Kurguالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
