تبدا قصتنا الساعة 7:00 في غرفة ريم الي نشت بعد ما رن منبهها عشان تروح المدرسة ... اليوم هو اول يوم من اخر سنه لريم ف المدرسه .
قامت ريم و راحت الحمام (عزكم الله) غسلت ويهها و فرشت اسنانها و طلعت .. راحت عند الكبت (خزانة الملابس) و شلت لبس المدرسة و حطته على الشبرية .
راحت عند التسريحة و بدت ترتب شعرها و حطت ميكب خفيف و تعطرت و قامت لبست ملابسها و حطت شيلتها على كتفها و طلعت من الغرفة
نزلت تحت .
ريم : صباح الخير
امها + ابوها : صباح النور
باست راس امها و ابوها
ام ريم : ها حبيبتي جاهزه ؟
ريم : هيه اميه بس باكل و بجهز شنطتي
ام ريم : زين حبيبتي يلا كلي بسرعه عشان ما تتأخرين
ابو ريم : اوصلج ولا تبين تروحين فالباص؟
ام ريم : انت بروحك متأخر على الدوام بعد تبي توصلها ؟
ابو ريم : ماعليه مدرستها على درب الدوام
ريم : وصلني
ابو ريم : اوك
كلت ريم على السريع و قامت راحت غرفتها عشان تجهز شنطتها.
ابو ريم يصارخ من عند الدري (الدرج) : يلا ريم
ريم و هي نازله : يلا يلا خلصت
ام ريم : يلا تأخرتي حبيبتي
طلعت ريم و ابوها و ركبو السياره و حركو بسرعه عسب ما يتأخرون
وصلت ريم و نزلت من السياره و دخلت المدرسه مع باقي الطالبات.
صادفت ربيعتها نوف
نوف : هلا والله
ريم : اهلين
نوف : اخبارج؟
ريم : تمام الحمدلله و انتي؟
نوف : بخير دامج بخير
ريم : اقول بلا رسميات امشي خل نروح بسرعه عشان لا نتأخر
نوف : هههههه يلا
راحو البنات
دخلو الصف مع باقي الطالبات و يلسو على اخر طاولتين
تمو يسولفون لين ما دخلت الابله و سلمت عليهم و عرفت على نفسها و بدت شرح بسيط عن الماده الي بيدرسونها هذا الفصل.
3:15pm
خلص اخر حصة و بدت ريم تجمع اغراضها و تحطها فالشنطه و طلعت هي نوف من الصف عشان يروحون عند بوابة الباصات.
ركبت ريم و ركبو باقي البنات و حرك الباص و وصل كل بنت بيتها
نزلت ريم من البيت و شافت سيارتين قدام بيتهم
ريم : منو ياي البيت؟
دخلت ريم و شافت امها و مرت عمها محمد يالسين يسولفون
ريم : السلام عليكم
ام ريم : و عليكم السلام
راحت ريم عند امها و باست راسها و لفت عند مرت عمها
ريم : شحالج مرت عمي
شيخة (مرت العم) : بخير الحمدلله شخبارج انتي حبيبتي ريم
ريم : بخير دامج بخير .. عيل وين سلمى ؟
ام ريم : سلمى فالحمام (عزكم الله)
ريم : عمي موجود؟
شيخة (مرت العم) : هيه فالميلس مع ابوج
ريم : عيل السيارة الثانية مال منو؟
شيخة (مرت العم) : مالت ذياب
ريم : اها .. تمام انا بسير ببدل وبصلي و برجع لكم
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
