الخميس 5:00pm
ردت ريم الكلية مع السواق
دخلت و شافت شيخة يالسه فالصاله
ريم : سلام عليكم
شيخة : و عليكم السلام
راحت ريم و باست راس مرت عمها
شيخة : ليش تأخرتي ؟ تغدينا بدونج
ريم : سوري والله لما خلصت رحت المكتبه ادرس و ما حسيت بالوقت
شيخة : تبين غدا؟
ريم : هيه والله يوعانهه
شيخة : يلا بدلي و تعالي
ريم : ان شاء الله
راحت ريم غرفتها (هي و ذياب)
دخلت و ذياب ما كان موجود
ريم : شكله ما رجع
راحت ريم بدلت و نزلت تحت
راحت غرفة الطعام
شيخة كانت يالسه تترياها
يلست ريم على الطاوله و حطت لها شيخة اكل
كلت ريم و تمت تسولف مع شيخة عن يومها و عن شو سوت الكلية
شوي و دخل ذياب
ذياب : السلام عليكم
ريم + شيخة : و عليكم السلام
ياه ذياب و باس راس امه
و باس راس ريم
ريم استغربت بس ما علقت
شيخة : تبا تاكل؟
ذياب : لا لا مب يوعان
شيخة : انزين تعال اباك تسير الجمعيه ابا كم غرض
ذياب : وين ابوي ؟
شيخة : ابوك سار العزبه مع ربيعه
ذياب : انزين انا ما اعرف كيف اشتري اغراض البيت
شيخة : ما عليه ود ريم معاك هي تعرف
ذياب : اوكي
راح ذياب و خلصت ريم اكلها و قامت
ريم : الحمدلله
شيخة : بالعافيه
ريم : يعافيج ربي
راحت ريم الغرفه و ليست عبايتها
و نزلت عشان تسأل شيخة عن الاغراض
ريم : شو اشتري ؟
شيخة : هاج مسكي هاذي ورقة فيها كل الاغراض
ريم : تمام
نزل ذياب و راح هو و ريم ركبو السياره
وصلو الجمعيه و نزلو
دخلو و سحب ذياب سله عشان يحطون فيها الاغراض
تمت ريم تشتري و ذياب يلحقها و هو ساكت
ذياب : انا بسير و برد اوكي؟
ريم : تمام
راح ذياب و تمت ريم بروحها
كانت ريم كل شوي تتأكد من الورقة عشان لا تنسى الاغراض
لاحظت ريم و هي تمشي انه في واحد يالس يلحقها
فكرته ذياب فالبدايه لكن لما شافت ويهه عرفت انه مب ذياب
سرعت شوي من خطواتها عشان تروح عند الكاشير
وصلت عند الكاشير و حطت الاغراض
و شوي الا ايي ها الريال الي كان يلحقها
الريال : الحلوه شو تسوي بروحها هني؟
طنشته ريم
الريال : انزين عبرينا
ريم : ....
الريال : مستحيه ؟
ريم : ....
حاسبت ريم الاغراض بسرعه عشان تطلع
تم الريال يلحقها
مشت ريم بسرعه
قرب الريال منها و كان بيمسك ايدها لكن وقفه احد
ذياب : خير؟
الريال : انت الي خير؟
ذياب : شو تبا ؟
الريال : انت الي شو تبا ياخي هد ايدي
ذياب : يالس تلحقها من ساعه عبالك ما لاحظت؟
الريال : انزين و اذا كنت الحقها انت شو دخلك؟
سكت ذياب شوي و بعدين حط ايده في جيبه
و طلع بطاقة
ذياب : معاك شرطة بوظبي
الريال : يا ريال انت فاهم غلط هاذي حرمتي
انصدمت ريم
ريم : جذاب
الريال : ما تستحين انتي تقولين حق ريلج جذاب
حاول ذياب يمسك اعصابه
ذياب هد ايده
ذياب : اول شي لا تجذب ثاني شي ان شفت رقعة ويهك هني مره ثانيه ياويلك
راح الريال بسرعه قبل ما ذياب صدق يسوي فيه شي
مسك ذياب ريم في ايد و سحب السله في ايد ثانيه
ذياب : يتحرش و بعد جذاب لو ضاربنه احسن
ريم : وين كنت؟
لف ذياب عليها
ريم : دام شفته يلحقني ليش ما ييت؟
ذياب : ...
ريم : الحين لو شرطي ثاني كان بيصدقه لما قال اني حرمته
ذياب : ....
سحبت ريم ايدها من ذياب و تمت تمشي وراه
تم ذياب ساكت لانه توه استوعب جانب ريم من الموقف
ركبو السياره و كان الصمت سيد الموقف
وصلو البيت و ريم نزلت و ما ساعدت ذياب فالاغراض حتى
راحت الغرفه فصخت عبايتها و انسدحت
تمت تصيح بهدوء لين رقدت
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
