ذياب : انزين اسأليها على الاقل
سلمى : امش امش
ريم : انزين انا ما يبت ملابس
سلمى : عادي عادي
حرك ذياب و راح البيت
وصلو و نزلت سلمى و نزلت معاها الاكل
نزلت ريم وراها و تم ذياب فالسياره
دخلو البنات
سلمى : امشي المطبخ بنيلس ناكل
ريم : يلا
راحو المطبخ و يلسو ياكلون
ريم : انزين تعالي انا و انتي مب نفس المقاس من وين بيب ملابس ؟
سلمى : ما عليج خلي الامور علي
ريم : الله يستر
ضحكت سلمى و تمو ياكلون لين خلصو
سلمى : قومي بنروح فوق بنطالع فلم
ريم : اوك
راحو فوق غرفة سلمى
راحت سلمى عند الكبت (خزانة ملابس) و طلعت لها بجامة
ريم : و انا ؟؟! يالخاينه بتلبسين بجامة و انا بتم بمخور
سلمى : اصبري انتي ليش مستعيله
طلعت سلمى من الغرفة و بعد عشر دقايق رجعت و في ايدها ملابس
ريم : من وين يبتي ها؟
سلمى : انتي البسي و خلاص
ريم : انزين بس ها كبير علي
سلمى : احسن من ما يكون صغير
شلت ريم الملابس و دخلت الحمام تبدل
سلمى تصارخ : لا تطلعين لين ما اقولج لاني ببدل
ريم : اوووكييي
لبست ريم sweatpants رمادي و قميص ابيض تمت فالحمام تتريا لين سلمى تناديها
سلمى : خلصت!
طلعت ريم
ريم : وايد كبير علي من وين يبتي هاذي الملابس
سلمى : اهم شي انه مريح؟؟
ريم : هيه مريح
سلمى : خلاص عيل لا تسألين وايد اسأله
ريم : انزين انزين
سلمى : يلا تعالي خل ندور فلم نشوفه
ريم : اوكي
سلمى : ويت! ما عندنا سناكس
ريم : لازم يعني؟
سلمى : اكيد لازم نحتاج شي نتسلى فيه و نحن نطالع الفلم
ريم : توج ماكله
سلمى : حتى لو
ريم : بترجعين من كثر الاكل
سلمى : اولا قولي ما شاء الله ثاني شي تعالي بنعلب حجرة ورقة مقص عشان الي تخسر تروح تحت اتييب سناكس من المطبخ
ريم : لا والله ؟
سلمى : هيه والله
لعبو حجرة ورقة مقص و خسرت ريم و انجبرت انها تروح تحت
دخلت المطبخ و شلت حلويات و جبسات و لفت عشان تطلع و صادفت ذياب الي كان داخل عشان يشل له ماي و انصدم من منظر ريم
ذياب : ليش لابسه ملابسي؟
ريم : ها؟!
ذياب : ليش لابسه ملابسي؟؟!؟
ريم : ملابسك!!!؟
ذياب : هيه ملابسي ... كيف دخلتي غرفتي و هي مقفوله اصلن؟
ريم : سلمى عطتني هاذي الملابس و قالت لي البسيها ما قالت لي ملابس منو
ذياب بدت العصبيه تبان في ويهه : سلمى؟ ما عليه
حط ذياب الماي على الطاوله و راح فوق غرفة سلمى
ذياب : من وين لج مفتاح غرفتي؟
سلمى : ها؟
ذياب : من وين حصلتي مفتاح غرفتي و انا خاشنه؟؟؟؟
سلمى : هههههه شو تقول انته
ذياب : كيف شلتي ملابس من الغرفة؟
سلمى : كيف بعد دخلت و شليت ملابس
ذياب : بس الغرفه كانت مقفوله
سلمى : لا ما كانت مقفوله
ذياب : لا تستعبطين انا قفلتها قبل ما اطلع
سلمى : والله ما كانت مقفوله
دخلت البشكاره غرفة سلمى
امل : بابا ذياب هذا مفتاح مال غرفه مال انته
ذياب شل المفتاح
ذياب : انتي فتحتي الغرفه حق سلمى؟
امل : لا بابا انا يفتح عشان ينظف و ينسى يقفل مره ثانيه
ذياب : طع ... انزين انزين خلاص سيري
راحت البشكاره
و دخلت ريم
سلمى : شفت ؟ قلت لك ما كانت مقفوله الغرفه
ذياب مسك سلمى من اذنها
سلمى : اااييي
ذياب : بأمر منو تدخلين و تشلين ملابس على كيفج!؟
سلمى : ايييي يعور هدني
ذياب : بأمر منو تدخلين؟
سلمى : ذياب هدني يعور
ريم قربت و مسكت ايد ذياب
ذياب هد اذن سلمى و ابتعد لما مسكت ريم ايده
ريم : هدها يالس تعورها ترا
ذياب : ان شفتج قربتي صوب غرفتي مره ثانيه ياويلج
سلمى : ....
طلع ذياب و راح غرفته
تمو البنات يطالعون افلام و يسولفون لين رقدو
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
