جمعتنا وصية

Part 4

خلصت عدة

ومر وايد على وفاة عبدالله

ابتدا اخر فصل لريم ف المدرسه
خلاص بعد هذا الفصل بتتخرج .. رجعت الحياة طبيعيه
ريم سكرت على جرح ابوها
حاولت تتدارك الوضع و تتأقلم معاه
حتى امها كانت تحاول تسوي نفس الشي

7:30 am

رن منبه ريم  قامت بكل كسل من الشبريه و راحت الحمام (عزكم الله) و غسلت ويهها و طلعت
لبست لبس المدرسه و راحت عند التسريحة و تعطرت و
شلت هودي اسود و شنطتها و نزلت تحت.

ريم : صباح الخير
ام ريم : صباح النور حبيبتي يلا كلي بسرعه عشان لا تتأخرين
ريم : ههههه اوكي اوكي
ام ريم : هههه يلا يلا

ريم في نفسها : "اخيرا امي ضحكت... اخيرا البيت صار يفتح النفس .. اخيرا رجعنا نفس قبل"

خلصت ريم على السريع و شلت اغراضها و طلعت.

ما عرفت مريم كيف تفاتح ريم في موضوع الوصية
وصية زواجها هي و ذياب

اتصلت حق محمد

محمد (العم) : هلا مرت اخوي
مريم : اهلين امم محمد تعال اليوم انت و شيخة عندنا
محمد : ليش صار شي؟
مريم : اباك انت تفتح موضوع الوصية مع ريم
محمد : اهاا خلاص اوكي لما ترجع ريم من المدرسه بنمركم
مريم : ان شاء الله

3:45pm

رجعت ريم من المدرسه و شافت سيارة عمها واقفه قدام الباب
دخلت

ريم : السلام عليكم
الكل : عليكم السلام و رحمة الله و بركاته

راحت ريم غرفتها بدلت و نزلت تحت عند عمها

ريم : كيف حالك عمي (لفت عند مرت عمها) شحالج مرت عمي
شيخة + محمد : بخير حبيبتي اخبارج انتي
ريم : بخير دامكم بخير
محمد : حبيبتي ريم دامج على ويهه تخرج انا ياي هني اكلمج في موضوع مهم
ريم : موضوع شو؟
محمد : موضوع الي وصاني ابوج عليه
ريم : وصية؟
محمد : تذكرين يوم عملية ابوج لما رحتي اتيبين ماي حق ابوج و لما رجعتي كنا كلنا ساكتين؟
ريم : هيه اذكر
محمد : هذاك اليوم ابوج الله يرحمه  وصانا لانه كان يعرف انه ما بيطلع من العملية

بدت الدموع تنزل من عيون ريم

ريم : شو الوصية
محمد : تتزوجين انتي و ذياب بعد تخرجج من الثانويه
ريم : ...

يتبع...