حمدة : مبروك
ذياب : حمدة ؟؟؟؟!!
ريم اول ما سمعت ذياب لفت على البنت الي كانت واقفه قدامها بصدمه
تمت حمدة تطالعهم و دموعها في عينها
ذياب بصوت مخنوق : انتي شو تسوين هني؟؟
حمدة : ييت ابارك لك
لفت حمدة عند ريم و ابتسمت
حمدة : انتي بنت عمه المرحوم صح؟
ريم ما قدرت تتكلم لانه خنقتها العبرة
اكتفت بأنها تهز راسها و خلاص
حمدة : الله يوفقكم
لفت حمدة عشان تنزل من الكوشة لكن اصوات ريم و ذياب وقفتها
ريم : لحظة...
ذياب : حمدة...
اتكلمو في نفس الوقت
لفت حمدة و ابتسمت لهم و مشت
سلمى كانت تمشي للكوشه عشان تروح عند اخوها لكن تفاجأت في حمدة
سلمى مصدومه : حمدة؟!
حمدة : ...
سلمى : انتي ... انتي شو تسوين هني؟
حمدة : ييت ابارك حق اخوج
سلمى : حمدة ...
حمدة نزلت دموعها لكن مسحتهم و ابتسمت
حمدة : قولي حق اخوج و بنت عمج انه حمدة تتمنى لكم التوفيق
سلمى : .....
راحت حمدة و طلعت من الصاله ...
بدت الدموع تتجمع في عين ريم
ذياب تم يطالع حمدة و هي طالعه كان يتمنى يلحق وراها و يوقفها
تمو ريم و ذياب ساكتين خلص العرس و بدو المعازيم يروحون
طلعو و راحو الغرفة عشان يكملون جلسة التصوير
خلصو و طلع ذياب
ذياب : انا بسير و برد
طلع و تمت ريم بروحها فالغرفة تصيح
يت مريم عشان تطمن على بنتها قبل ما تروح المطار
اندق الباب
ريم : اتفضل
مريم : ها حبيبتي ... ريم ؟ شفيج؟؟؟
ريم : امي حمدة يت
مريم : منو حمدة؟؟ ليش تصيحين؟؟
ريم : امي حمدة حبيبت ذياب يت يت العرس و... ( تصيح و تحضن امها)
مريم : بس بس حبيبتي (تمسح على راسها) بس خلاص لا تصيحين
ريم : يت و سلمت علي
مريم : ....
ريم : امي انا خربت عليهم
تمت ريم تصيح
ذياب كان واقف عند الباب و سمع كل الي قالته ريم
بدت دموعه تنزل.
مسح دموعه بسرعه و دق الباب و دخل
مريم : ذياب...
ذياب : ....
مريم : انت بخير ....؟
ذياب و هو يطالع الارض : هيه ... ريم يلا اجهزي عشان نروح المطار
ريم : بس..
ذياب : يلا اجهزي
قمت مريم و راحت عند ذياب
مسكت ايده و طلعته برا
مريم : ذياب...
ذياب : ....
مريم : اذا ما تبا تروح شهر العسل عادي ترا ...
ذياب : لا بروح
مريم : بس ....
ذياب : ريم ما يخصها في مشاكلي هي توها عروس لازم تستانس في فترة عرسها صح اني ما احبها .... بس انا مب اناني
مريم ابتسمت و حضنته
مريم : من عرفتك و انت طيب و مستحيل تكون اناني
ذياب : هذا الي تربيت عليه مرت عمي
مريم : الله يوفقك حبيبي
ذياب : امين يارب
راح ذياب و دخلت مريم مره ثانيه
مريم : ريم حبيبتي
ريم : ...
مريم : قومي يلا .. قومي اجهزي وراج شهر عسل بتتأخرون على الطياره
ريم : بس...
مريم : ريم .. ذياب يباج تستانسين انتي توج عروس
ريم مسحت دموعها : ان شاء الله
قامت ريم و فصخت فستانها بمساعدة امها و دخلت الحمام و غسلت ويهها من ميكب العرس و فلت شعرها
ريم : شو البس؟
مريم : طيارتكم الساعه اربع الفير صح؟
ريم : هيه
مريم : عيل البسي اي شي خفيف... انا بخليج و بسير تحت عند مرت عمج
ريم : اوكي
طلعت مريم و تمت ريم بروحها
ريم : اممم البس شي مريح؟
لان كان ايام شتاء قررت ريم تبلس هودي كبير و بنطلون و جوتي
و ما لبست شيله بس غطت شعرها بكاب الهودي
حطت ميكب خفيف وايد
اندق الباب
دخل ذياب و هو لابس هودي اسود و بنطلون اسود و جوتي ابيض
ذياب : جاهزه؟
ريم : هيه
ذياب : وين شنطتج ؟
ريم : هناك
ذياب : يلا عيل عشان لا نتأخر
طلعو
مشت ريم ورا ذياب
لاحظت ريم انه هي و ذياب مطقمين
لابسين اسود و جواتي بيضة
ابتسمت ريم و كملت تمشي ورا ذياب
نزلو تحت عند بوابة الفندق مكان ما ينتظرونهم الباقيين
محمد : ها ذياب جاهزين؟
ذياب : هيه ابويه
سلمو على الكل و ركبو السياره و اتجهو للمطار
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
