شيخة : تبين غدا؟ ريم : لا مب مشتهيه اكل شيخة : كلي تراج من الصبح ما كلتي ريم : تمام بس شوي شيخة : زين ... ميري حطي شوي اكل حق ريم ميري من المطبخ : اوكي
راحت ريم غرفة الطعام عشان تاكل يابت ميري الاكل حق ريم دخل ذياب على ريم و هي تاكل
ذياب : بالعافيه ريم : الله يعافيك ذياب : اشوف عطيني شوي ريم : روح ييب لك ذياب : افا ما تشاركين ريلج ريم : روح روح
قام ذياب و راح المطبخ ياب له spoon قعد عند ريم و كلى معاها
ريم : لا والله؟ ذياب : هيه والله
كلو هم الاثنين و بعدين رجعو الصاله عند شيخة و محمد
شيخة : بيون ضيوف اجهزو ريم : متى؟ شيخة : يعني الساعه ست او ست و نص ريم : انزين محمد : انا اليوم معزوم بروح بيت واحد من الشباب و بشل ذياب معاي ذياب : تمام شيخة : تمام
قامت ريم و راحت الغرفه يلست عند التسريحة و بدت تسوي شعرها . . خلصت من شعرها و اتصلت حق نوف
ريم : الو هلا نوفه نوف : اهلين بالام ريم : هههههه اقولج نوف : قولي ريم : مسوين عزيمه في بيتنا تعالي نوف : متى؟ ريم : الضيوف بيون الساعه ست تقريبا نوف : تمام بشوف لو قدرت بيي ريم : تمام
سكرت ريم و بدت تحط ميكب حطت ميكب خفيف و بعدين قامت و راحت عند الكبت عشان اشوف لها شي تلبسه فتحت الكبت و تدور طلعت واحد من الدرّسات مالها قبل ما تحمل شلته و راحت الحمام عشان تجربه لبسته و كان مناسب
ريم : اوه طلع اوكيه توقعته ما بيي قدي
لانه كان اول حمل لها بعد الولاده رجع جسمها نفس ما كان الدرّس >>>>
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت ريم ذياب راح لبس كندورته و شل غترته حطها على كتفه شل تلفونه و سويجه و طلع نزل ذياب و شاف ابوه واقف ينتظره
محمد : يلا جاهز؟ ذياب : هيه محمد : يلا
طلعو ذياب و محمد . . . سلمت ريم على الحريم رن تلفونها و كانت نوف متصله
ريم : هلا نوفه نوف : اقولج انا برا تعالي لي استحي ادخل وايد ناس ريم : تمام الحين يايه
طلعت ريم برا و شافت نوف واقفه
ريم : تعالي
يت نوف و حضنت ريم
نوف: مبروووككككككك ريم : ههههه الله يبارك فييجج نوف : يتربى في عزج ريم : حبيبتي والله يلا ادخلي ادخلي
دخلو البنات و راحو الصالة عند الحريم سلمت نوف عليهم و بعدين يلسو على جنب و بدو يسولفون
نوف : ها شو سميتيه ريم : حمد نوف : من اليوم و رايح بناديج ام حمد ريم : ههههههههه
تمو يسولفون لين وحده من الحريم نادت ريم
حرمة 1 : ريم ريم : هلا شيخة : خلاص من اليوم و رايح نادوها ام حمد حرمة 1 : هههه خلاص ام حمد ريم : هههه نعم خالوه حرمة 1 : سميتيه حمد عيل ها؟ ريم : هيه حرمة 2 : انتي سميتيه ولا ذياب سماه ريم : انا و ذياب اتفقنا على الاسم حرمة : يتربى بعزكم ان شاء الله ريم ابتسمت : امين
تمو يسولفون
نوف : انزين راويني شكله ريم : والله ما عندي صورته بعده فالحضانة نوف : انزين السونار؟ ريم : هيه تعالي براويج
راوتها ريم السونار الي صورته قبل ما تولد بأسبوعين
نوف : اتحسين بيطلع يشبهج و لا يشبه ذياب؟ ريم : ما ادري ان شاء الله يشبه ذياب نوف : لا لا ان شاء الله يشبهج انتي ريم : هههه ان شاء الله
تمو يسولفون و بعدين اتعشو و كل حد رد بيته نوف باتت عند ريم نامو البنات في غرفة سلمى
