محمد : كانت وصيته انه تتزوجين ذياب بعد ما تتخرجين من الثانوية
ريم : ...
الكل : ....
ريم : لا
محمد : ها
ريم : لا
شيخة (مرت العم) : بس حبيبتي ريم هاذي وصية ابوج
ريم : قلت لكم لا !! ما بتزوج ذياب!!
قامت ريم راحت غرفتها
دخلت و قفلت الباب وراها
لحقت مريم ورا بنتها
مريم : ريم حبيبتي بطلي الباب
ريم : قلت لكم ما بتزوجه خلاص
مريم : انزين بطلي الباب
ريم : ما ببطل و قولي حق عمي انه انا ما بتزوج ذياب
بدت ريم تصيح و امها تسمعها من ورا الباب بس ما تقدر تسوي شي
راحت مريم عند محمد
مريم : قفلت على عمرها الغرفة و تقول ما بتتزوجه
محمد : انزين ليش؟
مريم بدت تصيح : والله ما ادري
شيخة : خلاص حبيبتي مريم لا تصيحين
مريم : اخيرا لما بدت الدنيا تتفتح في عيني اخترب كل شي
شيخة : ماعليه مريم كل شي بيتصلح و بيرجع نفس قبل
محمد : مريم حاولي تقنعينها
مريم و هي تمسح دموعها : ان شاء الله
محمد : نحن الحين بنروح لانه بعد باقي ذياب
شيخة : هيه لازم نخبره
مريم : خلاص نتو خبرو ذياب و انا بحاول اقنع ريم و افهمها انها وصية ابوها
محمد : اوكي نحن لازم نروح الحين مع السلامة
مريم : الله معاكم
10:00pm
ريم كانت قامت من النوم
كانت نايمه على الارض عند الباب
تذكرت شو استوا قبل ما تغفى
ريم : انا ما اقدر اتزوج واحد و هو قلبه مع وحده ثانيه ما اقدر اتزوج ذياب
ما اقدر اتزوج ذياب و هو معطي وعد الزواج حق وحده ثانيه
دق الباب
مريم : ريم حبيبتي انتي واعيه؟
ريم تمسح دموعها : هيه امي واعيه
قامت ريم فتحت الباب حق امها
شافت امها ماسكه صينية اكل في ايديها
مريم : ما كلتي شي من العصر
ريم : لا امي مب يوعانه
مريم : يلا كلي عشان خاطري
ريم : امي مب يوعانه
مريم : انزين على الاقل تعالي ايلسي عندي تحت فالصالة
ريم : تمام
راحت ريم الحمام (عزكم الله) و غسلت ويهها في ماي بارد
طلعت و بدلت ثيابها و نزلت تحت عند امها
مريم : ريم حبيبتي...
ريم قاطعتها : لا تفتحين موضوع الوصية قلت لكم اني ما بتزوج ذياب
مريم : انزين اسمعيني اول
ريم قامت : يعني نزلتيني هني عشان تحاولين تقنعيني اتزوجه صح؟
مريم : ...
ريم : قلت مابا خلاص
قامت ريم و رجعت غرفتها
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
