محمد : ريم انتي تعرفين ليش نحن هني صح
ريم : هيه
محمد لف عند مريم
محمد : ام ريم نحن يايين نطلب ايد بنتج ريم لولدنا ذياب
مريم لفت عند ريم : مواقفه؟
ريم هزت راسها : موافقه
بعد نقاش و سوالف ترخص محمد و مرته و قبل ما يطلعون لحقتهم ريم
ريم : عمي...
محمد : ها حبيبتي
ريم : متى عقد القران ؟
محمد : متى ما انتي تبينه
ريم : عادي نسويه في يوم تخرجي؟
شيخة : مثل ما تبين حبيبتي
ريم : شكرا مرت عمي
شيخة حضنت ريم و بعدين راحو
دخلت ريم داخل
ريم : امي انا مابا اكل بسير ارقد
مريم : تعالي قبل ما تسيرين ..
ريم : ها
مريم : متى تبين عقد القران؟ قلتي حق عمج؟
ريم : قلت له في يوم تخرجي
مريم صاحت و حضنت بنتها
مريم : ما اصدق انج كبرتي و بتتزوجين
ريم ردت لها الحضن بس تمت ساكته
مريم : انا اسفه
ريم : ليش تعتذرين؟
مريم : ما كنت اتوقع انه بتتزوجين بهاذي الطريقة
ريم : عادي امايه عادي
مريم : انا ما كنت اعرف انه ابوج بتكون هاذي وصيته
ريم : ....
هدت مريم بنتها و تمت تطالعها
مريم : الله يوفقج حبيبتي
ريم : امين يارب
راحت ريم فوق و دخلت غرفتها و قفلت الباب و انسدحت على السرير
تمت تفكر في زوجها من ذياب و كيف بيكون
مب باقي وايد على تخرجها + عقد قرانها
بعدين تذكرت امتحاناتها
ريم : شت كيف نسيت الفاينل لازم اشد حيلي و اتخرج بنسبة حلوه عشان اقدر ادخل جامعه زينه
بعد تفكير طويل رقدت
3:45pm
رجعت ريم من المدرسه و التعب واضح عليها
دخلت البيت و ما شافت احد راحت المطبخ بعد مافي احد
اتصلت حق امها
ريم : الو امي
مريم : " ها حبيبتي "
ريم : وينج
مريم : " انا في بيت ام سالم "
ريم : اها
مريم : " الغدا فالمطبخ "
ريم : اوك
مريم : "مع السلامة "
ريم : باي
سكرت ريم و حطت تلفونها في جيبها راحت المطبخ و حطت شنطتها على الارض و راحت الطاوله
ريم : ميري!
ميري : نعم ريم
ريم : ماما شو سوت غدا؟
ميري : مجبوس دياي
ريم : حطي لي بسير ابدل و بيي
ميري : اوكي
شلت ريم شنطتها و راحت فوق
دخلت غرفتها و راحت الحمام (عزكم الله) غسلت ويهها و ايدها و توضت
طلعت من الحمام و راحت شلت السياده و فرشتها و صلت صلاة العصر
خلصت و نزلت تحت .
راحت المطبخ و قعدت تاكل
شوي و الا اتيي ميري
ميري : ريم في ريال برا يقول يبا مدام شيخة
ريم : ريال؟ منو ؟
ميري : هذا ولد مال بابا محمد
ريم : ولد؟ ذياب؟ شو يبا ها؟
.
.
.
ريم : لحظة
راحت ريم عند الباب و فتحته شوي بس
تمت واقفه ورا الباب عشان ذياب ما يشوفها
ريم : امر ؟
ذياب لف و عقد حواجبه
ذياب : وين مرت عمي
ريم : برا مش موجوده
ذياب : اوك
و مشى
ريم : امبيه ها شفيه في بيتنا و بعد اسلوبه خايس
سكرت ريم الباب و رجعت المطبخ تكمل اكلها
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
