نشت ريم 10:00 الصبح و يوو مال الصالون بيتهم عشان يسوون شعرها و ميكبها و شعرها ريم ما تحنت لانه ما كانت تحب الحنا ابدا خلصت ريم على الساعه 1 الظهر و طلعت راحت الفندق الي بيسوون فيه العرس كانت حاجزه غرفة هناك عشان تلبس فيها فستانها و تسوي اللمسات الاخيره و عشان يسوون جلسة التصوير بعدين تمت ريم يالسه و متوتره.
محمد وصل هو و حرمته و بنته الفندق و رجع البيت عند ذياب سلمى و امها راحو غرفة ريم شيخة دقت الباب مريم راحت فتحت لها
مريم : هلا هلا شيخة : اهلبن حبيبتي شخبارج؟ مريم : زينه الحمدلله (تلف عند سلمى) هلا هلا ببنيتي الحلوه سلمى سلمى : ههه هلا مرت عمي شيخة : عيل وين ريم؟ مريم : ريم داخل يالسه شيخة : خلصت؟ مريم : هيه تقريبا خلصت ميكبها و شعرها بس باقي تلبس الفستان و قالت ما تبا تلبسه الحين شيخة : نشوفها ولا ما نشوفها مريم : هههههههه اكيد تشوفونها
مشو سلمى و شيخة ورا مريم عشان يروحون الغرفه.
شيخة : قمر قمر قمر ما شاء الله ريم رفعت راسها : هلا مرت عمي شيخة : ها حبيبتي شخبارج؟ ريم : الحمدلله بس متوتره شوي شيخة : هههه عادي كل عروس تتوتر في يومها مريم : انا من الصبح اقول لها جي
ريم ابتسمت
مريم : عيل ذياب وين؟ سلمى : ذياب فالبيت مريم : اها ... متى بيي؟ سلمى : يمكن على المغرب مريم : هييه بس لا بتأخر سلمى : لا لا ما بيتأخر ان شاء الله
يوو حريم الصالون عشان يسوون ميكب/شعر شيخة و سلمى صارت الساعه 6:30 و قامت ريم لبست فستانها و اكسسواراتها لان كان ميكبها و شعرها بسيط خلت ريم التركيز كله يكون على الفستان و الطرحه و الاكسسوارات الفستان :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعد ما خلصت ريم و لبست فستانها صارت الساعه ثمان وصل ذياب عشان يصورون صور قبل العرس سلم ذياب على مرت عمه بس لانه امه و اخته مب موجودين شيخة و سلمى نزلو عن الضيوف الي بدو ايون بدو جلسة التصوير و بدا الضيق يبين على ويه ريم و ذياب ساعه تقريبا و طلع ذياب و تمت ريم بروحها فالغرفه تتريا وقت الزفه عشان تنزل
صارت 9:00 و نزلت ريم و بدا الشعر الي قبل الزفة كانت ريم متوتره وايد و تقرا المعوذات انفتح الباب و شافت ريم الضيوف و بدت تتوتر اكثر بدت ريم تمشي و تبتسم و تطالع الكميرا و الناس وصلت ريم الكوشه و تصورت شوي و يلست و بدو الناس ايون يسلمون عليها يت نوف اول وحده عشان تسلم على البيست فرند مالها
نوف حضنت ريم : رررييموووهههه يا زقههه طلعتي حلوههه ريم : ههههههههه بدال ما تباركين لي جي تقولين نوف : هههههههه قريتي على عمرج؟ ريم : هيه نوف : احسن ... خل ايون يسلمون عليج و يخلصون عشان نتصور انا و انتي بعدين ريم : ههه اوكي
يوو الحريم و البنات عشان يسلمون على ريم خالات ذياب و بناتهم ما يوو يسلمون على ريم و تمت ريم تلاحظ نظراتهم لكن ما قالت شي. يت نوف مع سلمى مره ثانيه و تمر يتصورن مع ريم الساعه 10:30 بدت رفة ذياب كل الحريم تغطو تغطت ريم بعد لان ذياب بيدخل مع ابوه و خواله انزف ذياب ريم يتها صيحه لانها تمنت انه ابوها يكون منهم لكن مسكت عمرها و تمت تترحم عليه باس ذياب راس ريم و راس امه و اخته و مرت عمه و وقف عشان يتصورون خلصو تصوير و طلع محمد و خوال ذياب يوو بنات خالات ذياب يسلمون عليه و على ريم لاحظت ريم انهم خفيفات و يالسين يعقون اعمارهم على ذياب لكن تمت ساكته لانه حست انه ما يخصها فيهم بعد ما نزلو البنات من الكوشه نزل راسه ذياب و تم يطالع الارض و هو مخنوق. شوي ولا يشوف ذياب وحده متغشية و ويايه تسلم على ريم ريم سلمت عليها لكن ما عرفتها. اول شي ذياب فكرها وحده من معارف ريم بس يوم شلت الشيله من ويهها ذياب انصدم
