ريم دخلت الشهر السابع
بدا بطنها يبان
و خذت اجازة من الكلية لان ذياب قال لها
لانه كان اول حمل لها كان شوي صعب
كانت تتفادى تطلع من البيت كثر ما تقدر لكن عشان عرس سلمى طلعت مره وحده عشان تاخذ فستان و مجوهرات بس
بعد ما جهزو كل شي حق عرس سلمى
كان باقي على العرس يومين
سلمى كانت وايد متوتره بس ريم كانت تنصحها و تقولها شو الي لازم تسوي و شو الي ما تسويه
عشان ريم حامل و ما كانت تحب تطلع اقترح عليهم ذياب انه ايبون مال الصالون و الحنا البيت عشان ما تتعب ريم و تكون مرتاحه
.
.
.
قامت سلمى الساعه الظهر
نزلت تحت و شافت ريم و مريم و شيخة يالسين فالصالة يسولفون
سلمى : صباح الخير
مريم : صباح النور يا العروسة
ريم + شيخة : صبح النور
راحت سلمى و باست واس مرت عمها
سلمى : شخبارج مرت عمي
مريم : بخير دامج بخير حبيبتي
سلمى : دوم ان شاء الله
يلست سلمى معاهم
سلمى : ريم
ريم : هلا
سلمى : متى بيون مال الحنا
ريم : كلمتها و قالت انهم بيون الساعه ست
سلمى : اها
مريم : ها سلمى متحمسه حق ورا باجر؟
سلمى : تبين الصراحه مرت عمي والله اني متوتره وايد
مريم : هههه عادي عادي كل العرايس يتوترون قبل عرسهم ترا ريم بعد كانت نفسج متوتره و خايفه
ريم : هيه والله كانت وايد خايفه و خاصاً وقت الزفة
مريم : ليش كل ها الخوف و التوتر عادي ترا
ريم : امايه والله انه يخوف وايد
مريم : خلي عنج الخوف لو كنتي صدق خايفه و ما تبين ما كنتي بتوصلين لين هني (تقصد تحسن علاقتها هي و ذياب)
ريم : هيه والله صح
سلمى : بس بعد يخوف ترا
ريم : شوفي انتي ما بتخافين الا قبل الزفة بشوي اول ما ينفتح الباب بيروح كل التوتر
سلمى : صدق؟
ريم : هيه والله
سلمى : زين الحمدلله
تمو يسولفون و يشربون جاهي
تغدو متأخر لانه خذتهم السوالف و ما حسو بالوقت
يوو مال الحنا عشان يحنونهم
ريم سوت نقش بسيط اختاره ذياب لها
سلمى لانها العروس سوت حنة العرايس (حنة لين فوق الايد و جي تعرفونها)
شيخة و مريم بعد سوو نقش بسيط ما كانو يبون يكثرون
خلصو و غسلو حناهم و كانت سلمى وايد مستانسة على حناها
.
.
.
رد ذياب من الدوام الساعه 9:00 ف ليل لانه كان يداوم شفتات و جدول دوامه شوي ملخبط
دخل الغرفة و شاف ريم يالسه على الشبرية تقرا كتاب
ذياب : سلام عليكم
ريم : و عليكم السلام
راح ذياب و باس راسها و يلس عندها
ذياب : ما عرفتج يا المثقفة
ريم عطته نظره : تستهبل حضرتك؟
ذياب : هههه زعلت زعلت زعلت
ريم ضربة ذياب فالكتاب عالخفيف
ريم : جب
ذياب : ههههه امزح بلاج انتي .... شو تقرين؟
ريم : ها كتاب خذيته من المكتبه يوم رحنا نشتري اغراض هذاك اليوم
ذياب : لما تخلصينه عطيني اياه
ريم : تمام
لاحظ ذياب الحنا على ايد ريم
مسك ايدها
ريم رفعت راسها من الكتاب : شو؟
ذياب يبتسم : صدق سويتي النقشة من الصورة الي انا اخترتها؟
ريم : هيه
ذياب : والله طلعت غاوية عليج
رفع ايد ريم و باسها
ريم ابتسمت : والله انت طلعت ذويق
ذياب : اعجبج
ريم : من وين لك ها الذوق الحلو
ذياب : كنت دوم اختار نقش الحنا حق سلموه من كنا صغار
ريم : هيه صح تذكرت كنا لما نتحنا دوم انت تختار حنة سلمى
ذياب : هيه
ريم : توك راد من الدوام صح؟
ذياب : هيه والله هاذي الشفتات قصت ظهري
ريم : قوم قوم غسل ويهك و بدل و صل و ارقد
ذياب : يلا
قام ذياب و راح الحمام بدل و توضى و طلع
صلى العشاء و انسدح عدالها و شل ايدها و حطاها على راسه
تم يسولفون و ريم تمسح على راسه لين رقد
ريم ابتسمت على منظره
كانت اول مره تركز في ويهه و هو راقد
تمت ريم تمسح على راسه و تتأمله لين هي بعد تعبت و رقدت
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
