جمعتنا وصية

Part 22

11:00am

نشت ريم و قامت فتحت الدريشة مال الغرفه
نسيم خفيف دخل الغرفه
تمت تتأمل المنظر و بعدين واحت الحمام (عزكم الله) غسلت ويهها و فرشت اسنانها وطلعت برا
ما شافت ذياب فالصاله
راحت المطبخ
بعد مب موجوده

ريم : يمكن طلع

سوت ريم لها اكله خفيفه و راحت الصاله
كلت و خلصت مرت 30 دقيقه و ذياب ما رجع
اتصلت له
رن لكن ذياب ما رد
اتصلت مره ثانيه و ثلاثه و رابعه
بس ماشي رد
ريم بدت تخاف
اتصلت بعد مره و رد

حرمة (بالانقليزي) : اهلا
ريم استغربت (بالانقليزي) : اهلين منو معاي؟
حرمة (بالانقليزي) : معاج ممرضة (...) من مستشفى (...) انتي تعرفين المريض ذياب ؟
ريم (بالانقليزي) : مريض؟!
الممرضة (بالانقليزي) : هيه يانا الصبح و هو تعبان و حالته شوي صعبه
ريم (بالانقليزي): انا الحين يايه
الممرضة (بالانقليزي) : اوكي

سكرت ريم و بسرعه لبست و طلعت وقفت تاكسي و قالت له يروح المستشفى
وصلت ريم و راحت بسرعه عند الاستقبال
الموظفة كانت عربية و لما شافت ريم لابسه شيلة كلمتها بالعربي

الموظفة : اهلا استاذة كيف فيني اساعدك؟
ريم : المريض ذياب محمد
الموظفة : غرفة 209 الطابق الثلاث
ريم : شكرا

راحت ريم بسرعه عند المصعد
دخلته بسرعه لانه ما كان في وقت تفكر في خوفها
وصل المصعد و طلعت ريم بسرعه
و راحت غرفت ذياب
دخلت ريم و شافت ذياب راقد على السرير و الممرضة تغير المغذي ماله

الممرضة (بالانقليزي) : اهلا و سهلا
ريم (بالانقليزي) : اهلين
الممرضة (بالانقليزي) : انتي انسة ريم؟
ريم (بالانقليزي) : هيه
الممرضة (بالانقليزي) : انتي شو تقربين حق المريض ؟
ريم (بالانقليزي) : زوجته
الممرضة (بالانقليزي) : تبينين صغيره .... كم عمرج؟
ريم (بالانقليزي) : 19
الممرضة (بالانقليزي) : عادي تراويني شي يثبت ؟
ريم : ( بالانقليزي) : هيه

طلعت ريم هويتها و راوتها

الممرضة (بالانقليزي) : اوكي تفضلي معاي عشان توقعين على كم ورقة
ريم (بالانقليزي) : اوكي

طلعت ريم و وقعت على الاوراق و رجعت الغرفة
سحبت الكرسي و يلست عليه
تمت تمسح على راس ذياب و تقوا عليه

بعد ساعتين...

فتح ذايب عينه بصعوبه
حس بثقل على ريله
شاف ريم محطيه راسها على ريله و راقده
ابتسم ذياب

ذياب بصوت مبحوح : ريم
...
ذياب : ريم
...
ذياب : ريم

فزت ريم

ريم : ها شوفيك ... فيك شي؟ شي يعورك؟ انادي الممرضة؟
ذياب : لا لا مافيني شي

رجعت يلست على الكرسي

ريم : متى تعبت؟
ذياب : ياني تسمم من المطعم مال امس
ريم : ليش ما قلت لي انك تعبت و يت المستشفى ؟
ذياب : كنتي راقده ما كنت ابي ازعجج
ريم : حتى لو كنت راقده
ذياب : خلاص اخر مره
ريم : اكيد؟
ذياب : اكيد

دخلت الممرضة و في ايها صينية اكل
حطتها على الطاولة و طلعت
قامت ريم و قرب الطاولة حق ذياب عشان ياكل

ذياب : ريم والله مب مشتهي اكل

ريم تمت تطالعه

ذياب : شفيج؟
ريم : ....
ذياب : ؟؟
ريم : اول مره تناديني بإسمي
ذياب : ....
ريم ابتسمت : و عشانك قلت اسمي بخليك تاكل غصب
ذياب : لا لا مابا اكل
ريم : لا بتاكل
ذياب : لا

ريم فتحت الصحن و مدت له بقفشة (spoon)

ريم : طياره طياره طياره
ذياب : لا ولله ؟
ريم : ههههههههه شو يعني انت ما تبا تاكل قلت يمكن اذا سويت جي بتاكل
ذياب : شو شايفتني قدامج؟ ياهل؟
ريم : هيه يلا اكل
ذياب : شكلج نسيتي اني اكبر عنج
ريم : لا ما نسيت بس يلا اكل

ابتسم ذياب و كلى
تمت ريم تأكله لين شبع

ذياب : متى بيرخصوني؟
ريم : قالت الممرضة الساعة 2
ذياب : اوكي