جمعتنا وصية

Part 21

7:00 pm

دق ذياب باب الغرفه

ذياب : قمتي؟
...

بطل ذياب الباب شاف ريم مب موجوده
طلعت ريم من الحمام

ريم : ...؟
ذياب : اجهزي بنطلع
ريم : وين بنروح؟
ذياب : ما ادري
ريم : بيب كامرتي (camera) احتياط
ذياب : اوكي

راح ذياب فتح الكبت و شل له ملابس و دخل الحمام
ريم راحت عند التسريحه و بدت تحط ميكب
طلع ذياب و وقف عند التسريحه فتح الدرج و شل ساعته و طلع
خلصت ريم و راحت عند الكبت و طلعت لها بنطلون رسمي ابيض مع قميص اسود مع جاكيت طويل اسود.
لبست و راحت عند التسريحة و لبست اكسسوارات و شلت شنطتها وطلعت

ذياب : ها خلصتي ؟
ريم : هيه
ذياب : يلا

طلعو من الغرفه و راحو عند المصعد
بدت ريم تخاف
لف ذياب عندها و مسك ايدها و دخلو
تمت ريم مسكره عيونها لين وصل المصعد و طلعو

ذياب : يلا

طلعو من الفندق

ذياب : يوعانه؟
ريم : هيه
ذياب :  تبين تتعشين ولا تاكلين شي خفيف
ريم : لا شي خفيف بس
ذياب : انزين هناك شي كافيه خل نروح
ريم : يلا

مشو لين الكافيه لانه كان قريب من الفندق
دخلو و يلسو على الطاولة و طلبو

ذياب : وين تبين تروحين بعدين؟
ريم بحماس : برج ايفل قريب من هني؟؟؟

(هم في فرنسا)

ذياب : برج ايفل ؟ هيه قريب
ريم : خل نسير!
ذياب ابتسم : اوكي بس اكلي اول بعدين بنسير
ريم تضحك : تمام

وصل الاكل و كلت ريم
ذياب بس طلب قهوه
خلصت ريم بسرعه

ريم : يلا انا خلصت
ذياب : هههه اصبري انا بعدني ما خلصت
ريم : انزين خلص يلا
ذياب : خلصت خلصت يلا بدفع و بنروح
ريم : يلا
ذياب : جنج ياهل

ريم ابتسمت
دفع ذياب و طلعو و وقفو تاكسي
ركبو و قالو له روح عند برج ايفل
عشرين دقيقه و وصلو
دفع ذياب حق تاكسي و نزلو

ريم : واو!
ذياب : وايد متحمسه
ريم : اكيد اول مره ايي باريس نحن نسافر وايد اماكن لكن هاذي اول مره ايي فرنسا
ذياب : ايواا انزين تعالي خل نروح تحته

مشو هم الاثنين لين صارو قريب البرج
ريم تمت تتأمل و بعدين طلعت تلفونها و تمت تصور
صورت البرج كم صوره و بعدين طلعت الكاميرا و تمت تصور