جمعتنا وصية

Part 36

بعد ساعتين...

طلعت الدكتوره من غرفة العمليات
ذياب كان واقف بروحه عند غرفة العمليات
الباقيين كانو يالسين في غرفة الانتظار
ذياب اول ما شاف الدكتوره طالعه قام

ذياب : ها دكتوره!؟
الدكتوره ابتسمت : مبروك الانسة ريم يابت ولد

ذياب ابتسم و راح ركض عند غرفة الانتظار عشان يبشرهم
مريم اول ما شافت ذياب يركض خافت بس لما شافته يبتسم عرفت انها في خبر حلو

مريم : ها ذياب بشر؟؟؟!!!
ذياب : مرت عمي ريم يابت ولد !!!
شيخة استانست : صدق!؟؟؟
ذياب : هيه هيه يابت ولد

كلهم رجعو عند الدكتوره
و قالت لهم لانه ولدهم انولد فالشهر السابع و انه طفل خديج لازم يكون فالحضانة لين يكمل تسع شهور
بعدين باركت لهم الدكتوره و دخلوهم عشان يشوفون ريم

دخل ذياب عندها اول عشان يتحمد لها بسلامه
قرب منها و باسها على راسها

ذياب يبتسم : مبروك
ريم : ههه الله يبارك فيك
ذياب : ها كيف حالج؟
ريم : بخير الحمدلله
ذياب : قالت لج عن الخديج و ها السوالف
ريم : هيه قالت لي قبل العمليه
ذياب : زين ... الحين امايه و هيل بيون
ريم : تمام

شوي و يوو مريم و شيخة و محمد

مريم راحت و حضنت ريم شوي شوي

مريم : ههه حبيبتي مبروك
ريم : الله يبارك فيج
مريم : صرتي ام الحين لازم تكونين مسؤولة
ريم : هههه كنت حاسه بتقولين جي والله
مريم : لا لا ما عليج ذياب موجود هو الي بيتحمل المسؤولية
الكل : ههههههههههههههههههههه
ريم : الساعه كم الحين؟
ذياب رفع ايده عشان يشووف ساعته : الساعه 7
ريم : اها
ذياب : انتي ريحي الحين "لف عند امه" انتو سيرو البيت ارتاحو
مريم : لا انا بتم عند بنتي
ريم : لا اماي روحو ارتاحو و تعالو العصر
مريم : تمام
شيخة : ذياب لا تنسى تروح عند الولد و تشوفه و تسميه
ذياب : ان شاء الله

سلمو كلهم على ريم و بعدين راحو
تم ذياب مرافق لها

ريم : ذياب رحت تشوف الولد؟
ذياب : لا والله ما لحقت اروح له على طول ييت حقج انتي
ريم : انزين روح يلا
ذياب : انزين شو تبين يكون اسمه
ريم ابتسمت : حمد
ذياب ابتسم : حمد؟
ريم : هيه حمد
ذياب : اوكي

راح ذياب
راح عند الاستقبال و سأل عن مكان الحضانة عشان يروح
راح مع الممرضة
دخل ذياب الحضانه و شافه
تم يشوفه و يبتسم 
بعدين يت عنده الممرضة عشان تقوله عن الاسم و هاذي السوالف
سماه ذياب و بعدين رجع عند ريم
دخل و شاف انه ريم رقدت
قعد عندها و مسح على راسها و هو يبتسم
باس راسها و راح قعد على الكرسي و رقد
.
.
.
قام ذياب على صوت الممرضة و هي داخله و في ايدها حمد

الممرضة : hello madam here is hamad
ريم : thank you

ريم شلت حمد و حطته في حضنها

الممرضة : your welcome

ياه ذياب و اذن في اذنه
رضعت ريم حمد و بعدين شلته الممرضة عشان ترجعه الحضانه
.
.
.
مر خمس ايام و رخصو ريم من المستشفى
رجعت البيت هي و ذياب
استقبلوهم مريم و شيخة و محمد

مريم  حضنتها : الحمدلله على السلامة
ريم : الله يسلمج

بركولها كلهم و ساعدوها تروح الغرفة عشان ترتاح
راحت ريم خذت شاور سريع و بعدين بدلت و انسدحت
خذا ذياب شاور
صلى الظهر لان توه كان مأذن و بعدين انسدح عدالها

ذياب : شو شعورج؟
ريم : شعوري؟ بخصوص شو؟
ذياب : بخصوص حمد
ريم ابتسمت : الحمدلله
ذياب : الحمدلله
ريم : .....
ذياب : احبج

ريم ضحكت

ذياب : يقولون انا بعد احبك مب ههههه >>  (يقلد ضحكة ريم )
ريم : و انا اموت فيك
ذياب : هيه جي اباج

ريم ضربته على كتفه

ريم : جب
ذياب : هههههه

مد ذياب ايده حق ريم

ذياب : تعالي قربي
ريم : قرب انت انا ما اقدر

قرب ذياب لريم و حط راسها على ايده

ذياب : يلا الحين ارتاحي العصر بيون ضيوف امي مسويه عزيمه بعد تعرفينها على اي شي تسوي عزيمه
ريم : هههه فديتها
ذياب : يلا يلا ارقدي

رقدو هم الاثنين