جمعتنا وصية

Part 40

قامت ريم على صوت امها

مريم : ريم ... ريم قومي حمد يصيح
ريم فتحت عيونها : ها؟
مريم : قومي حمد يصيح قومي جوفي شوفيه

قامت ريم و شافت حمد يصيح
شلته

ريم : بس بس خلاص

ريم طلعت جهاز الاكسجين و حطته على حمد
هدى حمد شوي
حطته ريم على السرير و طلعت مع مريم
نزلت ريم و شافت انه في ناس زياده يوو

ريم : السلام عليكم
الكل : و عليكم السلام

قعدت ريم تسولف معاهم لين رن المنبه
قامت و راحت عند حمد شلت جهاز الاكسجين عنده و شلته
رضعته و بعدين شلته و نزلت تحت
كلهم شافو حمد و باركو حق ريم
في نص السوالف رن تلفون ريم و كان ذياب
قامت ريم و راحت برا عن الازعاج

ريم : الو؟
ذياب : هلا
ريم : اهلين ها شو تبا؟
ذياب : ما شي بس اتطمن عليكم شو تسوون؟
ريم : ماشي والله يالسين يسولفون
ذياب : كيف حال حمد
ريم : هاذو فالصاله عند امي توه شليت عنه جهاز الاكسجين
ذياب : زين
ريم : متى بتخلص انته؟
ذياب : الساعه 9:30 بمركم
ريم : تمام
ذياب : باي
ريم : باي

سكرت ريم و رجعت عندهم
كانو الشباب يالسين على جنب
لاحظت ريم نظراتهم بس طنشتهم
(اهل ريم عادي الحريم و الريايل يلسون مع بعض)

9:00pm

اتصل ذياب حق ريم

ريم : الو؟
ذياب : تعالي برا
ريم : ها؟ ليش انت برا؟
ذياب : هيه تعالي

حطت ريم حمد على الكنبه و طلعت
واحد من عيال خالة ريم لحق وراها
.
.
.
نرجع شوي فالزمن ورا..

ريم لما كان عمرها 7
كانت تحب واحد من عيال خالتها خولة (خالتها الثانيه) اسمه علي
كان هو بعد يبادلها الشعور
كبرو و كبر حبهم معاهم
لما استوا مراهقين
اكتشفت ريم انه علي كان يرمس بنات

ريم : عليي!
علي : شفيج؟
ريم : مب من صدقك
علي : نعم؟

فتحت ريم تلفونها و راوته صور و كابجرات
كانت صور علي مع بنت
تمو يتضاربون

ريم : الحمدلله اني كشتفك على حقيقتك يالوصخ
علي : ريم....

قبل ما يكمل علي كلامه ريم مشت و خلته
من هذاك اليوم ريم ما تكلمت مع علي و لا شافته
.
.
.
نرجع للحاضر

طلعت ريم برا فالحوش
وقفها صوت احد

علي : ريم

لفت ريم لمصدر الصوت

علي : ريم....؟
ريم : نعم؟ امر؟
علي : ما يامر عليج عدو بس بغيت اسأل
ريم : تفضل
علي : الولد الي كان فحضنج...ولدج؟
ريم : هيه ولدي
علي : .....
ريم : بغيت شي ؟

شو و الا يدخل ذياب من باب الحوش
وقف ذياب لما شاف ريم مع علي
قدم شوي و وقف عند ريم

ذياب و هو عاقد حواجبه : السلام عليكم
علي بتوتر : و عليكم السلام

ريم لاحظت ضيقة ذياب و حاولت تلطف الجو

ريم : ما قلت بتي 9:30؟
ذياب : رخصوني بدري
ريم : اها ... خلاص يلا تعال داخل الحين بيتعشون
ذياب : يلا

مشت ريم و مشى ذياب وراها
تم علي واقف برا
.
.
.
حطو العشاء و الكل قام يتعشى
طول الوقت كان علي يطالع ريم
ذياب كان ملاحظ الشي و كان مب عايبنه الوضع
خلصو كلهم
لان حمد تعب شوي ريم قالت حق ذياب انه بيردون البيت خلاص
وصلو مريم البيت و بعدين هم رجعو
.
.
حطت ريم حمد عشان يرقد
و بعدين راحت مسحت الميكب و غسلت ويهها و توضت
صلت و بعدين بدلت ملابسها و انسدحت عند ذياب

ذياب : ريم بقولج شي
ريم : قول
ذياب : هذا ولد خالتج شسمه؟
ريم : علي
ذياب : اها.... انزين ليش جي يطالعج
ريم : ....
ذياب : .... ؟
ريم : كان لنا ماضي
ذياب : ماضي؟
ريم : هيه
ذياب : لو ما عليج امر عادي تقولين لي؟
ريم : قبل كم سنه يوم كنا تونا مراهقين حبينا بعض و كانو كل العائلة يدرون و كانو يقولون ريم حق علي و علي حق ريم بس ...

و قالت له عن لما مسكته بكلم بنات

ريم : .... و تضاربت معاه و خبرت امي و امه و صارت شوي مشاكل و انا ما كلمته من هذاك الوقت الا اليوم يوم انت شفتنا فالحوش
ذياب : اهاا

تم ذياب ساكت

ريم : شفيك؟
ذياب : مافيني شي
ريم حطت ايدها على كتفه : ذياب ...
ذياب لف عندها : مب زعلان ولا معصب لا تخافين
ريم : بس..
ذياب : لا لا انا ما يخصني ف الي استوا قبل زواجنا انا علي من الحين
ريم : ...
ذياب : انا ما احس انه ريال زين ... لما تروحين جمعات مع اهلج حاولي تتجنبينه
ريم : ان شاء الله

ذياب ابتسم و باس راسها

ذياب : يلا ارقدي انتي واعيه من الصبح

تم ذياب يمسح على راسها لين رقدت و بعدين هو رقد