ركب ذياب سيارته و حرك
وصل عند بيت عمه المرحوم
اتصل ذياب على اخر رقم متصل حقه
ريم : " الو "
ذياب : اطلعي انا برا
ريم : " ما بتيبه داخل؟ "
ذياب : اشتغل عندج انا شو
ريم : " انزين انزين شفيك شوي و بتاكلني "
سكرت ريم
قامت و ليست شيلة بيت و طلعت
قربت ريم عند باب الحوش عشان تفتحه بس انفتح قبل ما توصل
دخلت امها
مريم : حياك ولدي ادخل البيت بيتك
دخل ذياب ورا مريم
مريم : ها مسكي
ريم : ها شو؟
مريم : هديه من عند ام محمد
لفت مريم عند ذياب
مريم : ها ذياب ؟
ذياب : امم ياي عشان اعطي ريم اغراضها
مريم : اغراض؟
ريم : هيه اغراضي الي نسيتهم في سيارته
ذياب : هيه بس بعطيها و بروح
مريم : لا لا وين تروح دامك هني تعال اتعشى
ذياب : لا لا توني ماكل عند الشباب
مريم : انزين تعال اشرب قهوه ولا جاهي على الاقل
ذياب : لا لا مرت عمي ما يحتاي
مريم : حلفت عليك ذياب
ذياب : لا مرت عمي
مريم : ذياب عيب عليك والله تراني حلفت
ذياب : ....
سحبت مريم ذياب داخل و ريم مشت وراهم
دخلو كلهم و راحو الصالة
مريم : سوي جاهي و قهوه
ريم : تمام
راحت ريم المطبخ
مريم : استريح
قعد ذياب و حط اغراض ريم على الارض
مريم : شو ها؟
ذياب : ريم كانت متأخره و نست اغراضها في سيارتي
مريم : انزين انا بسير بحط هاذي الاشياء فالمطبخ و بيي
ذياب : انزين ها (مد لها كيس الي فيه اغراض ريم)
مريم : لو ما عليك امر عادي توديه غرفتها؟
ذياب : غرفتها؟
مريم : هيه
ذياب : ....
مريم : فوق ثاني غرفة على يمينك
ذياب : ان شاء الله
راح ذياب فوق و فتح غرفة ريم
دخل و حط اغراضها على الارض عند الباب و طلع
تم واقف شوي عند الباب بعدين دخل غرفتها مره ثانيه
تم يطلع اثاث الغرفة و ترتيبها.
قرب عند السرير و شاف الصور الي معلقة
ابتسم ذياب و هو يشوف صورها و هي صغيره
ريم : ذياب؟
لف ذياب فجأه
ريم : شو تسوي ؟
ذياب : ا...امج قال لي احط الاغراض في غرفتج
ريم : انزين تعال يلا
ذياب : اوك
نزلو تحت و راحو الصالة
قعد ذياب و صبت ريم له قهوه و تم يسولف مع مريم لين رن تلفونه
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
