جمعتنا وصية

Part 32

12:32 am الجمعة
اليوم عرس سلمى
نشت ريم على صوت سلمى و هي تقومها

سلمى : ريم ...رييم
ريم فتحت عيونها شوي شوي : ها؟
سلمى : قوميي الساعه 4 العصر

(كانت الساعه 12 بس سلمى كانت تبي نسوي فيها مقلب)

ريم قامت بسرعه : شوووو!!! امبيهه

ذياب فز من صرخة ريم
لفت ريم عند الساعه و شافت انها كانت 12

ريم : يا حيوانه ليش جي تسوين
سلمى : هههههههههههههههه
ذياب : انتو شفيكم؟؟
ريم لفت عند ذياب : امبيه سوري
سلمى : سوري والله سوري
ذياب : بعد لين ثلاثه ان ما ذلفتو انتو الثنتين والله بتشوفون شي ما بيعجبكم
سلمى : لا والله يعني شو بتسوي؟؟؟؟
ذياب : 1

..

ذياب : 2

قامت ريم من السرير و راحت الحمام سلمى تمت واقفه عشان تشوف ذياب شو بيسوي

ذياب : 3

سلمى : يلا شو بتسوي

ذياب مسك المخده

ذياب يصارخ : تبين اشوه ويهج قبل عرسج؟؟؟.... "يصارخ اكثر" اطلعي براااا

ريم كانت طالعه من حمام
سلمى شردت و انخشت ورا ريم
ذياب فر المخده و ضربت ريم بدون قصد

ريم : اخخخ شو فيك انتهه؟
ذياب : طلعي الي وراج و لا بلعن خيرها
ريم لفت عند سلمى : شو قلتي له ؟
سلمى : هههههه والله ما قلت له شي

ريم مسكت ايد سلمى و سحبتها برا

ريم : امشي امشي
طلعو و رجع ذياب رقد

نزلو النات تحت و راحو الصالة عند شيخة

ريم + سلمى : صباح الخير
شيخة : صباح النور ... ليش تصارخون؟
سلمى : ريم صارخت عند اذن ذياب و هو راقد

ريم لفت عند سلمى
ريم : انتي قصيتي علي قلتي الساعة اربع العصر
سلمى : ههههههههههههههههههههههههههههههههههه
شيخة : متى بتودرين حركات اليهال هاذي
سلمى : يضحكون انزين
شيخة : اكبري شوي اليوم عرسج و بعد تسوين مقالب
سلمى : ههههههه ابدا يومي بمقلب حلو بعد شو
ريم : هيه واضح مقلب حلو والله برد لج اياها يوم من الايام
سلمى : بنشووووفف
شيخة : قومو اتريقو عشان تبدون تجهزون بعدين
ريم + سلمى : ان شاء الله

راحو كلهم المطبخ و يلسو
دخل محمد

محمد : صباح الخير
الكل : صباح النور

راح محمد و يلس معاهم

محمد : ليش صراخ من الصبح ... اكيد ذياب و سلموه صح؟
شيخة : يعني ما تعرف عيالك؟
محمد : متى بتعقلون انتو ؟

دخل ذياب المطبخ

ذياب : بنتك ما بتعقل ابدا

لفو كلهم عند ذياب

ذياب : زين ما طيحت قلب البنت (يقصد ريم ) قبل شوي

سلمى : هههههههههههههههههههههههه
محمد لف عند سلمى بعدين لف عند ذياب : ليش شو سوت
ذياب اشر على ريم : اسألها
محمد : شو سوت؟
ريم : قومتني و قالت الساعه اربع العصر و انا من الصدمة قمت و صرخت و ذياب قام طردنا نحن الاثنين
محمد : قلنا بنزوجها و بتعقل بس الظاهر انه مافي فايده
سلمى : ههههههههههههههههههههه لا تحاولون تغيروني

تريقو كلهم و بعدين
خلصو كهلم
قامو ذياب و محمد عشان يتجهزون حق صلاة الجمعة
راح ذياب ياخذ شاور
ريم طلعت كندورته و غتره و عطرتهم
خلص ذياب و طلع و لبس بكندورته
لف غترته و يت ريم عشان تسكر ازار كندورته و تبخره
بخرته و خلصت و عطته الطربوش (جزء من الزي الاماراتي الرجالي) عشان يحطه
خلص ذياب و باس راس ريم و طلع
راح مع ابوه المسيد
البنات راحو لبسو عبيهم عشان يروحون الصالون عشان يسوون الميكب و يتجهزون
ركبو السياره و راحو عند بيت مريم عشان بعد يشلونها معاهم
اتصلت ريم حق امها

ريم : الو امايه يلا نحن برا اطلعي
...

راحو كلهم الصالون و بدو يحطون ميكب و يتجهزون