قعدو ريم و ذياب عند النار يسولفون
يت شيخة عندهم
شيخة : ليش قاعدين هني تعالو عندنا
ذياب : ماشي والله بس ريم بردانه فقلت اشب النار لها و للاكل مره وحده
شيخة : انزين دامكم هني ريم سوي قهوه و جاي
ريم : ان شاء الله
راحت شيخة عند الباقيين
قامت ريم عشان عشان اتييب الاغراض عشان تسوي القهوه و الجاي
تم ذياب قاعد عند النار يتأملها
ريم راحت عند الاكياس تدور الاشياء و يتها سارة من بعيد
سارة : ريم صح؟
ريم لفت : هيه
سارة : تعالي شوي ابي اكلمج
ريم : تمام
سارة ودت ريم صوب السياير عشان محد يسمعهم
سارة : انتي تعرفين ليش ذياب تزوجج صح؟
ريم استغربت : نعم؟
سارة : انا اعرف ليش ذياب تزوجج و اعرف انكم خاشين السبب
ريم : ...؟
سارة : اعرف انه ذياب انجبر انه يتزوجج و انه ما يحبج
ريم : ...
سارة : فلا تتلصقين فيه
ريم : خلصتي؟
سارة : ...
ريم : اوكي اول شي صح انا ما تزوجت ذياب عن حب نفس ما يعرفون الناس و ترا مب بس هو انجبر علي انا بعد انجبرت عليه كانت وصية اوكي؟
سارة : ...
ريم : ثاني شي ...
وقفت ريم كلامها لما شافت سارة تطالع وراها بتوتر
لفت ريم و شافت ذياب واقف وراها و هو معصب
ذياب : ريم روحي سوي قهوه و جاي
ريم : بس...
ذياب : قلت لج روحي
ريم : لا تعصب عليها
ذياب : ما بعصب بس انتي روحي
ريم ما حبت انها تعصب ذياب اكثر فراحت بدون ما ترادد اكثر بس تمت واقفه بعيد عشان تشوفهم
سارة كانت بتمشي بعد بس صوت ذياب وقفها
ذياب : وقفي
سارة وقفت و هي ترجف
ذياب : انتي بأي حق تقولين جي حق ريم؟؟؟
سارة : ...
ذياب : والله ثم والله يا سارة لو قربتي من ريم ولا قلتي لها شي بتشوفين شي ما جفتيه والله ... انا ما احلف عبث ترا
سكت ذياب و تم واقف يطالعها
سارة بتوتر : بس انت ما تحبها و تزوجتها غصب
ذياب : و انتي شو دخلج؟
سارة : دام انك ما تحبها طلقها
ذياب : نعم؟؟؟؟؟!!!
سارة : صدق انزين ترا انت ما تحبها ف طلقها ترا في غيرها مليون وحده
ذياب اتنرفز من جرائتها و رفع ايده
كان بيضربها لكن ريم ركضت و مسكت ايده
ريم : ذيااب لااا!!!
ذياب : هديني خل اعلمها الادب و الاحترام
ريم : ذياب استهدى بالله
ذياب : خليني اربيها لان واضح ما فادت فيها التربيه
ريم : خلاص ذياب خلاص
ذياب : ما تسمعينها شو تقول
ريم : سمعتها سمعتها بس خلاص انت هد شوي ... تعال تعال
سحبت ريم ذياب من ايده و راحو
ريم : روح اقعد هناك بيب الاغراض و بيي
ذياب بس هز راسه و راح
راحت ريم شلت الاغراض مال الجاي و القهوه و رجعت عند ذياب
ريم لفت عند ذياب
ريم : شو قالت لك؟
ذياب : خرابيط
ريم : و انت ليش عصبت؟
ذياب : لانها قالت (يقلد صوتها) "انت ما تحبها ف طلقها ترا في غيرها مليون وحده"
ريم : انزين ما كان له داعي تسوي كل ها
ذياب : و انا سويت شي و انتي طول الوقت ماسكه ايدي ذياب لا و ذياب لا
ريم : انزين صدق بعد شو ... كنت بتضرب البنت
ذياب : هاذي مش بنت ... هاذي الشيطان متنكر على هيئة بشر
ريم : حرام عليك ذياب لا تقول جي
ذياب : بنت خالتي و اعرفها بتسوي اي شي عشان تحصل الي تباه ... اتحملي منها ريم ... لا تخلينها تقرب منج ولا تكلمج
ريم : ان شاء الله بس انت خلاص لا تعصب الحين
لفت ريم تسوي القهوه و الجاي
تم ذياب يتأملها و يبتسم
ريم : ذياب ..
...
ريم : ذياااب
...
ريم : الوو ايه وينك؟؟
ذياب : ها؟
ريم : وين رحت؟
ذياب : معاج معاج
ريم : انزين ها "مدت له فنيال قهوه" جرب
ذياب خذا الفنيال : اوك
على طول ذياب شرب منه و احترق لسانه و طيح الفنيال من ايده على كندورته
و حرق ريله
ريم : امبيه
ذياب : اخخخ ليش ما قلتي انه حار
ريم : لو انك معاي كنت سمعتني و انا اتكلم
قامت ريم و يابت كلينكس و ماي بارد
حطت فالكلينكس ماي و بعدين مدت الغرشة حق ذياب
ريم : امسك اشرب
شل ذياب الماي و شربه
ريم حطت الكلينكس المبلل على ريل ذياب
تمت تمسح و تنفخ على ريله
ريم : وين سرحان انت؟
ذياب : فيج
تمت ريم تطالعه
ريم : عن الاستهبال زين لك الحين حرقت عمرك
ذياب : والله ما استهبل كنن اطالعج و فجأه مديتي لي فنيال يعني شو كنتي تتوقعين اسويه فيه
ريم : كنت المفروض تحس انه حار
ذياب : ما حسيت
ريم : انزين و الحين كندورتك توصخت شو بتسوي
ذياب : عندي فالسياره يايبنهن من الدوبي (مصبغه)
ريم : انزين سير البسها
ذياب يقلدها لما تدلع : انزين تعالي معاي اخاف اروح بروحي ظلام
ريم : تتمصخر علي يعني ؟ اقول قوم ولا اعطيك كف
ذياب : ههههههه انزين انزين
قام ذياب و راح صوب سيارته عشان يبدل
و ريم راحت ودت القهوه و الجاي عند الحريم و الريايل
تمو يسولفون و تعشو و بعدين كل حد رد بيته
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
