نشت ريم على صوت شيخة و هي توعيها
شيخة : ريم
..
شيخة : رييم
..
شيخة : ريم
ريم : ها؟
شيخة : انتي اليوم عندج كليه صح؟
ريم : هيه
شيخة : عيل قومي يلا بتتأخرين
ريم : ليش الساعه كم؟
شيخة : 10:50
ريم فزت : امبيييهه
قامت ريم بسرعه و راحت الغرفه
ذياب مب موجود
ريم : شكله طالع
لبست ريم على السريع و طلعت راحت المطبخ عشان تاكل بسرعه
دخلت و شافت ذياب واقف يشرب ماي
ذياب : ليش جي تدورين نفس المينونه
ريم : افف اسكت مب وقتك
طلع ذياب من المطبخ
راحت ريم بسرعه و شلت لها تفاحه و ماي و طلعت
مشت من عند ذياب بس هو مسك ايدها و وقفها
ريم : شو تبا
ذياب : مب اجازه؟
ريم : مب عشان انت ماخذ اجازه من الدوام يعني انا بعد عندي اجازه يا غبي
ذياب : اوهه صح
ريم : هد ايدي بروحي متأخره
ذياب : انزين تعالي انا بوصلج
ريم : لا عادي بسير مع السواق
ذياب : عادي تراني فاضي بوصلج
ريم : اوكي
ذياب : اصبري بيب السويج و بيي
ريم : انزين بسرعه
ذياب : اوكي اوكي
راح ذياب الغرفه و شل تلفونه و سويج السياره و طلع
ذياب : يلا
راحو بسرعه و ركبو السياره
حرك ذياب
ربطت ريم جوتيها و عدلت شيلتها و رتبت كتبها
ذياب (يحاول يفتح سالفه) : في اي شهر الحين انتي
(ريم بعدها في بداية حملها ف عادي كانت تروح الكلية)
ريم لفت عليه : تسوي عمرك ما تعرف؟
ذياب : امم ما ادري
ريم : ذياب دخيلك اسكت عني
ذياب يضحك على شكلها و هي معصبه : هههه ليش معصبه انزين
ريم : سوق و انت ساكت
ذياب : ههههه اوك
وصلها الكليه
نزلت ريم و راحت داخل
ذياب مر على كفيتريا و اشترى ريوق حقه و حق امه و رجع البيت
وصل و دخل ذياب
ذياب : اماه!
شيخة من المطبخ : ها؟!
ذياب : يبت ريوق تعالي كلي
شيخة طلعت من المطبخ
شيخة : احسن وفرت علي وقت
ذياب : هههه يلا امشي
راحو يلسو على طاولة الطعام
شيخة : وصلت ريم ولا راحت مع السواق؟
ذياب : لا وصلتها
شيخة : اها
صمت...
شيخة : ما قالت لك متى بتاخذ اجازه؟
ذياب : اجازه؟
شيخة : افف يارب ليش عطيتني ولد غبي
ذياب : افا
شيخة : اجازة حمل يا غبي
ذياب : اهااا لا قالت لي
شيخة : الله يقومها بسلامه "طالعته بنظره" و يعطيك عقل
ذياب : ها جزاي يايب لج ريوق
شيخة : اقول اكل و انت ساكت
ذياب : ههه ان شاء الله
أنت تقرأ
جمعتنا وصية
Randomريم بنت هاديه و حياتها هاديه و مافيها مشاكل لكن وصية تقلب حياتها فوق تحت وصية منو؟ شو الوصية؟ ليش حياة ريم تتغير؟
