When Love Lasts (OC)

Chapter-2 (U&Z)

Unicode
Chapter-2

မြတ်ဘုန်း Condo ရောက်တော့ ၅နာရီကျော်သွားပြီပင်။ဟား မြန်လိုက်တဲ့အချိန်တွေ။ရေမိုးချိုးကာ အပြင်ပြန်ထွက်ဖို့ပြင်ဆင်ရသည်။bar သွားမှာမို့ လွတ်လွတ်လပ်လပ်ဝတ်ဖို့သာတွေးမိသည်။
Shirt အမဲရောင်ကို အပေါ်ကြယ်သီးတစ်လုံးဖြုတ်ကာ ခပ်ဟဟထားရင်း Khaki ရောင် style pants နှင့် LV belt ကိုကောက်တပ်လိုက်သည်။ရေတွေစိုနေသေးတဲ့ဆံပင်ကိုလက်နဲ့တစ်ချက်ခါလိုက်ပြီး ပြန်သပ်တင်လိုက်သည်။ပြီးတော့ ရေမွှေး။ရေမွှေးကိုတော့ Dior Sauvage ကိုစွတ်လိုက်ရင် သူ့ပြင်ဆင်ခြင်းကပြီးဆုံးပါပြီ။အသက်က ၂၉ ထဲဝင်နေပေမဲ့ လူငယ်လေးလိုသွက်သွက်လက်လက်ပုံစံပြန်ဖြစ်သွားတာမို့ သူတစ်ချက်ရယ်မိပြန်သည်။ပုံမှန်ဒီအချိန်တွေဆိုရေမိုးချိုးကာ ကိုယ်စားဖို့ကိုယ်ချက်နေရပြီ။ပြီးတော့ အလုပ်လုပ်ကာ စာအုပ်တစ်အုပ်ဖတ်ရင်း အိပ်ချိန်ရောက်သွားတာလေ။မင်းထက်ကျေးဇူးနဲ့အခုတော့ လူယ်လေးပြန်လုပ်ရတော့ အူကြွမိသည်။

Car parking သွားရင်း မင်းထက်ကိုထွက်လာပြီဖြစ်ကြောင်း သံတော်ဦးတင်ရဦးမည်။

Bar ထဲဝင်လာတော့ ဝိုင်းတွေပြည့်နေတာမို့ Bartender ထိုင်တဲ့ ခုံနားမှာထိုင်ဖို့ပဲဦးတည်လိုက်သည်။

"Gold Label one cup ညီလေး"

"ဟုတ် ဆရာ"

"Please don't see just a boy caught up in dreams and fantasies"

"ဟယ်လို Sorry သားကြီးရာ ဒီမှာ ငါ့ညီမဝမ်းကွဲကိုလေဆိပ်သွားကြိုရမှာမို့ ငါမလာဖြစ်တော့ဘူး။မင်းလည်းထွက်မလာနဲ့တော့။"

"-ီးမို့ထွက်မလာနဲ့လား ငါရောက်နေပြီကွ"

" ဟာာ Sorry ကွာာ ငါလည်းမားသားကြီးကအခုမှ အားချင်းဖုန်းဆက်ပြောလို့ကွ"

"ထားပါ ငါခဏတော့ထိုင်လိုက်ဦးမယ်။မင်းသွားစရာရှိတာသွား မှီရင်တော့လာခဲ့။"

"အိုခေကွာ အမြန်ဆုံးနည်းနဲ့ပန်းကန်လုံးစီးပြီး သွားကြိုခဲ့မယ်။ဒါပဲ ဟေ့ကောင်။"

"Fly me to the moon let me play among the stars"

တီးလုံးသံငြိမ့်ငြိမ့်လေးကြားလိုက်ရင်း သူဘေးဘီကိုဝေ့ကြည့်မိသည်။သူ့ညာလက်ဘေးမှာ ကောင်မလေးတစ်ယောက် ထိုင်နေတာကလွဲကျန်တာဘယ်သူမှရှိမနေပေ။