بين قلبي والقدر للكاتبة ( الشمرية ✍🏻)
ـــــ
شجن : حاطه ايدي ع بطني مر شهرين وأنه فايتتني مناك شهر ونص يعني عليه هسه تلاث اشهر ونص صرت اعرف احسب الجده ام علاء علمتني بكل يوم خمسة بالشهر ادخل شهر جديد احسبله ساعه ساعه صرت اشتغل أكثر حتى الم روحي واشتري غراض لجيبه واشتريله ملابس خاف ع ساعه اجيب كلبي يرعد رعد خوف من اتذكر وراي طلوكه وجيبه يمه روحي تريد تفر مني
زهره : جا تضلين تكربين ما تكعدين ما يصحلج التعب
شجن : لو كعدت ياهو اليوكلني ويوكله
زهره: لا تحملين هم كل ساعه فرج
شجن : ونعم بالله شسوه محسن ع العرس
زهره : راح يطك مرارتي محيسن يكلي نمشيها زفه شلون ما جان ونخلي فلوس ع كلبنه
شجن : يحجي عدل
زهره : وعلي اطكن واموتن لو ما سوالي عرس مثل عرس انعيمه الحوله جا احسن مني هاي تعرس ويجون وادم شايلين طبول ويدكولها شبيه عيني عوجه عوره يريد ياخذني ركض ركض ابن القزمه
محسن : ياهو هاذ ابن القزمه
شجن : فزيت ع صوته اوي الله لا ينطي عدوك جفلتني
زهره: مو عليك
محسن : جا عليمن شو تعالي
شجن : شال النعال وركض وراها زيبك ما يلزمها عاد شمر النعال غاد اجه برأسها ترس خربت ضحك عليها شلون تبجي وتصيحله شوف يا خبله تأخذك يا ابن القزمه
محسن : وعلي لو رجعتي تعيديها لافرك حلكج واخلي ماي الساكيه بي
زهره : عبنك تتمرعد بماي الساكيه ماخذ خاوه عليه
شجن : زهيره كفي الشر عاد
محسن : دضلي ع كلب ابوج ابو الطيور خلي يشوفلج زاجل مثله ياخذج بلكي تمشين لو ما أنه كلبتج هاي ضلتج بايره تلكطين لكط ويا طيور ابوج
زهره : زاجل ولا وجهك جنك غول
محسن : ولج شجن اسمعي وانتي شاهده هاي البت بعد تحرم عليه ليوم الدين وخليها تتعلك لا أنه العايفها ولا أنه الماخذها
زهره : يا ولك محيسن اتشاقه وياك جا صدكت شني ما تحب الشقه
محسن : اكلي وحل
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
