رواية بين قلبي والقدر (للكاتبة الشمرية ✍🏻)
ــــــــ
شجن: فقيدتي وان اذيتكِ بدموعي فسامحيني
فليس ع المُشتاق حول ولا قوة الا بالله 💔
-----
- ما انسه ولا راح انسه وللحد راح تضل محفوره بكلبي ذاك اليوم وذيج الساعه صرت من ارفع راسي ع الساعه وأشوف الوقت نفسه اختنك وروحي تطلع
٩:٤٠ بهذا اليوم عرفت شنو يعني يتيمه وعرفت شنو يعني تعيش معندك أحد ينشد عليك ولا تنتضر ساعه ساعه حتى تروح تشمه وتشبع منه اثاري كلبج عالمج رايحه كعدتيني بيت دافي وناس خيره بس أنه اريدج انتي اجيت اشوفج جم مره ومره وما صارت مامكتوبلي اودعج واسمع صوتج واحضنج واشبع منج شوف وحتى لو شفتج وكعدت وياج هم ما راح اشبع منج
شلون رحتي
ومنو يمج
وحدج سوده بوجهي وحدج وغفت عينج
وانتي بهذا الوضع وتصيحين باسمي
وكلبج عليه وتفكرين بيه
لاخر ايام عمرج جده بشنو اردلج الجميل وشلون اجازيج بدعائي وصلاتي
واحس قليله الله يرحمج يا حبيبة روحي رحم الله من قره الفاتحه ع روح ( نارسية بنت حواء وادم )
شجن : نسحبت من ايدي بلا وعي اباوع عليه
زيد : لج كزاز جواج كووومي
شجن : اباوع بس روحي مدري وين التفتت ع خالتي ادك وتلطم وتبجي وتصيح راحت الغاليه راحت الطيبه والحنينه اي والله طيبه وحنينه كعدني ع كرسي ويمسح برجليه الكزاز داخل بركبي وجوه الركبه ودمايه بس ما جاي احس بالم يشيل الكزاز حسبالك مو جسمي مخدره يحجون وياي ما ارد
زيد : شجن اصحي عاد جاوبيني شجن
يرجع يلتفت لامه كافي يمممه ام علي سكتيها راح يرتفع ضغطها
شجن : عفتهم وصعدت فوك طبيت لغرفتي الم بملابسي اجيب واشمر ع جربايه اروحلها لازم اروحلها اريد اشوفها ما يصير تروح وأنه ما شايفتها نسحبن الملابس من ايدي عاينتله وحجيت بسرعه
زيد زيد اخذني لجديتي شوف يكلك تريد تموت وتعوفني وحدي وأنه انه منو الي بعد
اضل وحدي بهاي الدنيا امشي اخذني ابوس ايدك قبل لا تموت امشينه
-عبرته ودست ع ملابس سحبني من ايدي ورجعني لنفس مكاني وحجه بصوت عالي
- اصحي دكلج ماتتت ماتتتت
- هزيت براسي ودموعي نزلن جن شلال ماتموت ما تعوفني هدني وخرررر عنييي اروح وحدددي أنه اندل الدرب عووووفني زيدددددددد عوفنننني
- لزم رأسها حاضنها وهي ترفس بين ايده ودكله
: اتركننننني جددددده جددددده لااااااااا جددددده لا تعوفيني وحددددي اااخ يممممه ااااخ
- تصرخ بعلو صوتها صعدت صبا وحر شافوهم بالكاع حاضنها بتك ايد وهي مخليه رأسها ع جتفه وتصيحح وتبجي بجت صبا ع بجيها وصياحها وهي هم بعيده عن أهلها وما تعرف عنهم شي ولا تكدر تشوف امها لا ابوها
اخذتها من ايد زيد وحضنتها وضلن يبجن وحده تسكت والثانيه صوتها يعلى صبا حسبالك رادتها حجه حتى اطلع البكلبها وتنصب مناحة مرارتها واشتياقها لأهلها
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
