رواية بين قلبي والقدر للكاتبة ( الشمرية ✍🏻)
ــــــــ
شجن : ضليت ع وضعي عظيت شفتي لان ما سوه ردت فعل رفعت راسي وأشوف الرجال وجهه احمر والجكاره بين شفايفه يسحب بيها وما يطلع الدخان هزيت جتفه
وكتله: زيد
- حسبالك صحه توه ويشهك بالدخان وضل يكح بعلو صوته انصدمت خليت ايدي ع ضهره وامسح عليه
شبيكككك يمعود ياشرلي ع ألماي
ركضت صبيتله بالكلاص ونطيته
شربه كله ورجع يكح بس خفيف
لزمت وجهه وكتله
-شو بلا ارفع راسك حتى الغصه تروح
ضل يجر النفس ويطلعه ع كيفه لحد ما استقر
فتح عينه واكفه كباله ولازمه خده ع وضعنه وكال
- شكلتي
- عيني تفتر ع عينه سألته : شنو
- شكلتي قبل شويه
- ما اعرف ليش خجلت أعيدها يمكن لان حجيتها بدون ما اباوع ع عينه أخذ نفس هسه بعدين نحجي خلي اجيبلك
مشيت اجيبله ماي مره ثانيه سحب ايدي وكعدني بصفه
- ماريد شي اكعد
- خاف ترجعلك الشهكه
مارد سألني مره ثانيه : ليش متردين تطلكين
- لان
- لان شنو
- سكتت
- احجي ليش متردين ننفصل
- نزلت عيني ع ايدي وضليت العب باصابعي
هسه هذا شكله حجيت بلا وعي
ماريد اطلك لان لان احب ابقى يم خالتي
رفعت عيني عليه بصدمه هاي اني شكلت هو هم عكد حاجبه وكال : خالتج
- لا قصدي اي لا لتسالني ما ادري ماريد اطلك وبس
- كولي ما تردين تبتعدين عني
- باوعتله مبتسم ويحرك بحاجبه عود صحيح كلامي
نزلت عيني ورديت عليه :لا ماكو هيج حجي
- اذا ما جاوبتي جواب مقنع اطلكج هسه
- ياا
- اي والله
- جا طلك عادي
- هاا
- اضل أتوسل بيك لا طلكني فوكاها
بضحكه كال :خبله
- رفعت عيني من سمعت ضحكته ابتسمت
رجع باوعلي وكال
- لعد مو تقرفين مني ومن ابوسج من خدج تردين تذبين من راسج هذا كلامج وين
- أنه كال هيج ودم ما ضل بجسمي لو يذبحوني هسه يلكوني لشه يابسه يعني سمعني هاي شلون الطخها نوب
جاوبته بسرعه : لا والله جذبت
- شلون
- هيج جذبت وعبرها ما اكدر اكلك السبب ام علي امنتني
- وشلون اصدك جنتي تجذبين
- هو انت يمتى بايسني من خدي
- اي هم صدك خوش دليل هذا احنه نتباوس
بس من الحلوك
اجتني لحظة إدراك اجيت ابجي من الجفصات الجفصتهن لا ونوب ع كعده وحده اذا اضل يمه هذا راح اسحل روحي بالوحل ضحك ضحكه قويه بعد ما حجه اخر كلمه بحيث جتافه ينهزن ورث جكاره ثانيه اجيت اكوم كال
- وين
- انزل جوه عندي شغل
- خليج كاعده اني هم عندي شغل وياج
- بغباء كتله : هاا شرايد
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
