رواية بين قلبي والقدر للكاتبة ( الشمرية ✍🏻)
باسبوع واحد كتبت اربع بارتات وهذا الخامس بس للاسف التفاعل ميشجع 💔💔
ـــــ
: -طلعت قماش عندي هواي جاي افكر الم واشتريلي مكينه واكعد اتعلم عليها الخياطه احسن بوكت فراغي ماعندي شي اكعد اخيط علكت التلفزيون ع مسلسلتي الخليجيه وضليت اتفرج يمكن جاي يعرضوها عبن رمضان مالحك اشوفها بليل عاد انتظر الاعاده
وأنه انضف بالغرفه والملم بس بالي وي حجيهم القصه عائليه تحجي ع تضحيات الام وإهمال الاب خلصت ترتيب الكنتور وصعدت اجيب الملابس المغسوله رتبتهن ورجعتهن احذيته امسحهن وارجعهن وفراش الجربايه اغير وجوه المخاد كنست الغرفه ومسحت الاخشاب وصعدت الملابس الوصخه للغساله شغلتها ونزلت جوه عاينت لغرفة خالتي بس هي وجدي مشيت للمطبخ اطبخ الشجر وبزلت التمن الساعه قريب ع اذان دخلت صبا
حجت باستغراب
صبا : زيد وين راح
شجن : هزيت جتفي خالتي ما تعرف وين ؟
صبا : هي كالت اسالي شجن طالع ماكال لأحد وجدي يكول كتله خابرلي كرار ما خابره
حجيت بيني وبين روحي خاف ضاج لان كلوله خابر كرار
ضل بالي نوب حتى نسيت شخليت للمركه سمعنى صوت سياره
صبا : هذا حر اجه
مشت تتلكا من الباب اخذت منه الغراض وخلتهن بالمطبخ
صبا : الله يساعدك
حر : ويساعدج فرفحت كلاص مي من يمج
حسن : كواك الله
حر : هلا جدي
حسن : لعد اخيك وين
حر : والله ما اعرف خابرني من رقم غريب
كلي رجعت كتله اي وراح
شرب المي وطلب واحد ثاني نزع حذائه ونزعته صبا الجواريب مد رجليه وكال
حر : نشكيت شك والله العظيم تعب تعالي ولج
فركيلي رجليه يونن عليه
صبا : دمشي بالغرفه مدد وافركلك
حر : ولا بيه اتحرك حسبالك رجليه من كعدت جمرن ما يرضن يتحركن بعد
صبا : لعد افركلك هنا
حر : افرشلج بساط سحري خاف الكاع تضوجج
صبا : لا بس استحي اكعد هيج
حر : شو ميلي ميلي ما رايد منج شي كفيني شرج
صبا : هسه صرت شر والله يالله
- هزت أيدها ورجعت لشغلها فرشنه السفره وكعدنه منتظرين الاذان وماله اي حس تلفونه طلع فوك ناسي
أنت تقرأ
بين قلبي والقدر
Romanceرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
