رواية بين قلبي والقدر للكاتبة (الشمرية ✍🏻)
ـــــــ
- البيت ماله طعم بدونه صرت اكتل الوكت بالشغل والتركيب والخياط وحتى مرات علاوي اخذه من صبا أنه اوكله واسبحه يضحكلي ويصيحلي امه عود عمه
الخياط مالي استعدل وصار يخبل نسوان عمه لزيد عرفن بيه اخيط كلهن يجن يشمرن عليه قماش وخيطينه فدوه ونوب كامن ما يجيبن حتى القماش يسالني عندج واكلهن اي نريد هيج فصال وهيج فصال حيلي ينهد بيهن حتى ام سحر تجي تطلب مني من دره زيد تخبل ووصه ام علي الي يجي دكلهن رجلها ما يقبل وصدك من يجن تتلكاهن هنه يزعلن ويطلعن وزيد من وصل خابرنه مره وحده كال وصلت وما طول كبل راح للشغل وكال بعدين اخابركم وماكو حتى ما حجيت ويا بس سلمت عليه
صبا : شجون هاج علاوي أخذي يمج بين ما اغسل الكراج
شجن : خليج أنه اغسله
صبا : خاف مابيج حيل معندي شي تره
شجن : شعندي ضايجه اصلا
اخذت السطل وطلعت الصونده للبوري الي بالحديقة الجو صار بيه نسمات حلوه اخذت نفس قويي نفتح الباب اختفت ابتسامتي دخلت سحر هي وامها من راح زيد ضلت طب وتطلع هواي للبيت
تعلج تخوصرت كبالي وضحكت
: مشغليج حارس للكراج كلما اطب الكيج تنضفي
: ولج شفتيها الادبسز شافتنه كلبت وجهه شنو مانعجب حضرت جنابج
: عوفيها يمه تلكيها بيها حاله نفسيه رجلها ماكو وضاله هنا خدام تخدم الرايح والجاي امشينه ختولي
- مارديت عليها ضحكن وفاتن شمرت السطل مال ماي وجبت الماسحه امسح الدرب ندك الباب
ضليت واكفه افتح لو اصيح ام علي
بعدين كلت ما تسوه اصيحها خطيه
صحت منو اجاني صوته
: اني كرار
: لبست شالي فتحت الباب دخل وكال
: شلونج شجن
: ابتسمت الحمدلله تفضل خالتي جوه
: لا اجيت علمودج
: باوعتله باستغراب علمودي
: اي هاج هاي نطانيها حامد وصية من بيبيتج
: حجيت بسرعه جددده اخذتها منه اشم ريحتها فتحتها بيهه كتابه باوعتله مستحيه
- كتله ما اعرف اقراها
: اقراها الج ؟؟
: قدمتها اله وبده يقره البيت الي كاعده ابويه مسجله باسمي ضليت فاكه عيني ودموعي تجري يابيت بس انه الاعرفه البيت لخالد وهو عطف علينه وخلانه كاعدين بي
كرار : الله يرحمها ويرحم والدج
شجن : ضليت صافنه وافكر منينه بيت ابويه جان ع كد حاله ويادوب يشتغل حتى نعيش بعدين عرفت باني بايده وماخذ من خالد دين ومرجعله الدين بس خالد النذل مفهم جده أن الدين ما مدفوع حتى يضغط عليها واقبل اتزوجه وجده عرفت ومن شافت خالتي نوال مامنتها عليه وخلتها تاخذني لزيد
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
