رواية بين قلبي والقدر للكاتبة (الشمرية ✍🏻)
ــــــ
زيد : طلعت من الغرفه لكيت حر كبالي صحته
تعال أخذ السياره وروح جيبلي عصاره للحروق
حر : جيب يأبه جيب الخدام مال خلفكم اني
زيد : شنو
حر : بالخدمه وين السويج
زيد : تلمست جيوبي ماكو كل ضني عايفه بالغرفه وراح من بالي دتبدل فتحت الباب كبل وشفتها واكفه وربي ما خلقني من صدمتي جمدت وصوت صياحها رجعني خلاني افوت بالباب تيهت دربي نوب طلعت وطبكت الباب ورايه حيل
وضليت صافن كل دقيقه وسألني
حر : يمعود شكو شبيك ليش مرتك تصيح
زيد : شششش صوتكك
ضل يصيح أعلى من صوت هاي الشلمفص ويصيح شبيها شبيهاااا مرتك جاي تصرخ لزمت حلكه وسديته بايدي اريد اسكته صعدت مرته نوب كملت وامي تصيح من جوه
صبا : شبيها شجن ليش عيطت حر يااا زيد خنكته
زيد : دفعته وعفتهم ونزلت سريع تيهت دربي وكفتني امي
نوال: شكو ولك يمه ليش هذا الصياح
زيد : ماكو شي عفتها وطلعت رجعت ع السويج ما اعرف وين شامره تذكرت مخلي بصف النفاظه يم التلفزيون هسه شطببك شوداك للغرفه خرب مصنمك طلعت من البيت نسيت حتى ليش طالع
شجن: لبست الدشداشه شلون ما جان ركضت للحمام وابجي عزا بعينج صخام الصخمج شكد عيب ولج كل مره تبدلين بالحمام شجاج ضليت ادك ع رجليه واندب بروحي وافتر بالحمام ندك الباب حسبالي هو والله ولا افتحه
صبا : شجن بيج شي افتحي الباب
شجن : فتحته ع نص وعاينت سالتها اذا اكو احد وياها
صبا : ماكو احد بس اني اطلعي شبيج ضل بالي
شجن : ماكو شي
صبا : شلون ماكو شي صياحج وصل للكراج
شجن : ضليت افكر بحجه حتى احجيها ماكو كل بالي شلون طب عليه وضل مصدوم يمه يافشلت الفشله
صبا : ولج احجي
شجن : ها صرصر شفت صرصر وعطت اخاف منه كلش
صبا : صرصر وين شفتي ولج البيت نضيف متفوتله حشرات وين دليني خاف مكان بي زرف شي
شجن : كتله زيد وشمره بالحمام
ضلت ساكته وتعاينلي تالي كالت
صبا : خرعتينه عليج والله عبالي صار شي يلا ميخالف هسه اكول لحر يجيب شركه ترش البيت مبيد حتى شكو حشرات تطلع
شجن : هزيت راسي رجعت سالتني
صبا : شو لابسه ملابسج باالمكلوب
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
