رواية بين قلبي والقدر للكاتبة (الشمرية ✍🏻)
ـــــ
شجن : اجيت اركض احضنه من الصدمه والفرحه بس الم راسي منعني رجعت كعدت تعبانه بس عيني عليه
نوال : ولك يمه حر هذا اخوك صدك
حر : لا فوتوشوب
- التفت عليه زيد خازره ضحك وكله : ضحكني سوالها
غير هذا واكف كبالج ركضت عليه خالتي تحظنه ودكله صدك يمه يعني بعد ما تسافر تجاهل سوالها وكال
زيد : ليش محد كلف نفسه يتصل عليه يخلي عندي علم بالصاير بالبيت التفت ع حر وحر شال عينه ع صبا
صبا : يباوع عليه ويخزرني عرف اني وصلتله الاخبار بس مو مهم فرحت كلش من شفت زيد هنا هسه راح ترجع شجن لحياتها وترجعلها عافيتها
حر : ما ردت يضل بالك
زيد : عاشت ايدك خوش عذر
حسن : الحمدلله من رجعت بسلامه واحنه موجودين ابني وانت عندك شغل ندري بيك يضل بالك وهناك ماتعرف
تمشي امورك بس انت منو كلك
زيد : كلي الي كال جدي انعم الله منه
كرار : الحمدلله ع سلامتك ابن العم
زيد : الله يسلمك اشوفك مغبش
حسن : عيب ابني شنو السالفه
زيد : فهمتني غلط جدي قصدي خاف اكو شي
كرار : اجيت افتح الشاش لشجن وابدله الها ميصير يبقه أكثر لان تلوث ارجع الضهر يلا مع السلامه
الكل / الله وياك
-لزم زيد جتفه لكرار قبل لا يطلع وكله مشكور لان اهتميت بزوجتي وأني ماكو وهسه رجعت اني انظف جرحها صفن عليه رجع التفت عليه ورجع عينه وكال
كرار : براحتك بس ديربالك زين الجرح شويه حساس
- ابتسم ابتسامه خفيفه وهز رأسه طلع كرار ودخل زيد واني بعدني ممستوعبه شرجعه كعد وضل يحجي ويا امه وجده ع الشغل وخالتي حجتله شصار بيه يسمعها بس ما يلتفت عليه وحتي من طب لا سلم لا اجه يمي ولا حجه وياي بعد ما خلصت كلامها امه دار وجهه عليه وكال
زيد : بأجر اخذج لدكتور حجزتلج يمه يشوف راسج وحجزتلج يم دكتور نفسي هم
نوال : دكتور نفسي ليش
زيد : ناس ثقه حمدو بي حجيت ويا صديقه قديمه نصحتني اوديها لطبيب نفسي
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
