رواية بين قلبي والقدر للكاتبة (الشمرية ✍🏻)
ــــ
شجن : ايدي ع خدي واعاينله بس ما مصدومه هي بقت عليه شو الدنيا كلها ضلمتني وأخذت مني حيفها دخل للحمام وأنه كمت كعدت ع تخم افكر شسوي ووين اروح بعد طلكني شعندي يمه بعدين كمت لبست شالي ونزلت سويت الوضع طبيعي واضحك واسولف بس بداخلي نار ما يعلم بيها بس الله
- من الصدمات الجاي تصير بحياتي اخاف ع ساعه صدمه منهن توكف كلبي وتطلع روحي من هاي الدنيا الما شوفتني يوم عدل ضليت اباوع ع بيت وع خالتي وصبا وعلاوي اشبع منهم شوف ما قصرو وياي الله يجازيهم براحة البال صارولي أهل صباوي نعم الاخت وخالتي صارتلي ام تركض بيه وأنه مريضه وتبجي ع بجيتي عيوني لمعن بالدموع
صبا : شجن تبجين ؟؟
شجن : مسحت عيني وكلت
دموع الفرح فرحانه لان الله عوضني بناس مثلكم
صبا : يا حبيبتي شو تعالي
- حضنتني وكالت : لا تبجين انتي والله ونعم البنيه خلقه وأخلاق والبيت جان فارغ عليه انتي مليتي بسوالفج وشلون تساعديني وحتى علاوي تعلم عليج احنه محضوضين لان زيد صار عنده مره مثلج
- حضنتها وابتسمت اخذت علاوي ابوس بي وهو يضحك نزل شافني كاعده ومابيه شي جان متصور احجي لأهله لو اعوف البيت واطلع ضل يباوع عليه
اشر لعلاوي راحله كعد ع درج واخذه بحضنه يبوسه وعينه ما عافتني درت وجهي منه وكمت اغسل المواعين
صبا : تغدي شجون خالتي وجدي اكلو واني ما اشتهي
صبي الج ولزيد وأكلي
شجن : لا ماشتهي قاطعني من حجه
زيد : صبيلي جوعان
شجن : بلعت ريكي بقهر وصبيتله خليت الصينيه كباله
- خالتي كالت : يمه اكلي ويا رجلج سويله واهس
- نزلت عيني عليه يباوع عليه مشيت اخذت خاشوكه وكعدت اكل ويا مالي خلك أناقش اكلت لكمتين وكمت
غسلت المواعين وصعدت فوك اول ما طلع هو لميت غراضي كلهن بجنطه وخليتها بالكنتور حتى لحد يشوفها
- صار الليل سويت عشه وهم ما اكلت نفسي مسدوده
دخل هو من وكت وكعد ويا امه يسولفون بعدين صعدت بدلت ونمت ع تخم طب هو شافني وين نايمه سمعته يتنفس بضوجه ما اهتميت طب للحمام وأنه غمضت عيني ما احس اله أذان الفجر كمت غسلت وتوضيت وسبحت ودعيت الله يسهل امري راح اطلع بس حتى ما اعرف شكول لو نزلت الشارع
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
