رواية بين قلبي والقدر للكاتبة ( الشمرية ✍🏻)
----
شجن : شمر العطر وصاح
زيد : منو الجايف
شجن : مو انت
زيد : تعالي
شجن : تقرب خطوتين طفرت ع الجهه الثانيه اجيت افتح الباب واشرد لزمني من ايدي ودفعني من الباب وقفله التفت عليه وكال
: اريد اعرف منو الجايف اني جايف اني اخلي عطر حتى اغطي ع جيفتي
: ضحكت لا والله مو عليك جاي اضرب مثل
: مثل وتضحكين مو
: مشه للميز وشال العطر وفتحه يمشي عليه ويحجي
: بس الجايف يخلي عطر هواي هاج
: شال الشيشه وفرغها ع راسي شهكت لزم ايدي وضل مستمر لحد ما فرغها وكال
: حتى تلزمين لسانج بعد ولجفصين
: شسويت بيه عيع اختنكت ركضت للحمام دخلت جوه الماي أنه وملابسي شعري عثك وصار خشن بجيت عبن احب شعري ما أرضه احد يجيسه نزعت ملابسي وجلفت راسي وجسمي والعطر ما جاي يروح مني ضليت نص ساعه جوه الماي نشفت روحي وشعري ولفيت الخاولي ع جسمي ما جبت ملابس فتحت الباب التفتت يمنه يسره ماكو احد يمكن طلع فتحت الكنتور اخذت دشداشه لون سمائي بيها تول اسود ع الصدر وورده ذهبيه بالنص صلوخ وكصيره من الجابهن هو هناك من رجعت بالغرفه هم لكيت معلكين كلابيات وملابس هواي واحذيه وشحاطات وجنط والميز مليان حمر وزواكه بس ما اعرف اخلي فمخليتهن منظر اجيت انام ما اجاني نوم مخنوكه من العطر مدري شلون خذت عيني نوم لتالي الليل كعدت ويا الاذان اصلي وقريت قران سورة الفجر وهديتها للامام الحسين جده كالت اذا تردين حاجه من الامام اهديله سورة الفجر خلصت ورجعت مددت وغمضت عيني
انفتح الباب
كلبت روحي ع الجهه الثانيه بسرعه حتى يكول نايمه طب ماكو حس شويه وسمعت باب الحمام نسد وصوت الماي جاي يسبح اغمض عيني اريد انام طارت النومه من فات طلع من الحمام ينشف برأسه ضوه الحمام ضارب ع غرفه فاتحه تك عين واباوع عليه لبس شورت كصير ورجع للحمام يفرج أسنانه سد ضوه واجه مدد شويه والتفتت نايم ع بطنه وداير وجهه خليت راسي ونمت أنه هم سمعت صوت تلفونه يدك مره مرتين مارد فتحت عيني مدري بيش ساعه هسه التفتت عليه شفته غاط بالنوم ولا يحس ع أحد طبعا اذا الفجر طب للبيت مشيت الكنتور سحبت دشداشه طويله ردن يغطي جعب الايد مشجره
وشال اسود جرجيت احب الاقمشه وحافظه انواعهن كلهن
مشطت شعري لساعها الريحه بيه وبشعري نوب تخنك خنك لبست نعالي ونزلت اول ما دخلت المطبخ
التفتت صبا وكالت
: هههههه شنو سابحه بالعطر
: اي
: شنو
: وكع ولميته ولزكت بيه الريحه
: يا شجن ريحتج اول ما طبيتي وصلت بس هذا عطر زيد بس لا كسرتي عطره كلشي ولا عطوره هذا
: شيسوي يسوي ما يهمني جا طاح ونكسر شسوي أنه
: كاعده من وكت ساعه ١٢ ونص
: هم يلا راح يأذن الضهر صدك صبا أنه جايتني الشهريه يوم وثاني يوم لليل كطعتني هاي اول مره تصير
: لا تخافين مره الدكتوره كلتلي اذا اجتج ساعه وحده تنحسب دوره اكو مرات تصدف هيج بس أن شاء الله متنعاد
: أن شاء الله
: راح نسوي تشريب لحم اصفر وتمن تاجينه ودولمه شتحبين تاخذين من هاي الاكلات تسويها
: كلهن اعرفهن اليعجبج
: خوش لعد أخذي الدولمه واني اسوي التمن والتشريب
: خوش لملمت البيت وشطفت الكراج بساع بساع صليت الضهر والعصر ورجعت سويت الدولمه حشوتها أسويها كلش طيبه وحموضه وحرورتها متساويه وصبا أيدها بشي وكل ساعه تعوف الاكل وتروح توكل ابنها رجعت رضعته نوب تغيرله آخر شي صاحها يكلها يريد ينام
: عوفي أنه اكمله عنج روحي شوفي ابنج
: جايتج بس انيمه لان يثبرني ميتحمله دقيقه
: لا يضل بالج شلت جدورة الدولمه وخليتهن ع نار سويت تلاثه لكيتها مكمله التمن بعد الحشو سويته عاد طبت شافتني كملت التمن هم
: ينطيج العافيه والله شجن هواي نقذتيني
: احب الشغل واحب الطبخ بالذات لا تشيلين هم منا وهيح
: يخليلج زيد وان شاء الله نفرح بعوضكم
: ابتسمت سمعته يصيح من فوك صعدتله منتجي ع الجربايه ويفرك بعينه وكال
: وين تلفوني
: مشيت بلا ما ارد أخذته من الميز وخليته بيده
: سويلي ريوك
: نزلت حميت الجاي وسويت بيض عيون وجبن عرب
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
