بين قلبي والقدر للكاتبة ( الشمرية ✍🏻 )
ـــــــ
- يقولون قديما في روايات الحب اذا وقعتي في حب شخصين في نفس الوقت فختاري الثاني لانكِ لو كُنتي تُحبين الاول لما دق قلبكِ للثاني
ـ
كل مره اسمع هاي العباره اتذكر بيها زيد صحيح وأنه عرفت روحي احبه من شفته مدد بالكاع ودمه تارس قميصه : ضليت ابجي واصرخ ويجرون بيه يردوني ادخل للبيت أبعد بيهم بس همه اقوه مني شالوا كدام عيني وأخذوا بالسياره وراحوا وضليت بدموعي وحصرتي عليه ليش ما اخذوني وياهم هسه شيريح كلبي وشيهدي وجعه ركضت لخالتي واكعه وصبا تصحي بيها ما تصحى جبت ماي ورشيت ع وجهه صحت بس تون ما فتحت عيونها وضلت ع وضعها وتصيح
- يمه زيد يمه ابني نذبح
صبا : شجن ساعديني فدوه راح تموت
شجن : شلناها انه وصبا ودخلناها البيت ومددت ع تخم وضلت تون ماكو احد بس انه وصبا وهي وما نعرف شنسوي مره ابجي ع حالها ومره من اتذكر زيد وشلون يريد يهديني يكلي مابيه شي اشهك واختنك وتريد روحي تطلع وصبا تبجي وياي وتهدي بيه
شجن: اريد اروح اشوفه ليش عافوني هنا
صبا : هسه اخابر حر يطمني ماجاي يرد عليه هسه
- مرت علينه الساعات جنها سنين وصار الليل واحنه ع نفس وضعنه خالتي مدده وبس فاكه عينها حتى ما تبجي خفنه عليها نوب أنه كاعده يم رجليها وصبا يم رأسها تفرك بي وهي لا تتحرك ولا تحجي بس فاكه عينها وصافنه
صبا : يمه حاجيني عيني
نوال : زيد نذبج
شجن : الحمدلله الف الحمدلله حجت
صبا : حبيبتي شو باوعيلي مابي شي يمه هسه يجي حر ويجيبه ويا بس اكعدي وحاجيني
نوال : ابني نذبح
شجن : نزلن دموعي وسديت حلكي حتى لا أشهك وتسمعني طبيت للمطبخ اركض فتحت البوري واشيل بالماي واشمر ع وجهي اريد تطفه ناري ما جاي يطلع من بالي سوده بوجهي متاذي شنو وضعه هسه كعد لو لا شلت ايدي للسماء وكتله
- يالرديت يوسف ليعقوب ترجعلي زيد بجاه مصاب زينب ترجعليا ربي لا تحرمني منه وكف نزيف ايده ورجع العافيه لجسده نذر عليه ازور باب الحوائج واطش جكليت يم الباب وامشي حافيه بس يكعد ومابي شي خليت ايدي ع وجهي وكعدت بالكاع منهاره سمعت صوت الباب المطبخ قافلي لان وحدنه بالبيت اجت صبا فتحته ودخلن نسوان تلاثه وحده منهن تصيح وتلطم
- نهجم بيتج نوال راح ابنج راح جبيرج
- سكتتها صبا بصوت عالي
- خاله صدك جذب شدتحجين الولد مابي شي ليس تفاولين عليه هيج مشوفين خالتي شحالها ناقصنه
- سكتت المره مصدومه وصاحت
: لج بت الفكر تصيحين عليه يالمالج رداد ولا أهل والله خوش مابقه عليه بس وصخ رجليه
: ماردت عليها صبا بس شفت عيونها مهضومات عافتها وفاتت صاحت وراها
: تعالي لج سويلنا جاي أمشي
: اجيت اردها لزمت ايدي وما خلتني حجت ومشت
: محد كبر راسج غير الماخذج
أنت تقرأ
بين قلبي والقدر
عاطفيةرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
