رواية بين قلبي والقدر للكاتبة (الشمرية ✍🏻)
-------
ـ رفعت عيني ع زيد وأنه أحاجي كرار شفته فاتح عينه بتعب ويصيح
: مي
- بلعت ريكي بخوف وتقربت منه لزمت خده وكتله زيد كعدت التفتت ع كرار كتله يصيح ماي
كرار : خلي أصيح الدكتور
شجن : توه طلع كرار وجان يرفع رأسه تقيى صفار خفت عليه لا تسمم لو شي عاد من اجه الدكتور كال هذا مال بنج ديطلع منه والماي ساعه يلا تنطوا
زيد : مي اريد مي عطشان
شجن : يحجي بصوت مبحوح لزمت ايده وكتله تحمله
ساعه وانطيك ماي موزين عليك هسه عيوني عاينت لكرار واكف ومخلي ايده ع خده وصافن عليه طبو خالتي وحر وجدي حسن خالتي تمشي وتصيح
نوال : كعد بشريني
شجن : كعد خاله لا يضل بالج
نوال : زيد يمه شو حاجيني
- فتح عينه شافها بس معنده قابليه يحجي
طلع كرار وأخو رجعو للبيت وضلينه بس احنه
حر خابر ع صبا تسد البيبان زين لان راح يضلون بالمستشفى
تقرب منه جده يمسح ع رأسه ويكله
حسن : يأبه شو حاجيني زيد تسمعني
- هز رأسه لجده
حسن : عدت أن شاء الله مابيك غير العافيه ابني
نوال : يأبه فدوه اروحلك زيد محتاجك هسه لا تعوفه
حسن : شوكت عايفكم حتى اعوفكم
- هز رأسه وكال يحلها الحلال
- لثاني يوم الصبح صحه زيد وشرب ماي وكام يحجي طبيعي عاد سجله خروج الدكتور وكله مره ثانيه اذا نفتح الخيط ما يفيده غير العمليات
- فات كرار وكال : صباح الخير
الكل : صباح النور
كرار : شلون صرت
زيد : الحمدلله
كرار : اجيت اخذكم سيارة حر ما تكفي
حر : رحم الله والديك
صعدنه بسياره حر وجدي وخالتي صعدوا ويـ كرار يباوع ع جامه وصافن لحد ما وصلنه حرف ما حجه وحتى من وصل ما قبل يكعد كبل صعد لغرفته غير ملابسه ونام ردت اساعده ماقبل بس بلوزه كوه ينزعه عاد استسلم خلاني أبدله بس من فوك وكبل دار وجهه ونام
نزلت كلمن طاب غرفته ونايمين الليل كله سهرانين ضهريه والسبالت مشتغله جو صدك يخليك تنعس بس انه ما نمت كمت اساعد ام علي بالبيت نضفنه ورتبنه وحضرنه فطور وكعدنه نسولف من خلصنه
أنت تقرأ
بين قلبي والقدر
Romanceرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
