"អោយនាងគេងបន្ទប់នេះមែនទេ??"ជុងគុក ដើរមកពីក្រោយអ៊ំលីមទាំងដាក់ដៃលូកក្នុងខោប៉ៅខោខ្លួន នាយកម្លោះដើរមកមើលបន្ទប់ដែលយ៉ុនអាត្រូវសម្រាក ហើយក៏មកប្រាប់អ៊ំលីមខ្លះៗទៀតដែរ ព្រោះមុននេះនាយមិនចង់និយាយច្រើននៅមុខរាងល្អិត
"ចា៎លោកប្រុស ខ្ញុំអោយនាងនៅបន្ទប់នេះស្រួលពេលអ្នកប្រុសមានការអ្វីហៅប្រើនាង ក៏ហៅនាងតែម្ដងទៅ ក្មេងម្នាក់នេះមើលទៅស្លូតណាស់នាងមកពីណាចៅហ្វាយ?"អ៊ំលីម គាត់រស់នៅជាមួយជុងគុករាប់ឆ្នាំហើយចឹងគាត់ក៏ដូចជាចាស់ទុំក្នុងផ្ទះនេះម្នាក់ដែរ
"គឺកូនបំណុលដែលមកបម្រើដោះលុយជំពាក់ហ្នឹងណ៎ាអ៊ុំ ខ្ញុំចូលគេងសិនហើយ អ៊ុំឆាប់ចូលសម្រាន្តដែរទៅ នៅយប់ជ្រៅពេកមិនល្អសម្រាប់សុខភាពនោះទេ" ជុងគុក នាយតែងតែគោរពនិងអាណិតអ៊ំលីមជានិច្ចព្រោះអ៊ំលីមតែងតែជួយមើលថែនាយរហូតមក។
ព្រឹកថ្ងៃថ្មី🌤️
ថ្ងៃថ្មីបានមកដល់ព្រះអាទិត្យបានរះមកបំភ្លឺភពផែនដី ធ្វើអោយមនុស្ស សត្វគ្រប់រូបភ្ញាក់ពីដំណេក នាំគ្នារូតរះចេញទៅបំពេញកាតព្វកិច្ចរៀងៗខ្លួន។ ក្នុងភូមិគ្រឹះដ៏ធំស្កឹមស្កៃមួយមាន ពួកអ្នកបម្រើញាប់ដៃញាប់ជើងធ្វើការងារក្នុងផ្ទះតាមភារកិច្ចរបស់ខ្លួន មានអ្នកខ្លះជូតសម្អាតផ្ទះ អ្នកខ្លះចម្អិនអាហារ អ្នកខ្លះរៀបចំផ្ទះតាមរបៀបរបបអោយ មានភាពស្អាតនិងរៀបរយ ក្នុងនោះក៏មានរាងស្ដើងដែលកំពុង ឈរចម្អិនអាហារដោយយកចិត្តទុកដាក់បំផុត មើលទៅអាហារដែលនាងចម្អិនពិតជាចង់ញ៊ាំជាទីបំផុត
"នេះអ៊ុំខ្ញុំរៀបចំរួចរាល់អស់ហើយ នៅឡើយតែលើកទៅដាក់លើតុទេ"ក្រោយពីចម្អិនអាហារ ហើយថែមទាំងរៀបចំអោយមានរចនាបទ គួរអោយទាក់ទាញចង់ញុំាហើយ នាងក៏ប្រាប់ទៅអ៊ុំលីម
"អញ្ចឹង យើងឆាប់ លើកយកទៅដាក់លើតុទៅ កុំអោយលោកប្រុសចាំ ព្រោះគាត់មិនចូលចិត្តការរង់ចាំទេ"
"ចាសអ៊ំ"នាងក្រមុំតបទៅអ៊ំលីមហើយ ក៏ប្រញាប់លើកម្ហូបទៅដាក់លើតុ
"យ៉ុនអា ឯងទៅយកទឹកចាក់អោយអ្នកប្រុសញុំា"
"ចាសអ៊ំ"យ៉ុនអា តបជាមួយដោយស្នាមញញឹមហើយ ក៏ធ្វើតាមអ្វីដែលគាត់បានបង្គាប់
"អូរ...អ្នកប្រុស ខ្ញុំរៀបចំអាហាររួចរាល់ល្មម អញ្ជើញអ្នកប្រុសចូលតុពិសាចា៎"កាលបើ ឃើញរាងក្រាស់ចុះមកអ៊ំលីមក៏ទទួលស្វាគមន៍នាយអោយចូលមកញុំាអាហារពេលព្រឹក
"បាទអ៊ំ"ជុងហ្គុក
"ខ្ញុំយកទឹកមកដល់ហើយអ៊ំ.."យ៉ុនអា លើកទឹកមកដល់ក៏ស្រែកប្រាប់អ៊ំលីមមើលទៅនាងដូចជារីករាយក្នុងការធ្វើការងារបែបនេះណាស់ នាងស្រែកដោយមិនដឹងសោះឡើយថាជុងហ្គុកនៅទីនោះពេលដែលឃើញជុងហ្គុកនៅទីនោះនាងស្ងាត់មាត់ដូចគេចុក
"យ៉ុនអា ទៅឆុងកាហ្វេអោយខ្ញុំមួយកែវមក យករសជាតិផ្អែមបន្តិចបានហើយ"រាងក្រាស់បង្គាប់អោយយ៉ុនអាទៅឆុងកាហ្វេ អោយខ្លួនទាំងដែលរាល់ដងអ៊ំលីមជាអ្នកឆុងត្រូវមាត់គេ តែថ្ងៃនេះមានយ៉ុនអា គេប្រើយ៉ុនអាឆុងអោយគេ ចុះបើនាងឆុងមិនត្រូវតាមអ្វីដែលកម្មង់នាងនឹងទៅជាយ៉ាងណាទៅ?
"ចាស អ្នកប្រុស"យ៉ុនអា អោនគំនាបអ្នកដែលមានឋាន:ខ្ពស់នាងខ្លួនហើយ ក៏ដើរចូលទៅផ្ទះបាយឆុងកាហ្វេអោយគេ
"ថ្ងៃដំបូងរបស់នាងយ៉ាងមិចដែរអ៊ំ?"ជុងហ្គុក សួរពីរឿងយ៉ុនអាធ្វើការងារក្នុងផ្ទះបានផលយ៉ាងណាដែរ
"គឺល្អណាស់អ្នកប្រុស នាងឧស្សាហ៍ ហើយការងារដាំស្លអីគឺចេះមួយចប់"មិនចម្លែកទេដែលនាង ចេះការងារក្នុងផ្ទះ ចេះដាំស្លបែបនេះ ព្រោះតែកាលនៅជាមួយប៉ាម៉ាក់របស់នាង នាងចម្អិនអាហារអោយគាត់ញុំារាល់ថ្ងៃ
"កាហ្វេមកហើយអ្នកប្រុស"មិនប៉ុន្មាននាទីផង យ៉ុនអាក៏លើកកាហ្វេមកអោយជុងហ្គុក ជុងហ្គុកក៏ទទួលលើកកាហ្វេនោះមកក្រេបដោយស្នាមញញឹម
"ហ៊ឹម ស្នាដៃអាចទទួលយកបាន"ឮជុងហ្គុក និយាយបែបនេះធ្វើអោយនាងក្រមុំឈរញញឹមបិទមាត់មិនជិតសោះ នេះជាការងារថ្ងៃដំបូងរបស់នាង តែនាងអាចផ្គាប់ចិត្តចៅហ្វាយនាងបាន
"សាន់! អ្វីដែលយើងអោយឯងរៀបចំ ឯងធ្វើហើយឬនៅ?"ជុងហ្គុក
"រួចហើយទាន នេះអ្វីដែលចៅហ្វាយចង់បាន"សាន់ ហុចរបស់ដែលជុងហ្គុកចង់បានទៅអោយគេ
"ល្អ ណេះយ៉ុនអា នាងឆាប់យកវាទៅផ្លាស់ទៅ ហើយរៀបចំខ្លួនអោយស្អាត ព្រោះនាងត្រូវតែទៅក្រុមហ៊ុនជាមួយយើង"ជុងហ្គុក
"ឥឡូវនេះមែនទេលោក?"យ៉ុនអា នាងក៏រាងភ្ញាក់ផ្អើលបន្តិចដែរ កាលបើសុខៗមកហៅនាងទៅក្រុមហ៊ុនជាមួយគេភ្លាមៗបែបនេះ
"ឆ្នាំក្រោយទេដឹង...ឆាប់ទៅអោយលឿនទៅ យើងញុំាអាហារពេលព្រឹកហើយ យើងនឹងចេញទៅតែម្ដង"ជុងហ្គុក នាយនិយាយហើយនាងក្រមុំក៏ប្រញាប់យកឈុតទៅប្តូរយ៉ាងលឿនតាមបញ្ជា
ប្រហែល5នាទីកន្លងទៅសំឡេងសម្រឹបជើងក៏បន្លឺឡើងដែលជាវត្តមានរបស់រាងល្អិតដើរមកជាមួយនឹងសម្លៀកបំពាក់ដែលចៅហ្វាយទិញអោយ អ្នកដែលនៅទីនោះក្រឡេកភ្នែកមើលមកយ៉ុនអា ទាំងការភ្ញាក់ផ្អើល គឺថាស្អាតមែនទែន នាងល្អិតពាក់រ៉ូបបញ្ចេញសាច់ស្មាបន្តិចរឹបអោយឃើញចង្កេះមួយក្តោបនិងជើងតូចស្រឡូនរ៉ូបនោះពណ៌ខ្មៅគូជាមួយនឹងនាយកម្លោះ អ្នកនៅក្នុងបរិវេណនោះភ្លឹកនឹងយ៉ុនអាគ្រប់គ្នាជាពិសេសគឺចៅហ្វាយកម្លោះតែម្តង រាងល្អិតដើរមកដល់ក៏ឈរជិតអ៊ំលីម ទាំងទឹកមុខអៀនៗព្រោះនាងមិនដែលពាក់រ៉ូបបែបនេះពីមុនមកទេ!ដោយឃើញគេសម្លឹងមកខ្លួនបែបនេះយ៉ុនអានាងមានអារម្មណ៍មិនសូវស្រួលក៏ដាច់ចិត្តហើបមាត់សួរចៅហ្វាយដែរនៅជិតនោះ!
"ចៅហ្វាយ..!ចៅហ្វាយប៉ុនហ្នឹងបានទេ?ខ្ញុំមិនសូវចេះពាក់រ៉ូបបែបនេះទេ"យ៉ុនអា ឈានជើងពីរជំហានទៅមុខជិតជុងហ្គុកដោយយកដៃនាងទាញសារេរ៉ូបអោយជុងហ្គុកមើល!សំនួរគ្មានការឆ្លើយតបពីម្ខាងទៀតទេ ពាក្យដែលនាងល្អិតនិយាយអម្បាញ់មិញនេះគ្មានចូលក្នុងត្រចៀករាងក្រាសបន្តិចទេ ព្រោះកែវភ្នែកនាយនិងអារម្មណ៍នាយគឺនៅភ្លឹកនឹងសម្រស់យ៉ុនអានៅឡើយទេ
"ចៅហ្វាយ...ចៅហ្វាយ...!លោកប្រុស"
"ហាស...មានអីមែនទេ?"ជុងហ្គុក ភ្ញាក់ក្រញាងពេលដែលឮសំឡេងសាន់ហៅខ្លួនក៏ប្រញាប់ឆ្លើយទាំងព្រៀវៗព្រោះមិនដឹងជាគេសួរពីអី!
"យ៉ុនអា! នាងសួរចៅហ្វាយ!តែចៅហ្វាយមិនតប នាងពាក់បែបនេះមានបញ្ហាអ្វីដែរទេទាន?"សាន់
"យ៉ុនអា នាងសួរយើងសារថ្មីមក"ជុងហ្គុក ក្រឡេកភ្នែកមកមើលអ្នកនៅជិតដៃខ្លួនមកម្តងទៀតមុននឹងអោយនាងសួរសំនួរម្តងទៀត
"ខ្ញុំពាក់ប៉ុនហ្នឹង បានទេចៅហ្វាយ?ព្រោះពីមុនខ្ញុំមិនធ្លាប់ពាក់រ៉ូបបែបនេះទេ!"នាងក្រមុំបង្វិលខ្លួនមួយជុំអោយរាងក្រាស់មើលទាំងទឹកមុខអៀនៗ!ហ្ហើយអ្នកណាមិនអៀនបើនៅសុខៗមកពាក់រ៉ូបហើយបង្វិលខ្លួនអោយគេមើលបែបនេះនាងល្អិតអៀនឡើងក្រហមមុខហើយ ជុងហ្គុកញញឹមរួចក៏ងក់ក្បាលជាសញ្ញាប្រាប់ថាokហើយ!
____
យ៉ុនអាមើលទៅមិនរួចពីកណ្ដាប់ដៃប្រូគុកទេ
YOU ARE READING
ចិត្តស្អប់បង្កប់ស្នេហ៍
Açãoក្ដីស្រឡាញ់កើតចេញពីកាលឃើញភ្លាមស្រឡាញ់ភ្លែត។នៅពេលដែលយល់ចិត្តគ្នា រៀបការជាមួយគ្នាក្លាយទៅជាប្ដីប្រពន្ធ បែរជាមានរឿងយល់ច្រឡំលើគ្នាដែលបង្កអោយមានចិត្តស្អប់គ្នា ហើយក៏ធ្វើទារុណកម្មដាក់គ្នាយ៉ាងព្រៃផ្សៃ។ចុងក្រោយក៏បានត្រឹមដេកអោបវិបសារីនូវរាល់ទោសកំហុសដែលខ្លួនបាន...
