ခင်ခင်ပျိုရေ မမုန်းလိုက်နဲ့

အပိုင်း - ၂၀.၁

မမရေချယ်သည် မာကြောသည်၊ အနည်းငယ်ခက်ထန်သည်၊ မထင်ရင်မထင်သလို ဝီစကီချပြီး စီးကရက်တိုကိုလက်ကြားညှပ်လို့ ခပ်တွေတွေလေးတွေးဆနေတတ်ကာ ဆေးလိပ်ငွေ့တွေမှုတ်ထုတ်လို့ ရီဝေဝေလေးငေးကြည့်တတ်သူ။

ထိုသို့သောသူသည် မည်သူ့ကိုမျှဂရုမစိုက်ပေမယ့်
ခင်ခင်ပျို‌လေးရှေ့မှာတော့ ဝီစကီခွက်ကိုမမြင်စေချင်သလို စီးကရက်မီးကိုလည်းငြိမ်း၍ ရှက်သွေးဖြာကာ ဆံပင်လေးသပ်နေတတ်သည်။

ခင်ခင်ပျိုလေးကလည်း သိသော်ငြားလည်း
မသိချင်ယောင်ဆောင်သလား ရေချယ်ရှေ့တွင်
မမနွယ်အကြောင်းသာ အမြဲတစေဆိုသည်။

ရေချယ်ချဉ်းကပ်ပုံမှာ ရင်နာစရာကောင်းလှသည်
ချစ်ရသူကို သူ့ကြင်သူအကြောင်းပြောပြပေး၍
အနားတွင်ရှိဖို့ကြိုးစားရသတဲ့။

အနောက်တိုင်းအကသင်ပေးရန်အတွက် ခင်ခင်ပျိုလေး၏ ခါးကို ဘုန်းနေရောင်တစ်ယောက်ထိမည်ကြံရွယ်ကတည်းက ရေချယ့်၏စိတ်အစုံမှာအလိုမကျဖြစ်ရသည်။

ကကွက်များရဲ့အခြေခံအဆင့်ပင်မသင်ပေးလိုက်ရချိန်မှာပဲ ရေချယ်သည် ဘုန်းနေရောင်၏နေရာတွင်အစားထိုးဝင်လို့ ခင်ခင်ပျိုလေး၏မျက်ဝန်းတွေကိုငေးရင်း ခင်ခင်ပျိုလေး၏ လက်ကလေးကိုဆွဲယူကာ ရေချယ့်ခါးကိုထိတွေ့စေပြီး သီချင်းတစ်ပုဒ်လုံးပြီးသည်အထိ ရေချယ်သည်
ထိုကလေးအနားနီးကပ်စွာပျော်ရွှင်စွာရှိနေသည်။

အဲ့ဒီနေ့က ရေချယ်ရဲ့ရယ်သံသာသာလေးတွေကို
ကြားယောင်ရင်း ဘုန်းနေရောင်၏ ရင်အစုံမှာအတော့်ကို
ထိန်းမရအောင်ကခုန်ခဲ့သည်။

ရေချယ်က အန္တာရယ်ရှိတဲ့အမျိုးသမီးပဲ
ရေချယ်က ကြောက်ဖို့ကောင်းတဲ့အမျိုးသမီး
ရေချယ်က ပြိုလဲတတ်တဲ့အမျိုးသမီးပါ

ငယ်စဉ်ကတည်းကရေချယ့်အနားမှာ အရိပ်တစ်ခုလိုမျိုးကျွန်တော်အမြဲရှိနေခဲ့တယ်

ရေချယ်က ပြုံးတယ် ရယ်တယ် ဒါပေမယ့် ဒါတွေက
ဟန်တွေ

ရေချယ်ရဲ့စိတ်ရင်းအမှန်တွေကို ခင်ခင်ပျိုဆီမှာပဲထုတ်ဖော်ပြတယ်

ရေချယ်ရဲ့ရှက်ပြုံးလေးဖြစ်ဖြစ်
ရေချယ်ရဲ့မခို့တရို့ဟန်ပန်လေးဖြစ်ဖြစ်
ရေချယ်ရဲ့ရယ်သံလွင်လွင်လေးဖြစ်ဖြစ်