صحت ارجوان على رن المنبه وهي مهدود حيلها بعد حفلة امس لبست وتجهزت عشان تروح دوامها كالعاده طلعت من البيت الا بطلعته تسمع صراخ : مجنونه انتِ وش ذا الحركات وش ذا الي بيدك خير وين رايحه عرسسس! .. تنرفزت ارجوان من صراخه وراحت له قالت انت هي خير تصارخ من صبح الله وش هالازعاج ..: شدخلك انتِ انا اكلم اختي. التفت ارجوان عالبنت طلع كل هالهواش عشان اساور وخواتم والبنت واضح توها طالبه قالت اهبل انت خير تراها ماسوت شي بنت ومن حقها تلبس هالاشياء وتداوم فيها! مارد عليها وركب سيارته وسحبت هي وراحت سياراتها : يععععع مريض ذا متخلف ومتحجر بعد الله يقرفه الله يعينه على نفسه ذا ولا بنت بتحبه! وطبعاً قلب مود ارجوان واقرفها بيومها كرهت يومها منه ومن صراخه رجعت من الدوام نهاية العصر اخذت لها كوفي وراحت للبيت وجهزت مسلسلها المفضل وحلوياتها عشان تروق وتغير من مودها شوي بعد التعب..
...أرجوان اصحي!! اليوم بيجتمعون الجيران عندنا اصحييي!! ارجواااننن ..صحت بعد صراخ من نومها : يوههه اليوم جمعه وبيجتمعون بعد اف منهم يع صحصحت ونزلت :الله الله الله شهالحلاوة شهالزين وبخور ودنيا متأكد انك رايح تصلي الجمعه ولا تخطب
الابتسامه شقت وجه نايف : الله واكبر عليك بخطب مره وحده والله لو انِ ايش .. ليه شفيك بعد وش ناقص ولاشي بس باقي العروسه ناظر فيها وراح ماتت من الضحك عليه بحكم انه مايحب ذا الموضوع او احد يقوله تزوج كان كل تفكيره اخته اذا تزوجت اهي تزوج هو.. بس يابنت خلي اخوك بحاله لعد تجيبين طاري الزواج خليه هو حرام عليك..: ماما خليني استانس بعدين الى متى بيكره هالشي هو! انا بطلع اشتري ملابس ورانا سوالف وحش ههههههه...: لاحوللل ياربي منك توبي هو هههه جت الساعه 9 بالليل وبدو الجيران يتجمعون عند اهل ارجوان وكالعاده تنزل متأخر عند الحريم ومع الضحك والسوالف الا فيه وحده كنها متضايقه أم ارجوان: شبلاتس يا ام زايد كنك تعيبانه ومتضايقه ردت عليها بنبرة حزن لا يا ام نايف مافيني الا العافيه مع ابتسامه انتهى اليوم بضحكاتهم وسوالفهم الا ارجوان الي طفشت من سوالف الحريم الي ماتحبها ولا وحده من بنات الجيران جت وتنتظرهم يروحون بس واخيراً بعد عناء راحو راحت لامها وهي زعلانه شوفي ياماما اذا بتسوين جمعات انسيني تكفين .. هو وراك يا ارجوان ليه انساك..يماما انتِ شايفه الوضع كلهم حريم ولا وحده بعمري والصراحه ماحب سوالف الحريم كلها فلان مات وفلان بالمستشفى ولا يبدون يألفون على بعض سوالف ماقد صارت وتجيك وحده تعيد قصه عشر مرات يوههه مره يع ضحكت امها على تعابير وجهها وطريقة كلامها قالت لها خلاص ولا يهمك سوي الي تبين وسوي جمعة بنات ونادي صديقاتك وبنات الجيران وكل الي تبين لاتشوفون الابتسامه الي شقت وجهها لانه ببساطه ابوها مايحب جمعات البنات على انها دلوعته بس يشوفها شي تافه وازعاج بدون فايده لان البنات مزعجات بصراخهم وسوالفهم اتفقت ارجوان مع صحباتها وبنات جيرانهم يوم الجمعه الي بعدها وكان عندهم اسبوع يخططون وش يسوون وكان ودهم يسوون بيجاما بارتي....
