الاحد من اصعب الايام بعد ويكند كتكوت اطفش يوم عند ارجوان راحت لدوامها وهي تبكي ( رايحه عزا امزح خلاص😭) لانه اسوء يوم يتكدس الشغل عليها عشان الويكند وماترجع البيت الا متأخر انتهى اطول دوام بالاسبوع عالساعه 10:35 تعبت من قوة تعبها نامت بالمكتب صحت نص الليل جوعانه واستوعبت انها بالكتب وجوالها كله اتصالات من اهلها لانها مو بالعاده كذا تتأخر واذا بتتأخر تعطي خبر حاولت تطلع بس المكتب مقفل وتحاول تتصل بس الشبكه كانت ضعيفه تعبت ارجوان وهي تحاول وتسوي ايشي بس عشان تطلع وماقدرت بعد ساعتين جت ببالها فكره انها توقف عند الشباك وتشغل فلاش الجوال لعل وعسى احد ينتبه ويساعدها وبدت بتنفيذ الفكرة وتحاول بعد خمس دقايق انتبه لها واحد وطار بسرعه لم المبنى ومن حسن حظه لقى رجال الامن تحت مابعد راحو كانو يسولفون وقالهم ان فيه احد فوق وراحو كلهم وتقسمو واخذ بعض المافتيح عشان يدور وين الي كان مشغل الجوال الا يسمع شهقات وصياح نهاية الممر وراح يفتح لها ويحاول يناديها عشان ماتخاف ووقفت وراحت تركض له واول ماوصلت له ضمته وتصيح وتشكره وهو مصدوم وتجمد من الصدمة رفعت
راسها وطارت عيونها :انتتت!!!
انتتتت!! هو سكت يطالع ويقول بنفسه مين ذي؟ بعدين استوعب وتذكر الموقف قال يوه انتِ ! لو انِ داري انها انتِ كان مافتحت الباب لك لانك ماتستاهلين ..: خير وجع وش الي ما استاهل وش مسويه لك انا .. رد عليها بطريقه استفزتها وقال: قلة ادبك معي ذاك اليوم ... تنرفزت منه وعصبت وقالت والله مدري مين قليل الادب يعني تصارخ من صبح الله وش متوقع!! دفته وراحت وهو واقف ومصروع من لسانها وجرائتها ماقد قابل بنت لسانها طويل زيها راحت للبيت بأسرع شي الساعه وصلت وحده وهي من الصبح مو بالبيت اول ماوصلت دخلت وهي تركض ولقت ابوها وجهه كان مقلوب من الخوف وامها تبكي واخوها يحاول يهديهم ماقدر يطلع يدورهم مايبي يترك اهله بذي الحاله راحت تضم امها وتبكي بعد 10 دقايق ضحكت على حالهم وقالت لهم كلشي وانها كانت محبوسه وماصار لها شي بعدين فجأه بعد ضحك قامت تصيح كلهم خافو امها ارتاعت وكانو يحاولون يكلمونها بعد عناء فهم نايف شفيها وقام يضحك الام معد تدري شتسوي البنت تبكي والولد ميت ضحك ابوهم عصب قال :خير شصاير!!!
طالعه نايف وقال: ابد والله بنتكم جوعانه ههههههه
ارجوان تطالع امها بنظرات براءه قالت امها: ياحياتي يابنيتي الحين اسوي لك اكل بس لاتبكين ياقلبي وروحي ابوها قال وهو متنرفز: قال انتِ شايفه الساعه كم! لا تتعبين نفسك الوقت متأخر وش الي تطبخين نايف! قم هنا فيه مطعم مايقفل الا الفجر جيب اكل لأختك..
