عبير واقفه مكانا وعيونها كلها دموع بس تكابر ودها تسأله بس تخاف تخوف امها ويعصب وسكتت طلعت امهم وهي ترحب وتهلي وبعيونها تهاوش منى وضمته من كل قلبها ضم امه وحبها على راسها والتفت على عبير الي لو قال لها حرف انفجرت ابتسم لها واشر لها تجي وتضمه من الجهه الثانيه وماتخاف قربت اول ما وصلت له انفجرت وجلس يضحك: إلى متى بتبقين حساسه كذا؟ انا اقول صيري خبله زي اختك ولا حساسه كذا ابرك..توسعت عيونها منى:هي هي احترم نفسك..ضحك وعلطول تذكر ارجوان وتلاشت ابتسامته سحبهم وجلسهم بالصاله وكان يناظرهم وهو متوتر وطلع ووقف عند باب المقدمه وهو يتأملها وهي تتأمل بالسماء وكيف غيوم :ارجوان..نزلت راسها له علطول وهي كلها توتر وخوف من الي بتعيشه .. تقدم وسحبها لمه وحط عينه بعينها وهي تناظره بفقدان شغف وكلها عصبيه وحزن وشتت انظارها وهو اخذها للداخل بدون ماينطق بكلمة دخل عند امه ودخلت ارجوان وراه توسعت عيونهم منها وقالت امه: زايد مين هذي؟..التفت زايد لها وفك نقابها ورجع التفت لامه ونطق بتردد: هذي زوجتي..ناظرته ارجوان بطرف عينها وهي كلها حقد له ولتصرفاته وقفت امه على حيلها وهي تناظر فيهم بصدمه وعدم استيعاب وبدت تستوعب وبدت تزغرط ماهمها انه ماعلمها ولاشي بس فرحت انه تزوج خواته ماعطو ردة فعل من الصدمه وارجوان تنتفض بس تحاول تتماسك عشان محد ينتبه لها أشرت امه له يروحون لغرفتهم عشان يرتاحون التفت ارجوان وانتبه ليدها الي ورا ظهرها ومتمكسه ببعض عرف انها متوتره وترجف :ارجوان؟ .. التفتت له علطول : ه هلا؟..حاول انه مايوترها زياده: يلا تعالي معاي ..سكتت ارجوان وهي تسحب شنطتها وراه وهو يسحب شنطته وشنطها الباقي وراحو لغرفة زايد فتح الباب ورفع حواجبه من المنظر نفس ماكانت قبل يروح ملابس فوق الكنبه السرير مو مترتب زين التسريحه فوقها علب دخان دخل يركض يلملم اغراضه قبل توصل ارجوان الي ماعرفت ترقى الدرج بالشنطه ....
يحاول يرتب السرير يشيل الملابس ويحطها بالسله يسكر الدواليب يشيل القراطيس ويرميهم بحكم ان غرفته كبيره ماعرف ينظف كلشي وصلت ارجوان واستغربت الشنط انها عند الباب درت ان فيه شي مشت لم الغرفه وانصدمت منه كيف يركض داخل الغرفه :احم احم..تصنم زايد وجلس يطالع حوله ويكشر بوجهه انها وصلت وشافت الغرفه بهالمنظر لف جسمه كله لها وحك ظهر راسه وهو مايطالع فيها ويطالع بالارض :حياك حياك ..دخلت ارجوان وكل حياء الارض فيها ومتوتره راح لمها ودخل الشنط كلها وقفل الباب أشر على الكنبه بمعنى استريحي هزت راسها بالرفض وانها تبي تتروش أشر لها مكان الحمام وطلع من الغرفه عشان تاخذ راحتها ونزل وركب سيارته وشغل دخانته وتوجه للشركه ..تقدمت ارجوان وهي تتفحص الغرفه بعيونها وطاحت عينها على الي فوق التسريحه انواع الدخان والشيش الالكترونيه وهالاشياء رفعت حواجبها وماهتمت فكت عبايتها وقررت تنظف المكان لانها مستحيل تجلس بهالمنظر : يلا ارجواني يلا حبيبي وقت التنظيف ..لبست سماعتها وجلست تتمايل وترقص وهي تنظف رتبت السرير ودخلة كل ملابسه الوصخه بالسله الي امتلت ولاتعرف وش تسوي فيها راحت للتسريحه وقررت تقسمها نصين نص لها ونص له دخل علب الدخان والاشياء حقته بالدروج اليسراء وطلعت كلشي من اليمين وحطته باليسار بشكل مرتب ومنظم والتفتت للدولاب وبدت تحس بتعب بس ماتبي تجلس الا وهي مخلصه راحت لم دولابه وسوت نفس الحركه الجزء اليسار له واليمين لها خلصت من ملابسه وتنهدت تنهيدة طويله لما تذكرت انها باقي ماطلعت ملابسها واغراضها قفلت سماعتها وجوالها من سمعت اذان العصر وقررت توقف وتصلي وترتاح شوي استغربت انه للحين مارجع وجلست على سجادتها تبكي وتدعي من كل قلبها انها ...
