ناظرها وهز راسه وطلع من البيت قامت منى وهي تروح لغرفة امها ولقتها جالسه على السرير وتمسح دموعها: يايمه ياقلبي ليش تسوين بعمرك كذا! مهما تراه ولدك...لفت الام عليها: ادري انه ولدي وقطعه مني ومن وتيني لانقطع الوتين كيف بنعيش!؟ الوتين يايمه مربوط بأشياء كثير لاخسرناها يمكن نخسر هالوتين ولاخسرنا هالوتين بنموت ..عقدت منى حواجبها ومافهمت قصد امها: شلون يعني؟... تنهدت امها: الوتين هو زايد ولدي فرحتي الاولى والي مربوط فيها هي ارجوان وعيالهم المستقبليين لاخسر وليدي هالشي يمكن يطيح بدوامات كثيرره وهذاني اشوف الندم بعيونه الحين ندم على تصرفه !...منى: طيب مو المفروض نوقف جنبه ونساعده بدل الصد يايمه؟.. امها: الصد افضل حل يتعلم من غلطه ويتعامل مع كلشي بنفسه انا بحل الي بينهم؟ لا زي ماقلت بينهم مارح اتدخل وقراراتهم بيدهم سالفة انِ اتدخل بينهم مارح اتدخل ماهم بزران هم كبار ومتزوجين ويعرفون الصح من الغلط!...منى: يمه بسألك سؤال؟...ام زايد: ووشهو سؤالك؟..منى: مازعلتِ من زايد لما دخل وقال هذي زوجتي بدل مايجي ويطلبك تخطبين له وتفرحين فيه؟....كانت ام زايد تدري وش سبب زايد بس ماعلمت بناتها: لا والله يابنتي مازعلت دامه مستانس وهو قرر وعايش حياته فا براحته والله لا ارتاحوا عيالي ارتحت انا وبتعرفين وش اقصد بكلامي لا جاس عيال... منى: بسم الله علي!...ضحكت امها عليها....(في بيت ارجوان س4 العصر) كانت جالسه بالحوش لحالها وتحاول تدق على نايف مايرد وابوها مو موجود دقايق وانطق الباب عقدت حواجبها: يمه من الي جاي!.... راحت لم الباب وهي متردده: م مين؟؟...سمع زايد صوتها وحس براحه: افتحي الباب...سمعت ارجوان صوته وعرفته علطول: نايف مو موجود ...زايد: مابي اكلم نايف ابي اكلمك انتِ..ارجوان: مالنا كلام معبعض...زايد: يابنت الحلال خليني اكلمك افتحي!.. ارجوان: مارح افتح قلت لك مالنا كلام معبعض وظف وجهك الله يعافيك!!.. عصبت وراحت دخلت للداخل.. زايد: ارجوان افتحي الباب ارجوان!!...ماسمع رد عرف انها سحبت عليه انقهر مره وركب سيارته وهو يدق على نايف ونايف مايرد عقد حواجبه نايف مختفي ماله حس...ندى جالسه بالصاله وتهوجس دخلت عليها ارجوان: يمه شفيك؟.....
ام نايف: نايف وين راحح!... ارجوان: سوي الي يبي يايمه سببك ابداً ماهو مقنع انك تعلقين قلب الولد يايمه!..تنهدت ام نايف: راضيه والله راضيه بس ابي ولدييي!!...خذت ارجوان جوالها وهي تحاول تدق ولارد عليها مرت نص ساعه ودق عليها: هلا؟... ارجوان: كان اختفيت زياده كان خوفتني اكثررر! ....نايف: صاير شي؟...ارجوان: ولللدد شفيك كذا صاير بارد!!... نايف:تآمرين بشي؟... ارجوان: ارجع البيت بكلمك بموضوع!...نايف: منب راجعع!...ارجوان: ناايف! قلت ارجع ترا بتندمم!... قفلت الخط بوجهه وهي معصبه طلعت من غرفتها تصلح لها قهوه وتجلس بالحوش وكان نسمة هوا خفيفه خذت الابتوب وهي تشغل لها اغاني تحاول تروق وتغير مودها مر الوقت وماحست فيه انفتح الباب وفزت مرتاعه تحسبه زايد لقى له طريقة يدخل البيت دخل ابوها وعقد حواجبه: وشفيك يابنت!...ارجوان: ل لا لا مافيني شيي... سكت وصد عنها ودخل ماكانت الا دقايق وانطق الباب توسعت عيونها وزفرت بعصبيه: بتفاهم معه ذا!.. وقفت عند الباب: ميننن!!..نايف: انا نايف!.. شهقت وفتحت الباب له بسرعه وتضمه: اشتقت لك ياكلبب! ... مارد عليها واكتفى بابتسامه تركته وهي تمسك يده وتسحبه للدكه تبي تكلمه قبل امه تشوفه: تعال تعال خنتكلم انا وانت شوي قبل كلشي...نايف: وشو قبل كلشي ليه وشصاير!... جلست قدامه وهي تناظر فيها كيف متغير ونحف ودقنه كيف كثيف ومو مرتب تنهدت بضيق: شصاير بدنياك ياخوي علمني فضفض تكلم لاتكتم وانا موجوده !...نايف: انتِ يالله تشيلين هم عمرك يا قلبي تبيني اضيق عمرك زياده!.. ارجوان: مين انا يانايف ميننن مو انا اختكك!...نايف: شرياني ووريدي مو بس اختي ياقلبي يلا علميني وشو الموضوع الي جايبتني عشانه!...ابتسمت ارجوان له ونطقت: ادخل داخل واعتذر من امي وبوس راسها ترا عروستك تحتريك!!... توسعت عيون نايف : كيف يعني!!!... ارجوان: معليك انت اقنعتها انا ههههه!...وقف نايف وهو يشيل ارجوان يدور فيها بالحوش وهي تضحك تركها وهو يتنهد براحه منزمان ماتنهدها ابتسم زي المجنون: ماني مصدقق!.. ضحكت ارجوان: يلا يلا ادخل لأمي ولا مافي عروس!...ضحك ودخلت قبله عشان يفاجؤن امهم قعدت ارجوان جنبها بالصاله : يمههه شفيك!...ام نايف: وشفيني يابنتي بعد مهما تكلمت تراه ولدي!!... ارجوان: وشفيه ولدك حسستيني انه برا ديرة الغيث!........
