جلست دقيقتين على مايطلع زايد رن جوالها وما امداها تمسكه انقطع الخط : غريب يمكن غلطان.. تركت الجوال بسرعه وماشافت حتى مين المتصل .. انتهو من صلاتهم وتجهزو ونزلو للدور الاول توجهت ارجوان عالمطبخ علطول: السلام عليكم... الكل: وعليكم السلام...منى: وين الي بتتسنع على راسي!.... ارجوان: بالغلط .. وتكلمت بصوت محد يسمعه الا هي: والله كله من اخوك شسوي يعني خرشني....زايد من وراها: احم السلام.... ام زايد: وعليكم السلام هلا وش هالابتسامه شعندك،...زايد: سلامتك اييي شمسوين؟.... ارجوان: وبس هذا الي فالحين فيه وش سويتو وش بتسوون وليه ماسويتو ذا وذا موب زين وذا لعد تسوونه ....منى: اي والله ذا حالنا معه مزعج....زايد: اللهم انِ صائم بس خلصي شغلس بس بلا بربره عشان ماتعطشين...طلع من المطبخ وراح للصاله وكملو البنات بالمطبخ يجهزون الفطور..عبير: جعتتتتت معد اتحمل احس بدوخة...منى: انتِ كل سنه نفس الجمله دخت جعت مدري وش ...ارجوان: عادي طبيعي انها بتدوخ جسمها مو متعود بعدين داومتو اليوم؟.....منى وعبير بصوت واحد: لااا!....ام زايد: عجزت بهم والله وبعدين قللو كلام وكثرو شغل اص اص شغلو الراديو على القرأن بس يلا اخلصو.. ارجوان بهمس: شفيها معصبه؟....عبير: حبيبتي هذي امي واحنا صايمين تتغير 360 درجة احمدي ربك مابعد صارت جونسينا انا انتظر بس...حاولت ارجوان تكتم ضحكتها بس مافدرت وانفجرت ولفت بسرعه عبير تكمل شغلها كأنها ماسوت شي... لفت ام زايد على ارجوان الي تضحك بقوه وعطتها نطره خلتها تسكت: قايمه العصر لا صلاة ولاعباده وداخله المطبخ وتكركرين!! روحي اجلس عند زايد انتِ وذا الي جنبك مركرو هناك بعدين ارجعو لي لاخلصتو اطلعو!!!.... طلعو ارجوان وعبير وهم يضحكون ومصدومين دخلو على زايد وجلسو عالارض وهم يضحكونن رفع زايد حواجبه :خير وش جابكم؟....عبير: اهخخخ انطردنا يا اخوي تكفى تعال توسط لنا قبل تزعل امي علينا شف يعني انا بقدر بس زوجتك اول رمضان لها معنا واول يوم لها وانطردت باقي الايام وش بتسوي..ارجوان: هي انتِ احترمي نفسك كل ذا بسببك ياقليلة الادب تقولين عن امك كذا!!!....عبير: شف شف ولا كأنها تو تضحك وانطردنا بسبب ضحكها.....
ارجوان: كله منك فيه احد يقول كذا عن امه...زايد: خلاص انتِ وياها!....ارجوان: شتبي انت! لاتسكت!!... ماكان زايد يبي يتناقش معها ويحتد النقاش قدام عبير: وش قايله!؟....عبير: وش ماقلت شييي...ارجوان: وتكذبين برمضان وصايمه بعد!... عبير: ماكذبتتت .. ارجوان: هووو هييي يالكذوبب ...زايد: تكلمي انتِ طيب وش قالت هي!؟...ارجوان:نسيت... قامت بسرعه وطلعت ولحقتها عبير: انقذتيني والله توقعتك بتفضّحين فيني هههههه...رجعو للمطبخ..ارجوان: احم اسفين ياخاله وربي اسفين اكرفينا زي ماتبين خلاص بنعقل....الخاله: ارجوان تعالي لفي هالعجينه وانتِ ياعبير ارجعي كملي لفك للسمبوسه بسرعه!...ارجوان: سمي وابشري...ورجعو للمطبخ يكملون شغلهم ومنى مشغوله بحلاها ارجوان: هي منى اسمعي دام خاله طلعت شلون الف ذي ماعرفتتت تكفون ساعدوني كيفف فشلههه...عبير: خبز خبزتيه يالرفله كليه.... ارجوان:اقول صكي فمك انتِ بالذات... منى:خلاص خلصت حلاي بجي معاك نغطي على فضايحك ... ارجوان: استحي على وجهك يالخايسه بعد ..... عبير: كانت تتفلسف علينا طلعتي رفله ههههههه...ارجوان: اص اص انتِ بعد ....منى: ياحوبتك يا اخوي ماخذ رفله ....ارجوان: هيييي يالنقطه انتِ وياها خلاص لحد يساعدني...منى وعبير: يكون افضل ...طلعت ارجوان وراحت للصاله وهي تطل براسها على زايد : احم احم ..رفع زايد راسه ودرا ان وراها بلا: وشو...ارجوان: تعرف تطبخ؟...رفع زايد حواجبه: نعم؟....ارجوان: اي تعرف تطبخخ!؟؟..زايد: اي ليش!؟..... ارجوان: حلووو والمعجنات؟...فهمها زايد وبدا يستغبي: وش المعجنات وشفيها؟....ارجوان فهمت انه بدا يسوي نفسه غبي: قمممم لف معي لاتسوي نفسك غبي...زايد: وش الف معاك!؟....ارجوان تتلفت تخاف خالتها تجي: بسرعه قبل امك تجي تعال علمني خواتك ذلوني!!...قام زايد وهي وراه تلحقه دخل المطبخ وعطى خواته نظره وهو يتقدم لمكان ارجوان وهي واقفه تشوف زايد: شوفي كذا... بدا يسويها وهي تطبق وراه جت امه وشافتهم وابتسمت ورجعت مكانها سوت نفسها مشغوله عشان ماتحرج ارجوان....
