سم يبه الحين اروح بعد نص ساعه رجع وبيده اكل اول مادخل كان البيت هادي لان امه وابوه نامو وراح لاخته لقاها حتى هي نايمه ماقدر يقول شي يدري انها تعبانه حط الاكل بالثلاجه وراح نام .. بعد يومين اخذت ارجوان اجازه الاربعاء والخميس عشان تجهز للحفله جهزت كلشي وشرت كلش لانها فأخر حماسها جهزت الجلسه برا والبجامات والاكل والحلويات والمشروبات حتى انها طلبت مصمم للحفلة هذي وجا اليوم المنتظر وصلو البنات وصورت فديو للتيك ولبسو بجاماتهم وبدعو يلعبون ويغنون بعد ساعه ونص رن الجرس وماكلن في احد بالبيت واضطرت هي تفتح الباب بس وقفت وراه عشانها لابسه بجامه مع ان شكلها مرتب بس ماتبي كان الي عند الباب معصب ويدور ابوها وقالت انه مو موجود وعصب اكثر وعصبت هي من صراخه هاوشته وقفلت الباب بوجهه وتسمعه باقي معصب ويصارخ طنشته لانها ماتبي تخرب مزاجها بذا اليوم لعبو وسهرو وتعشو وصلت الساعه 2 وكل وحده راحت بيتها راحت ارجوان تمسح الميكب حقها وتربط شعرها عشان تنام وضحكت من جمال هاليوم بس هذا الغريب مين قامت تتسأل ليش كان معصب ومين هو ووش يبي بأبوي طنشت كل الافكار ونامت صحت ارجوان الظهر وكانت امها طالعه مع نايف يتمشون نزلت تحت وتسمع ابوها يكلم وكان متوتر وخايف ويتأسف قالت بنفسها مين هذا الي خلا ابوي كذا وجع وتذكرت الرجال الي امس وهي ماعلمت ابوها.....
اول ماقفل المكالمة دخلت على ابوها توتر زياده يوم شاف بنته خاف انها سمعت كلامه قالت: بابا شفيك تكلم مين؟ وليه تعتذر؟؟ تأكد ابوها انها ماسمعت من طريقة كلامها وقال بحد خفيفه: مافيني شي اكلم خويي عشانِ سحبت عليه امس هزت ارجوان راسها وطلعت مع انها ماصدقته كل ذا التوتر عشانه سحب عليه ماظنتي ماهتمت لهم وطلعت لازم تحلل اخر يوم ويكند لان بكرا الاحد اففف طلعت تتمشى بالسياره والسماء كانت عبارة عن كتل غيوم من جمالها ودها ماتتحرك وبس تطالع فيها دقت على اخوها وقالت: اسمع مالي دخل بتجي انت وماما ونكشت الجو مايتفوت ورجعت البيت تجهز لان بالبر يكون الجو ابرد عشانه منطقه مفتوحه مافي مباني وجا نايف ويجهز العزبة والاغراض هو وامه وقالو لابوهم بس يرفض يجي بعذر انه عنده شغل بالشركه "يوم السبتت!؟" محد دقق كثير وخلصو وطلعو بسياره وحده وطول الطريق ونايف وارجوان يتهاوشون عالأغاني هي تبي عبدالمجيد وهو يبي محمد عبدة سحبت امهم الجوال وحطت راشد حبيب قلبها وجلست ترقص وهم يضحكون من حركتها وصلو الثمامه ونزلو وفرشو الفرشة وحطو اغراضهم ويوو القهوة وكان الجو عبارة عن حلم وكانت ارجوان تدور وتصور عشان تنزلهم بحسابها اذن المغرب صلو ورجعو بيتهم وبدت ارجوان تتسبح وتجهز اغراضها لدوام بكرا وهي طول الوقت تتحلطم
بدا الاسبوع وكان اسبوع غريب من كل الاطراف كل الي بالرياض يحسون بشعور غريب ليه؟ هل بيصير شي هل فيه شي وليه الكل مو مرتاح بعد ثلاث ايام نزل خبر زي الصاعقه عالكل "نشرت الاخبار اخبار عاجله وطلع ترند بتويتر وكل مكان الدول المنافسه كانت تبي تنهي السعوديه وترمي متفجرات "كان الكل خايف ويدعي من كل قلبه مايصير شي والي مخوفهم اكثر ان صاير هدوء من ملك الدوله وولي العهد ماكان في اي خبر منهم ولا قالو شي كان البعض مؤمن انهم يخططون لشي لعظمة هذي الدولة وعظمة جنودها جا وسط الاسبوع كانت طالعه ارجوان للدوام كانت بتركب السياره ولقت زايد واقف برا عند باب بيتهم ينتظر خواته وبدون سابق انذار جا صاروخ بس صدوة بس طاح شظايا ( قطع من الصاروخ) حول الحي حقهم واهتز المكان جلست ارجوان بالارض وتبكي وجو اثنين صواريخ من بعده وكانت ترجف زايد على انه ما يدانيها بس رحمها وراح لها ركض وجلس عندها يهديها ويضمها وشالها وحطها لم الجدار عشان تهدا طلعو خواته وجلسو يطالعون بأخوهم وتصرفاته بصدمه اول مره يسوي كذا او انه يهتم بأحد كان شعور الصدمة اعتلى بأنفسهم محد راح لدوامه والكل جلس بالبيت من الخوف ماداومو اسبوع كامل....
