نامت وتركت كلشي دخلت خالتها الغرفه وشافت وضعها وجلست تهز راسها وقفلت اللمبات وخلتها ولاحركتها ....(الرياض)منسدحة ارجوان عالكنبه وتتحلطم منه لحظات وتسمع طق الباب وقفت بسرعه وخافت انه رجع ويكمل عصبيته عليها :يالله اف شيبي بعدين لا مو هو لو هو كان دخل ماطق الباب ذا ماعنده ذرة احترام ..قاطع كلامها طق الباب مره ثانيه وراحت تفتحه وقابلتها منى بابتسامه: تجين تلعبين؟...رفعت حواجبها ارجوان منها :العب؟؟ .. منى:اي كنا جالسين انا وامي وعبير وقلت يعني كذا نلعب بس حبيت اناديك معنا وماتجلسين لحالك .. هزت ارجوان راسها بالموافقه ونزلت منى تركض وتجيب الالعاب من غرفتها:يلااا قومو نلعب..التفتت عبير:يلا يلا طفشش بس ويت وش بنلعب احنا ثلاثه ومافيه رابع كانت بتتكلم منى بس تركت الي بيدها وركضت لامها الي نزلت دموعها:يمههه هو شفيكك.. مسحت دموعها وابتسمت لبناتها:لو ريان فيه كان الحين يلعب معاكم التفتت عبير للجهه الثانيه وجتها غصه ماكانت تبي تتكلم من جابت امها الطاري وكان كل هالكلام تحت مسامع ارجوان الي وقفت عند الباب بعد صرخت منى ومن سمعت الاسم عرفت ان ريان الي ماسكه قضيته هو ولدهم!!! ..رجعت لغرفتها تركض واخذت عبايتها ونزلت ومرت من عندهم ووقفت تسلم :السلام ياخاله شخبارك ..والتفتت لمنى :اسفه ياقلبي مقدر العب معكم جاني اتصال عمل مهم ومستعجل وطلعت ووقفت عند المرايه تلبس نقابها وتكلمت عبير ظناً منها ان ارجوان راحت: تستهبلين منى! كنتِ بتخليني العب مع ذي على جثتي ما العب معها!!...منى:خير مريضه انتِ وش هالتصرفات طفله طفله؟؟؟؟ تراها زوجة اخونا رضيتي ولا لا لان رضاك بالنهايه مو مهم!...كانت بتتكلم عبير ونطقت امهم:بس انتِ وياها بس ياعبير واحترمي اختك الكبيره!...منى: هي بقت احترام اصلاً شوفي تصرفاتها وكلامها مع ارجوان!!...الام:خلاص بس ادري وانتِ ياعبير وش هالكلام عن ارجوان وش مسويتلس ارجوان وراتس تكرهينها كذا!!..التفتت عبير للجهه الثانيه ولا ردت وانتبهت للضل الموجود الي يبين لها انه يعدل نفسها وانحرجت كثير ان ارجوان سمعتها.. اما ارجوان حاولت تمسك دموعها وتطنش كلامهم عنها وان عبير تكرها طلعت مستعجله وركبت سيارتها وانطلقت لمقر عملها باقصى سرعتها وقفت عند دوامها:الله عليك يا ارجواني تعصبين على سرعته وانتِ الحين تسرعين تناقضك اتعبنا.....
مشاري:وشرايك تهدين وتعلميني شصاير؟...ارجوان: ريان يامشاري الي ماسكه قضيته لازم اخلصها وارجعه لاهله ..مشاري: وش صار وش الي تبين ترجعينه بسرعه ليه شالسبب...ارجوان:اخو زايد ريان اخو زايد انا متأكده زايد بن عبدالله وريان بن عبدالله اليوم يسولفون وسمعتهم جابو طاري ريان وانه مختفي والواضح لي انهم مايدرون عنه ولا عن قضيته ومايدرون عن ولاشي كل الي يعرفونه انه مختفي وبس
مشاري: تمام تمام لازم نشتغل اكثر يعني ....ارجوان: الملفات الي طلبتها وصلت؟؟... مشاري: اي ملفات!؟
ارجوان:لاتقول!!!ياليل..(بالديره)بشرى:خالتي وش صاير وش هالازعاج وش فيه ابوي يصارخ..الخاله: مافيه شي مافيه شي...جا ابو بشرى ودخلت الخاله الغرفه لانها مو متغطيه :اسمعي يا بشرى زواج من نايف بتتزوجين!!! تسمعينننن مابي ولا كلمة...بشرى انصدمت من ابوها وانه يبي يزوجها من نايف رجعت لورى والتفت على خالتها وعقدت حواجبها وحمرت عيونها والتفتت خالتها للجهه الثانيه وطلعت من الغرفه عشان تتفادى وجه بشرى.....بمجلس الرجال في بيت عبدالله فهد: شخبارك يانايف شخبار الرصاصه ادري انها ماهزتك لانك رجال ولد رجال ولاينخاف عليك ...ضحك نايف:ماعليك زود ياعمي وشخبارك انت ...هز راسه فهد وكانو يسولفون الا ان بدا يخف المجلس من الرجال وبقى ابو غزيل وفهد وعبدالله وقرر انه يتكلم فهد بما ان ابو غزيل قريب منه وماعنده مشكله يتكلم وهو موجود :الا يابو نايف عندي لك موضوع ..عبدالله: اسلم...فهد:والله شف البنت عندي تمت ال22 سنه وودي ازوجها ولا لقيت رجال ينفع لبنتي زي نايف ..ابتسم عبدالله وهز راسه بعلامة الرضى بس كان نايف له رأي ثاني جالس على جواله ومعقد حواجبه وكان يكلم ارجوان:اقول شفيهم ذولااا!
ارجوان:وش مين وش قاعدين يقولون؟
نايف: ذا الشياب الي عندي
ارجوان:هههههههه شفيهمم
نايف:وش مافيهم فهد ابو بشرى يبي يزوجني بنته
ارجوان:وش فيها بنته حلوه وسنعه ولا حاط احد ببالك يا الشيطان
نايف:انا ماحطيت فكرة الزواج براسي من الاساس.....
