Part(16)
زايد وجهه صار احمر معد يعرف وش يقوله بالنهايه برضو اخوه غلطان لانه ساكت بس كان طفل خايفف حاول يهديه وقاله يكونون بنفس مكانهم وسأله هل هم بيقدرون يعيشون بالمكان هذا قال ريان ايوا نقدر قال خلاص خليكم واحنا بنحاول نشوف السالفه جت الشرطه لباب بيت ريان طلع لهم زايد والام خافت لانها ماتدري وش السالفه كانت تقول ببالها ان ريان مات او شي زي كذاا طلبو الشرطه حضور زايد ودخل لامه وخواته يهدي فيهم ويقولهم انه عشان عمله صايره سرقه وسالفه ريان ماله دخل اهدو ارتاحت شوي بس قلبها ناغزها طلع معاهم وراح وصلو القسم وبدو يحققون معه بخصوص ريان بس ماوصلهم شي منه ما استفادو لانه ماعنده علم عن ايشي حاول وقت التحقيق مايبين توتره وانه يفكر طلع من القسم وراح مكان هادي يرتاح فيه قرر يتصل على نايف يتطمن عليه شاف انها عشر قال لا يكون نايم؟؟ لا لا بتصل بكرا يمكن نايم تعبان الحياه غير هناك.. بحكم انه يعرف اهل الديره انهم ينامون بدري فا فكر ان عيال عبدالله تعودو وصارو زيهم ...بس لا ابداً ماينامون الا متأخر وعجزو يتقبلون مر شهر وارجوان مو متقبله وضعهم وعيشتهم بهالديره وتبي تروح تعيش بالرياض وقررت تفاتح ابوها بالموضوع انها ترجع للرياض انتظرت ابوها يرجع لانه فتح له محل بالديره وواضح ماله نيه يغير رايه فهي بتطلع مارح تنتظره جلست تنتظره ونامت وهو باقي ماجا وصحت اليوم الثاني وهو يتجهز بيطلع راحت ركض له استقبلها بابتسامه كذبيه درت انه يسلك لها بذا الابتسامه بس ما اهتمت لهالأبتسامه وقالت: بابا ابي اكلمك بموضوع كنت بقولك امس بس انت ماجيت ونمت وانا انتظرك رد عليها وقال اسمعي اذا رجعت العصر قولي لي الحين مستعجل...
Part(17)
قلبت عيونها بملل وهي تنتظر ابوها يرجع لانها طفشانه مافي شي تسويه ماتبي تطلع من البيت لانهم يضايقونها ماتدري شتسوي اذن الظهر وصلو ودق الباب فجأه : ارجواااان امي افتحي الباب مشغوله بسوي الغداء وقصرت صوتها وقالت اهخخ الله يالدنيا كانو خدم يسوونه والحين صرت اسوي كلشي راحت ارجوان للباب وفتحت لانها بنت تقريباً بعمر ارجوان ومعها صينيه حلا وواقفه وراها بنت ثانيه دخلتهم للمجلس وجلست قالو: ياهلا فيتس يا ارجوان كيف حالتس؟ ردت ارجوان لهم بابتسامه الحمدالله كيفكم انتو امرو .. مايأيمر عليتس عدو ابد والله صلحت صينية حلا ومريت نوره نجي نتعرف عليك ونسولف معاتس ضحكة ارجوان ورحبت فيهم لقت اخيراً احد تجلس معه وقالت ياهلا والله نورتو الا عرفوني عنكم ردت وقالت انا غزيل وهذي نوره سكتت ارجوان قالت غزيل..؟ اسمك حلو وغريب وش معناته وو اذا مايضايقك ليه سموك بهالاسم؟ ضحكت غزيل وقالت : معناته صغير الغزال الي توه ينولد وسبب تسميتي بهالاسم هو جدتي وحبها للغزلان الصغيره ودايم تربيهم ابتسمت ارجوان على هالشي اللطيف واعجبها مره وجلسو يسولفون ومانتبهو للوقت الا على دخلت عبدالله للبيت : ياهل البيت طلعت له ارجوان تركض وتأشر بعيونها انه فيه حريم التفتو على بعض البنات بصدمة انها لابسه بنطلون عند ابوها هم يلبسون بس مو قدام الرجال يعني بينهم فهم ابوها ودخل المجلس الثاني ورجعت لهم ارجوان وهم يضفون اغراضهم قالت وين وين ردت نوره: والله الجلسه معك ماتنمل وان شاء الله تنعاد مع البنات و والله تأخرنا على اهلنا ياقلبي مع السلامه ابتسمت ارجوان:مع السلامه استودعتكم الله وصلتهم للباب استغربت لانها مو متعوده يعني لما كانت بالرياض كانو البنات يجلسون لين الفجر...
