ي ترجية سلف معدان
احيرن من اوصفنج
نواعير الدمع نشفن
يخيعون الكعد يمج 💛💎
#رامي_الربيعي
الكاتبه - بـٰنو | 𝐵𝑛𝑜 🧚🏿♀️💕 .
______________________________________
فهد :
ماعرف شسوي وكعت حطيتها بحضني ومحتار بيها اكو اهواي ناس بس محد تقرب بس ضلو يباوعون من بعيد ضليت ادك على خدها بلكي تكعد ماكو اجت مَـرّھٌ جبيره وياهه ابنيه شابه جابت مي وغسلت وجها بس ابدا ماتحركت اجو يلي يشتغلون بالامام ضلو يسئلون وكالو هسه نخابر للاسعاف اريدها تكعد ماكو من بعيد شفت نرجس وعلي يتمشون اشرت بيدي بس شافني اجه يركض
بس شاف ترف واكعه اجالها يركض صاح على لمره ولبنيه وهم الامنيه مال الامام يبتعدون كامو ضليت بس اني حاطها بحضني ضل يسوي مثل لتمارين على صدرها بحركه دائري ويضغط حيل وانوب رش مي على وجها ورجع سوه هاي لحركه اكثر من مَـرّھٌ وهم كلما يسوي يرش على وجها مي ماكو ولا كعدت راح يم رجلها لابسه جواريب نزعها وصار يسوي مثل لتمارين على اصبع رجلها لصغير بعده مامخلص حسيت عليها بدت تصحى والله صدك فتحت عيونها وبقت صافنه ثواني الا استوعبت هيه وين كبل سحبت نفسها وكامت انطيتها لمي شربت منا اشويه وكامت ضلو يتحمدولله بسلامه وهيه ترد رحنه لمكان اهلي راحت ترف نامت بحضن امي سولفت نرجس كلشي لامي كلش خافت عليها اشوي وكعدت
ترف :نرجس امشي وياي نروح لامام ماشبعت
فهد :كعدي وسكتي
ترف :ليش اريد ازور شنو حرام
فهد :قبل اشويه واكعه وهيج تحجين وبعدين جوه هوسه مساع من تفتيش اختنكتي اشلون تتحملين جوا كعدي وسكتي
ضلت امي هم تحجي وياهه بس عاندت وراحت هيه ونرجس ربع ساعه واجن بقيت صافن عليها ولا عبالك هيه قبل اشويه واكعه مثل لميته عادي تسولف وتضحك وتشاقه اجن لبنات وضلو يسولفون ويضحكون واني صافن بس على ترف شهل قابليه لعدها رادو يرحون يكصون صور طفرت ترف اول وحده
زمرد :ياا ولج انتي على كيفج مو مريضه
ترف :ادري لمريض يموت اشلون مايعيش كلساع وكلتو مريضه يمعودين متعوده واذا
زمرد :ثوله غير اخاف عليج ترحين توكعين مَـرّھٌ ثانيه
ترف :هسه واذا وكعت عادي
زمرد :لج ياعادي متخافين على نفسج انتي كعدي ارتاحي
ترف :ياخاله هوا لعمر واحد ولدنيا مره وحده نعيشها خليني استمتع بكل لحظه بيها وبعدين كلمن ويومه اذا مكتوبلي اعيش لو اوكع بنص لنار هم اعيش واذا مكتوب اموت يجوز واني نايمه اموت لهذا مااحب اخاف على نفسي وافكر بلبعيد احتمال ماكو بعيد خليني مستمتعه
زمرد :لسان دلاله اكدرلج اني
ترف :لا طبعا
غسق :كومنننننن يلا
