هلاو بناتت رجعنا من جديد اكو مشهد اختصرته وترف مجانت قابله بس لان جان عندي ضروف ولغيته وماسردته هسه راح اسرد لمشهد لقديم وبنفس لوقت اسرد الكم مشهد من لحاضر مالتهم وبعد تنتهي الروايه ومابيها جزء ثاني حبايب اتمنى تتفاعلون وبس احبكم
نهايه البارت مهم جداً
الكاتبه ام البنين نعيم
........................................................................
ترف :
كاعده وضايجه ماحجي وياه اي واحد بلبيت وفهد جان يشتغل بلمكتب واتصلو عليه وطلع وحتى ماعبرني ولاكاني موجوده كلت عليمن مهتمه منو ليسوى وافكر بي طز بلدنيا كلها
كمت كصصتلي فواكه ومكسرات وعلكت لتلفزيون وضليت اتفرج مسلسل كوري على امبيسي فور واني مندمجه بلمسلسل اتصل جهازي كمت واني متذمره شفت لمتصل علي رديت عليه ابسرعه
رد بصوت مخنوك
📞الو
📞هلا علاوي اشبي صوتك ؟؟
📞ترف مخنوك كلش
📞خير شصاير ياستار
📞مصاير شيء
📞لعد اشبيك صوتك تعبان وانته اتكول مخنوك فهمني شصاير
📞لج مادري مادري كعدت لصبح احس اكو شيء كاعد على صدري حاجب عني لنفس مدري اشبيه حتى شغل ماعرفت اشتغل رجعت لشقه حاولت انام ماكو مخنوك مادري شسوي
📞اقره سوره الشرح هسه ترتاح عيدها كساع مو تقرها مره وحده
📞ترف اطلب منج طلب
📞اي كول
📞تكدرين ترحين الامام الكاظم (عليه السلام)
📞اي اكدر بس شسوي ؟!
📞اريد ترحين وتفتحين كاميره اهناك اريد اشوف الامام
📞وين يقبلون اشبيك طلعت للخارج واثر بيك ونسيت لعراق
📞لج مانسيت بس انتي كولي الهم ماعتقد يحجون
📞زين واذا ماقبلو ادخل لجهاز ؟
📞انتي اندعيلي
📞انشالله
سديته منا واحس حتى اني مشتاقه لزياره كمت طلعتلي ملابس وبدلت وماحطيت شيء بوجهي غير لكحل وبعدين حضرت عباتي واتصلت على فهد حتى انطي خبر يرن يرن وماكو مايجاوب انوب اتصلت مره ثانيه رفضه ورجعت اتصلت للمره ثالثه سوا وضع طيران ضجت منا كلش وماهتميت
لبست عبايتي واخذت فلوس وطلعت لغرفه تيم بدلت اله وطلعنا نزلنا جوا جانت عمتي وجناينها كاعدين مسوين عصرونيه وكانت لساعه ب4ماسلمت اشرت لشهد وطلعت برا اجت شهد وراي للحديقه
شهد :ها شنو تردين ؟
ترف :من يجي فهد كليله ترف صارت عدها شغله وطلعت
