فهد يكول :
وآنه ماشايف جَمال بگد جمال عيونها !
الكاتبه بنو
.........................................................
فهد :
ضجت كلش كلما اريد اروح اخطب تطلع سالفه وتتأجل خليت ورحت للمستشفى اشوف هاي لغضب اشبيها منتحره
دخلت للمستشفى خابرت على حسام دلاني على مكان عمي رحت لكيت الكل يم الانعاش عمي ضاربته جلطه بس خفيفه الكل خايف على عمي بس ابدا ماجابو طاري هدير اريد اسئل اشبيها منتحره بس الكل ملتهي عمامي كاعدين على عصابهم اذا اسئل ينفجرون بوجهي شفت بكر كاعد على صفحه متكتر رحت كعدت يما
فهد :اشلون وكع عمي
بكر :من ضيم
فهد :شكوو وهدير ليش منتحره
بكر :هدير منتحره ؟؟؟منو كلك هذا لحجي
فهد :هذا لحجي لوصلني
بكر :جذب مامنتحره ولاشي اني ضربتها
فهد :ليش
علاقتي بابكر تقريباً رجعت مثل قبل ضل يجي لبيتنه ونكعد نسولف ومايضم شي عليه
بكر :اوف ياخوي والله تعبت منها اريد بس واحد يخطبها وانطيها ونخلص
فهد :شمسويه ؟؟
بكر :مادري قبل شهر اجتلي امي وكالت اخذ الجهاز من هدير سئلت ليش رفضت تحجي هوا من سالفه ترف منعت عنها لجهاز بس ابوي اشتراله قبل 3اشهر بس امي من كالت اخذه منها اخذته منها فتشته كلشي ماشفت بي وماهتميت ضميته بمكان محد يدري بي قبل اسبوع لجهاز اختفى محد يندل مكانه حتى مرتي ماتندل بس رحت سئلتها كالت مادري شسوي بي حتى لو اندليت مكانه رحت لهدير حلفت مامخذته دورت غراضها ماكو وهيه من شافتني صرت اعصاب راحت توضت وحطت ايدها على لقران انو هيه مامخذته
شعرفني اني بيها صدكت اكو واحد يحلف بلقران جذب امس بليل اتاخرت بلشغل ورجعت ب11ونص بليل ميت من جوع رحت لمرتي جانت بلغرفه تنتضرني كتلها جوعان وراحت تسوي اكل واني دخلت سبحت وبدلت وطلعت للمطبخ كعدت يم مرتي بس هيه مادري اشبيها متوتره وعينها على باب لترك لوره لبيت
سئلتهه اشبيج كالت ماكو شي بقيت كاعد واشوفها تروح وتجي ومتوتره وتريدني اروح للغرفه انتضرها شكيت اكو سالفه خليت وكمت للباب افتحه واجت تمنعني اتكول ماكو شي هاي اشبيك سمعت صوت بزون وخفت بس ماصدكت طلعت وشفت ست هدير جاي تخابر مادري المن بس صوتها ناصي كلش ماينسمع منها شي بقيت اتصنت عليها حاولت اسمع ماكو ماسمعت شي
فقدت عليها هم مجذبه عليه وهم حلفت بلقران جذب وهم داخله لغرفتي ومفتشه بغراضي رحت الها من شافتني انصدمت اخذت لجهاز منها ابسرعه حطيته على ذاني اريد اسمع تحجي وياه منو اجاني صوت ابنيه تصيح الو وين رحتي سديت لخط وسحلتهن كتلتها كتله اصلا فقدت وهيه تصرخ
