فقيده القلب

تكمله 43

حبيتك صدك مو لهو تالي الليل
ولا حب اتصال وكامرا وصوره
حبيتك حب طفل من يعشگ الالعاب
بيك عيوني طول الوكت مبهوره
لو ادري عشرتك مو طويله وياي
چا ماعشت لحظه وروحي معذوره
ولكن على الگصه الكاتب الله يصير
متعرف الحلو اله من المروره
شگد عاشرت غيرك ما رهم وياي
ولا گلبي نساك ولا خذت شوره
ما ريدك ترد بس گلبي رده ارجوك
عايف بس جسد وضلوع مفطوره.

الكاتبه - بـٰنو | 𝐵𝑛𝑜 🧚🏿‍♀️💕 .
.............................................................
شهد :

شفت صوره زينب ام رهف انصدمت بي ليش خطبني اذا يحبها لهاي لدرجه عثمان جان مامركز وياي دايخ فجاءه شاف لصوره بيدي سحبها على سريع من ايدي بقيت واكفه مصدومه ماعرف شسوي  هسه لآزٍمٍ اطلع من لغرفه لو اواجها ماعرف شسوي هوا من وحده صار يبرر

عثمان :شهد لتفهمين غلط هاي لصوره امس رهف بليل جابتها جانت عدها واني نعسان اخذتها وحطيتها جوا لمخدا

بقيت ساكته اباوع عليه لان كلش توتر وهوا يحجي

عثمان :شهد جاي احجي وياج اقسم بالله ماجانت اهنا واصلا هاي لصوره بذات مو عندي عند امي وهيه ناطيتها لرهف وامس رهف اجتني اتكلي اني اشبها ماما واني جنت نعسان اخذتها منها حتى تروح تنام وحطيتها اهنا واذا متصدكين روحي سئلي رهف

عفته وطلعت من لغرفه بدون ماجاوبه ماعرف ليش بجيت دخلت للغرفه غسق خطيه تفتر خايفه عليه بس شافتني اجت تركض

غسق :شهوده اشبيج سوالج شي احجي

شهد :لا بس ممكن تعوفيني وحدي

غسق :شصاير ليش تبجين اذا ممسوي الج شي

شهد :غسق اترجاجج عوفيني وحدي

غسق :والله ماعوفج غير اعرف اشبيج وشنو سوالج

شهد :ماسوه شي

كمت اخذت ملابسي ودخلت للحمام وقفلت لباب محتاجه ابقى وحدي بقيت ابجي ايي ابجي ليش حظي قليل يعني لا اهل مثل العالم لااخت لا حياه بيها طعم من دخل عثمان بحياتي حسيت نفسي ملكت الدنيا حسيته هوا العوض عن كلشي  شفته بحياتي كلت واخيرا لقدر نصفني واخيرا كعد حظي بعدها طلعت اني بديل حتى ينسى بيها حبه الآۆلْ ههه غبيه شهد غبيه اشلون اصدكين بي اشلون تسلمي كلبج وهوا مامهتم لاالج ولالمشاعرج بجيت بجيت اهواي طلعت حركه كلبي كلها وكمت كعدت جوا الدوش اكثر من ربع ساعه اني جوه دوش كاعده  اندك لباب غسق تسئل ليش طولت بلحمام كمت لبست ملابسي وطلعت

غسق :اشبيج شهوده ليش هلكد باجيه

شهد :ماكو شي

عفتها ورحت دخلت بلفراش ماحسيت يمته غفيت هاي اول مره اغفه وشعري مبلل ومامشط كعدتني غسق لساعه ب11بليل لان نايمه من لعصر ومو عوايدي لان اني مو كلش آحـبُ لنوم بس ليوم ذبيت روحي