- في جمال عيونكِ انهزم قلبي كثيراً 🤍.
الكاتبه بنو
.............................................................
ترف ::-
كعدت لكيت نفسي بلمستشفى لابسه قفطان يلي اروح للبيت وفهد يمي خايف عليه ماعرف شنو احساسي بلحضتها بس تعبانه ومقهوره بنفس لوقت ابدا مو شكول زواج اني لو وناسه يوم زواجي اني بلمستشفى
مقهوره على فهد اشكد رفضته ليش ماشاف حياته ليش بقى متمسك بيه اني مافيده وحده مريضه شيسوي بيه لايصير عندي حمل ولاخليته يفرح باول يوم زواج اله يلي كضاهه بلمستشفى
فهد ماشايف شي من حياته لامزوج قبل ولاشي كله منه لطش الا يزوجني وهاي نتيجه بليله عرسه هوا بلمستشفى بقيت مقهوره عليه اكثر من ماضايجه على نفسي
بس كعدت ضليت نص ساعه قاسو ضغطي وهاي وطلعوني من لمستشفى رجعنه اني وفهد للفندق شكله مبين خايف عليه واني ميته قهر
بقيت هيج احجي بيني وبين نفسي دخلنه للغرفه لزم ايدي وجر لقفطان يلي ملبسها الي فوك لسيت نوم ونومني على جربايه ولشال اني نزعته غمضت عيني حسيت عليه نام بصفي
كعدت لصبح مابيه شيء لكيته نايم بعده كمت للحمام غسلت وطلعت لكيته فاتح عيونه ويباوع لسكف
ترف :صباح لخير فهد
ابتسم ورد عليه
فهد : صباحي عيونج ولنور لمعتهن
ترف :ميصير هيج تخجلني من لصبح
فهد :جعل محد يخجل غيرج
ترف :اممم يلا كوم غسل
فهد :امم اي كايم
راح للحمام طلعت ملابسي قفطان مغربي لون ابيض وتطريز ذهبي كلش حلو للمحجبات ونفسه يلي لبسه الي فهد امس بلمستشفى حطيت مكياج قوي مو خفيف ولون لحمره ماروني لبست لقفطان واني كل اشوي اباوع على باب لحمام شنو فهد وين راح معقوله وكع بلتواليت (تكرمون )لْـۆ كمل نومته ماهتميت بدلت بقه بس لحجاب
ذهب مالبست لان ماحبه وكلش كافي هوسه لقفطان مو مال البس ذهب طلع فهد اتنفست وحجيت
ترف :واخيييرا عبالي وكعت لْـۆ نمت جوا
رفع حاجب وماجاوبني راح لجهاز ارضي مال ڣڼـډڨ اتصل عليهم وطلب وجبه ريوك وسد لخط واجه يمي وهوا ينشف بشعره
فهد :وين رايح لحلو من صبح
ترف :غير للبيت نروح
