الحياة رواية جميلة عليك قراءتها حتى النهاية لاتتوقف أبدا عند سطر حزين
قد تكون النهاية جميلة
الكاتبه بنو
..........................................................................................................................
بعد مرور زمن طويل…
صعدت فوك واني معصبه فتحت لباب بعصبيه شفتها كاعده وهيه زعلانه وخاله لفستان يمها
ترف :بعدججج معانده يلا كدامي عوفي لفستان وامشي يلا نفس ماريد اسمع منج لاعبالج اني فهد وتمشين حجايتج عليه
تالين :ماما ماريد البس مثل تميم شنو لآزٍمٍ نلبس نفس لشيء كل سنه وبعدين المن مشتريتلي فستان اذا تردين تلبسيني مثله
ترف :لفستان لعيد ميلاد لبنات بعد 15يوم تلبسي هسه يلا كدامي ملابسج حلوات ومابيهن شيء
تالين :واني ماريد احد يقلدني بلبسي
ترف :غير تستقر بت انجلينا جولي
تالين :بكيفج لو البس لفستان وانزل لو من الاساس ماانزل ماريد احد يلبس مثلْيےّ
ترف :توت تره بديت افقد اعصابي كداميييي يلا
دنكت راسها وبعدها معنده بهل اثناء اندك لباب وانفتح دخل فهد باوع علينا
فهد :شنو ليوم ابيش ساعه الحفله يلا نزلو
ترف :انتضر حضره جناب الاميره ربانزل تقتنع تنزل بملابسها هذن
فهد :اشبيها اميرتي
راحت يم ابوها وكعدت تتمسكن
تالين :بابا اني ابنيه تقبل امي تريد تلبسني مثل اخوي ومتقبل البس فستان
ترف :لاتخبليني ملابسج مال بنات مجرد مطقمين نفس لشيء ومستحيل تنزعي لان الدزاين كله على هاي ملابسكم
فهد :علمود دزاين وتصوير قاهره اميرتي طز بيهن لبسي يلي يعجبج حبيبتي
ترف :فهدددد
فهد :اي خلي تنزل وبعدين عود تنزع لفستان وتلبس هذن لملابس حتى تصور ها شنو كلتي اميرتي
تالين :اييي موافقه وقت التصوير انزع لفستان
اجيت انجلط منها اخذت لفستان وراحت تركض تنزع فهد طلع اني مسويه الها تسريحه وياه الطقم مالتها بس من لبست لفستان صار مو حلو كلش جبت الها تاج وطلعت الها كذله ونزلنا واني كوه لازمه اعصابي منها
