شفتك بالحلم
شفتك بالحلم فزيت ادور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك
شلتك بالكلب يوم الجنت موجود
ودمعة بالجفن يوم الرحت شلتك
الكاتبه - بـٰنو | 𝐵𝑛𝑜 🧚🏿♀️💕 .
.............................................................
ترف :
معرف شنو اوصف حالتي بفقدان اعز شخص على كلبي اي وسام جان كلش عزيز عليه بمعزه فقار اخوي واكثر خبر وفاته جانت دمار الي بوفاة بيبيتي ماسويت هيج ولا صارلي شي بس وسام يختلف وسام عشت ويه سنه وكم شهر جان اخ وصديق الي شنو احتاج الكه يمي اشكد جان يضوجني ويزعلني بس مشڱلھِ ماكدر بدونه اصلا بيوم لمايجي للكليه احس بفراغ اشلون هسه بعد مااشوفه يعني ولا اسمع صوته ولا يشاقيني وازعل وبعدين يراضيني باغنيه لو شي
ماعرف اشلون اتصرفت من سمعت خبر وفاته ولا اذكر اي شي غير اكو الم بجسمي كلش قوي وخصوصا كلبي وصوت الاجهزه ازعجني جنت اسمع كلشي بس من الوجع وتعب مابيه احرك نفسي او احجي كلمه بس الم ماينوصف بجسمي اني ماجنت داخله غيبوبه ولا فاقده لوعي مثل مايكولون اني اسمع حجي لدكتور ويه لممرضين
واحس بكل لحولي بس مابيه وماعندي طاقه افتح عيوني احس جفن عيني ثكيل وعبالك حاطين عليه حجار ماكدر افتح عيوني واشوفهم لوجع اذاني انام واكعد نفس الم ومابيه اسوي اي حركه بجسمي او بوجهي احس عبالك متشجنه سمعت صوت لباب انفتح كل ضني لممرض لان بس هما اسمع اصواتهم
جان اسمع صوت علي معرف شصار بيه رغم علي مو بمعزه وسام بس هم اخوي وصديقي حاولت كل جهدي الزم ايده او احركها على اقل حتى يعرف اني عايشه حتى يساعدني ابعد هذا لوجع من جسمي بس كل محاولاتي راحن هدر وماكدرت اسوي شي معرف اشكد مر وقت وسمعت صوت لممرض يطرده بس من طرد ماجان يقصد علي بس بعد اكو شخص غيره لان كال اطلعو بره بس منو ويه مادري ضربني ابره ونمت مادري اشكد مر وقت ولا اعرف هسه ليل لو نهار كل يلي اعرفه راح اموت من الوجع
واني نايمه حلمت بوسام
كانمأ كاعد على لبحر لمنضر ليمه خيال بحر ازرك صافي وهوا كاعد وجان اجيله اني من بعيد اصيح وسام وسام هوا التفت وابتسم بدون مايحجي باوعت عليه وكسرت ركبتي وكتله وسام موجوعه جسمي يوجعني كله هوا اشلون لضاج اخذ ماي من هذا لبحر وقدمه الي كال اشربي شربت اشويه وهوا مبتسم كال ترفه سباعيه وقويه شنو هوا لوجع يتغلب عليها اني رايح سلميلي ومشه والتفت عليه مبتسم شمر بوسه بلهوه وراح واني بقيت بمكاني فزيت من لحلم
احس كلبي راح يطلع من كد سرعته حاولت افتح عيوني هم ماكو ماكدرت ضليت ابجي احس بحراره لدموع بس ماشوف شي غير لسواد معقول بعد مااشوف لو لان تعبانه
••••••••••••••••••••••
غسق :
الكل جان ضايج على ترف فهد مااجه للبيت اصلا وامي تجي بس تبدل وترجع وشهد وفاطمه وحده تروح لصبح وحده بليل يوم رابع وهيه نفس حالتها
