خلص صبري وجمالك حيل ..شدني....
ومثل خيط الوبر خداه ...شدني . ..
يگلي ادني لحد شفتاي ...شدني....
شدني من الذنوب طنون بيه....
الكاتبه - بـٰنو | 𝐵𝑛𝑜 🧚🏿♀️💕 .
.............................................................
ترف :
عفت بكر وتقربت من فهد يلي صار اعصاب لان شافني واكفه ويه بكر حجيت همس
ترف :فهد عفيه اريد ارجع للبيت
فهد :فوتي جوا ترف اشوي وتطلع لزفه
ترف :فهد راح اتخربط محتاجه للعلاج وماجايبته وياي
فهد :اشبيج شنو تحسين بلضبط تعاي
جرني حيل وعصب اكثر وهوا يكول دنكي راسج لترفعي لتباوعين منا عدلي حجابج
وصلنه لسياره فتح لباب لكدام وصعدني
فهد :شنو تحسين يعني اخذج للمستشفى
ترف :الم قوي بس محتاجه علاج مو مستشفى ليوم مارتاحيت من صبح لحد هسه لهذا تعبت لآزٍمٍ اروح ارتاح
فهد :تمام يعني اخذج للبيت
ترف :ايي اخذني للبيت
فهد :وحدج زين خاف تتخربطين شي ليش ماجبتي وحده من لبنات باعي راح اتصل على وحده تجي تتحملين على ماتجي وحده من لبنات اتضل يمج
ترف :لا فهد ماتحمل وبعدين عوف لبنات اني ادبر نفسي واصلا مابيه شي بس اخذ لعلاج اصير زينه صدك فهد تيم وين ؟؟
فهد :عوفي تيم هسه اشلون اعوفج وحدج
ترف :صدك تيم وين ؟؟
فهد :يم ادلم ومنذر يدري باله عليهم
ترف :ها
فهد :ها اخذج مستشفى احسن
ترف :وصلني للبيت وبس
بهاي لفتره حسيت مشاعري صارت تتحرك لفهد رغم اني هلمشاعر مجاي اعترف بيها بس موبيدي من اشوف شخص مستقتل عليه غصبن عليه احبه بنفس لوكت ماريده وماريد اتزوج ولسبب مايصير احبل زين هوا شنو ذنبه ميصير اب وهوا مامتزوج لهذا من سابع لمستحيلات افكر بسالفه الزواج وحتى هلمشاعر احاول ادفنهن داخلي
وصلني يم لبيت وراد يبقى يمي خاف اتخربط بس رفضت رفض قاطع انو يعوف اهم يوم بحياه خوانه ويجيني عفته ودخلت للمشتمل كبل للجنطه مالتي
اخذت لعلاج وبقيت اكثر من خمس دقايق كاعده اشوي اشوي ضل يقل الالم اخذت ملابس ودخلت للحمام سبحت بماي دافي رخى جسمي كله والتعب كله راح طلعت نشفت شعري ميته نعاس وميته جوع
رحت لثلاثه كلشي مابيها غير جبن وبيض رحت اشوف اكو خبز حتى اكل شفت ماكو لاخبز ولا شي لان بهاي لفتره احنه خاله زمرد جانت ادز اكل ومن رحنه لبيت نرجس اكلنه اهناك لهذا مامسوكين اهنا احتاريت وين اروح واني ميته جوع اضطريت اخابر
